من أولى رواياتي - حــلــم مــراهــق - <<الفصل الثاني>> - شبكة القناص

رهيف الإحساس · 28-08-2006, 07:41 PM

قبل البداية
اللي ما شاف الفصل الاول

يــضــغــط هــنــا

--------------------------------------
سلام علاااكم
شباب وصبايا
سحالي وتماسيح
الصراحه ما توقعت كل هالتفاعل مع روايتي
والله أكلمكم من جد ما توقعت
وأنا أشكر كل من تفاعل معاي بالرواية من تشجيع وتقديم مساعدة
وهذا أعطاني دافع قوي أني اكتب الفصل الثاني من الرواية
على العموم حبيت أنبه لكم ملاحظة
انو 90% من الأحدث الرواية حقيقية ونعيشها يومياً
ولا أخفيكم القول أنه جائتني رسائل انتقادات للرواية<<وهذا يزيدني أصرار طبعاً
المهم
أنا تجهزت لأكتب الفصل الثاني من الرواية
فجبت لي علبتين شراب الطاقة <الريد بول بيعطيك جوانح> وكيس المكسرات يابانية
وانسدحت على السرير وزبطت اللاب توب على المخده وكله تمام لكتابة الفصل الثاني من الرواية
ولقد تم تنسيق هذا الفصل احسن من اللي قبله
جاهزين للفصل الثاني

1

2

3

أكشين

===============================
الفصل الثاااني
>>بداية العلاقة بين رهيف و ؟؟؟<<

الصراحة أنا بديت أرتجف من بعد ماعطاني (الزعيم)الرقم أول مرة
قعدت أفكر وأقول في نفسي:
أكلمها وإلا لا ,طيب وان كلمتها وش أقول لها
ودي أعرف كيف المحبين يكلمون حبيباتهم ,ودي أعرف بس
بعدها رحت فتحت النت ,ورحت ادخل في منتداى وأطلع من ثاني ,وكلها عشان أشوف كيف الأساليب اللي تستخدم لذي الحركات.
وأنا قاعد عالنت جاني اتصال من رقم غريب<أنا الصراحة مارد على أرقام غريبه بالعادة>
بس هالمرة رفعت الجوال
رهيف: ألوو

ردي علي صوت ناعم (بنت) يقول
؟؟؟: هلا والله رهيف

رهيف: هلا مين معاي؟؟

؟؟؟: تنكت انت بالله عليك ما عرفتني؟؟

رهيف: لا والله ....مين نورة بنت عمي < الصراحة من كثر الخوف تلخبطت بقوووة >

؟؟؟ (ضاحكه): مبين عليك حقيقة ما عرفتني لا تشيل هم أنا منى

رهيف: منى؟؟؟؟!!!!!

منى: راعية اللكزس ما تذكرتي وش دعوى نسيتنا يا حلو؟

رهيف(بحرج): هلا والله منى كفيك؟؟

منى: آآآآآآآآآآآآآآآآه ,تصدق اسمي طالع منك زي العسل يا عسل

رهيف(وهو بالع العافية): هـ .. هــاه... اللــ..الله يسلمك

منى(ضاحكه): تصدق انت تعجبني من أول ما قلتلي (ألو) حسيتك ما قد كلمت بنت قبلي وهذا يونسني

<في ذاك لوقت مدري وش صار فيني وبديت أتكلم كلام أنا نفسي ما قد قلته من قبل وبكل جرأه>

رهيف(بكل جرأه): الله يسلمك

منى: انت كلش الله يسلمك ياخي قل شي رومنسي

رهيف: وش رايك فيني الصراحة وش اللي عاجبك فيني وخلاك متعلقه فيني لذي الدرجة

منى: إن الله جميل يحب الجمال<<يقالها تلمح

رهيف(فاطس ضحك): بس طبعاً أنا ولا شي من هالقمر اللي قاعد يكلمني وإلا؟

منى(مستحيه): الله يسلمك على قولتك

رهيف : ههههههه أقول منى ودي أشوف القمر اليوم ممكن بالليل؟؟

بنفس الوقت كلمت رهف(حمد) عليان

رهف(دلع): ألووو

عليان: ألو يا عسل

رهف: مين معايا

عليان: معاكي القمر عليان

رهف(باستهزاء): وجـــع مين عليان أنا أبغى محمد موجود وإلا لأ؟

عليان: أكون محمد لعيونك

رهف(حمد بصوته الطبيعي): اترك عنك التميلح وعطني حبيبي محمد ماني فاضيه لك اخلص

عليان: مسويه تغيري صوتك ترى والله لو تشوفيني كان تقولي محمد خرطي قدامي

رهف: ياربي معك...انت وش تبي الحين عطني محمد وإلا ضف وجهك

عليان: ليه القمر زعلان؟؟

رهف: <<قفلت الخط>>

طبعاً عليان ما تركها ما صدق بنت تكلمه على الجوال فظل يدقدق عليها حتى طفش وسكت

كلمني بعدها (حمد)

حمد(بصوت بنت): هلا رهيف

رهيف: هلا حمودي كيفك؟؟

حمد: والله بخير دريت وش صار بيني وبين خويك البثرعليان

وبعد ما قال اللي صار.

رهيف: بطلب منك طلب ممكن؟؟؟

حمد: آمر

رهيف: وش الأشياء اللي تجذب البنت للرجال؟؟ أنا عارف انو سؤال غبي لكن قلت أستفيد من خبرتك

حمد: هههههه...بس كذا...ابشر...أنا أقول لك يا طويل العمر أول شي الجمال وانت ما شاء الله عليك هذا شي
الشي الثاني انك تحسسها انك تحتويها وانها كل شي بحياتك وهي الحب القديم والمستقبلي وحاول تبين قدامها انك مطخطخ < عندك فلوس > هالخرابيط وسلامتك

رهيف: أها أجل تقولي كذا.. أوكي مشكور وما قصرت وتوصيني انا مشغول والله

حمد: العفو حبيبي وهذا واجبي ولو... وما أبي غير سلامتك...يلا سلام

انتهت المكالمة
وبصراحة ما اقتنعت بكلام حمد لما قالي مطخطخ وهالشغلات
وباليوم التالي قررت الشلة الكريمه الخروج للثمامة لشم الهوى باحدى المتنزهات الجميله
بس هالمرة كانت طلعتنا بالكامري موديل 98 كنها قوطي صلصة
كان عليان يسوق، وأنا الراكب على يمينه <شخصيات هامة هع هع> ,وباقي الشلة محشورين ورى
العالم ورى تفكر بالوسع وأنا كنت أفكر بـ(منى) والله ما غابت عن بالي ولا دقيقة
أنا عارف انكم بتقولوا :< يلعن أبو الجو اللي انت فيه > بس الصراحة لو سمعتوا ذاك الصوت كان صار فيكم اللي صارلي ويمكن أكثر
وحنا عند (منتزه من هالمنتزهات) صار فيه حوار خفيف

عليان: أقول شباب نروح لهالمنتزه؟؟؟

ليل جي: والله براحتك بس ظنك بيدخلونا

الزعيم: تبون تدخلوا خلوها علي أنا ادخلكم

كلم الزعيم على جوال اخته الكبيرة (الهنوف) وقال لها
...........................................
تعريف بالشخصية الجانبية الجديدة( الهنوف): شابه تبلغ من العمر 23 سنه , معلومات عنها/ الصراحة ماعندي أي معلومة عنها إلا انها تموووت على أخوها (الزعيم) وتقول < لو ما كان الزعيم أخوي ,كان أخذته من زمان > تحبه حب مو طبيعي ويعتبر أبوهاالروحي على ما يقولوا أي شي يصير معاها تروح تخبره قبل والديها
...........................................
الزعيم: سلام

الهنوف: وعليكم السلام هلا وش بغيت

الزعيم: وينكم الحين؟؟

الهنوف: راجعين البيت ليه

الزعيم ابيكي بشغله ممكن

الهنوف: تفضل انت تامر أمر

الزعيم: ما يامر عليكي بس ممكن تمريني الثمامة؟؟

الهنوف: ليه؟؟ عسى ما شر صار فيك شيء؟؟

الزعيم: لا بس بغيت شي من السيارة ضروري

الهنوف أوكي من عيوني أنا جنبك الحين خمس وأنا بالثمامة بس انت وين بالضبط؟؟

الزعيم: عند (دوار العويضة) بس لا تتأخري

الهنوف: أوكي من عيوني

بعد خمس دقايق إلا الجمس حقهم قدامنا
نزل الزعيم وركب الجمس وأخذ منه كيس ورجع وبعدما مشا الجمس
المهم
جانا الزعيم ومعاه كيس

رهيف : وشو اللي معاك

الزعيم: عبايتين

باقي الشلة: وشووووووووووو؟!؟!؟؟!؟!؟

الزعيم: ايوا عبايه فيها شي

رهيف: طيب وش بنسوي فيها

الزعيم: بنلبسها يعني وش؟؟

رهيف: نعم؟؟ من جدك انت وش اللي نلبسها

الزعيم ايوا من جدي عندي عبايتين واحدة بلبسها أنا والثانية عليان

عليان: وليه تبيني اطلع مثل هيجاء اللي بطاش؟؟

وقعدنا نضحك كلنا وفعلاً لبسوا العبايات وأنا كنت خايف من جد لو تشوفنا الهيئة كنا رحنا فيها
ورحنا عن البوابه ,وأنا عند البوابه دقت علي (منى) ,استأذنت من الشباب وقلت لهم عن أذنكم أبوي يبيني شوي انتظروني وبرجع لكم
المهم ضغطت الزر الأخضر وانا أمشي وكلمت

منى: سلام رهوف

رهيف: وعليكم السلام هلا والله يالغلا

منى: هلا والله أخبارك عمري

رهيف: والله بخير اشتقتلك والله ما كلمتك من زمان

منى: يا عمري عليك لذي الدرجة وحشتك

رهيف: وأكثر بعد انت ما تعرفي وش سويتي فيني

منى: الله يسلمك على قولتك....المهم خلاص ما عندي شي اليوم فيك تقابلني الحين؟؟

رهيف(بتعجب): الحين!!!!!

منى: ايوا الحين وش فيك اخترعت؟؟

رهيف: لاوالله ولا شي بس وين؟؟

منى: اللي تبيه أنا ما يهمني إلا اني أطلع معك يا قمر

أنا ما أدري وش أقول بهذي اللحظة وفقلت لها

رهيف: أوكي بعد شوي ألاقيكي عند التحلية موافقة

منى: لا ياحبيبي انت لازم تاخذني من بيتي وشو تحليته؟؟ اسمع أنا بعطيك العنوان وأبغاك بسرررعة

بعد ما وصفت لي وين البيت

رهيف: أوكي انا ربع ساعة وأنا عندك سلااام

رجعت لشلتي وقلت لهم

رهيف: أنا لازم أمشي الحين والله مستعجل

عليان: وين تو الناس صار شي بالبيت لا سمح الله

رهيف: لا بس الوالد يبيني ضروري

عليان: خذ سيارتي وإذا خلصت تعال لا تتأخر

رهيف: مشكور حبيبي وما تقصر

أخذت السيارة من عليان بس قلت ما ينفع أروح لها بكامري قديمه فرحت البيت ووقفت سيارة عليان ورى البيت ودخلت ورحت مباشرةً غرفة الوالد

رهيف: سلام عليكم

الوالد: وعليكم السلام بدري وش جابك ؟؟

رهيف: والله لسه ما خلصنا بس عندي مشوار صغير وأبي سيارة ضروري

الوالد: اها تبي سيارة خلاص ولا يهمك بس هاه لا تسرع وخلي بالك على نفسك وانتبه للطريق ووو....إلخ إلخ

رهيف: ولا يهمك بس انت عطني المفتاح ويصير خير

الوالد: تفضل

طبعاً الوالد عنده ماشاء الله 3سيارات وحدة (لاند كروزر) والثانية (بي ام دبليو) والثالثة (ددسن موديل 77<<الصراحة ما أدري ليه محتفظ فيه بس الظاهر انو يعنيله الكثير)
المهم عطاني مفتاح الـ(بي ام) وقالي

الوالد: هذي أول مرة تسوق بي ام انتبه عليها تراها غالية بس مهي أغلا منك

رهيف: من عيوني <<وعطيته بوسه على راسه>>

المهم رحت لغرفتي وغيرت ملابسي وتعطرت وشخصت وطلعت الكراج وركبت البي ام
وأنا طاير من الفرحة
شغلت السيارة ومشيت على الوصف حق بيت (منى)
وصلت البيت وارسلت لها مسج وقلت فيها

<< يلا يا قمر أنا قدام الباب اطلعي>>
ردت علي
<<شوف فوقك بسرررعة>>
يوم ناظرت فوق إلا شوفت (منى) مطلعه ايدها من الشباك وتأشري وكنها تقول استنى شوي
انا ما شوفت يد وحدة بس ,شوفت كمان بنتين مطلعين لي خششهم من الشباك ولا مهتمين باللي بالشارع
المهم وأنا مبرق عيوني بالشباك وأقول بنفسي<وينك يالزعيم تشوف اللي أنا أشوفه هع هع>
شوي إلا تمسك كتفي وحده ,يوم لفيت وجهي وإلا هي (منى)!!!

منى: بسم الله عليك وش خرعتك

رهيف: لا أبد بس مستغرب كيف قمر مثلك يمسك واحد مثلي<<شوفوا الكلام بس

منى: Oh My God هذي سيارتك<< تحاول تغير الموضوع

رهيف(بكل ثقة): أي نعم ودك تركبيها؟؟

منى: تنكت؟؟ أكيييد ودي والله لو كانت (تريلا) المهم اني جنبك

رهيف: كم تدفعي؟؟

وقعدنا نضحك المهم ركبنا السيارة سألتني

منى: أقول رهوف وين تبي توديني أنا طفشانه حياتي والله وودي أغير جو معك

الصراحة يوم قالتها قعدت أفكر بشلتي وش صار فيهم
فقلت لها

رهيف: بنروح منتزه (لا أستطيع الصراحة ذكر الاسم للأسباب أمنية) وش رايك؟؟

منى: الراي رايك يا حبيبي قدااام

الصراحة كانت منى مدري كيف؟؟
كانت مرة تبين انها مرة حساسة ومره أحس انها زاحفة <مخربيتها على قولت شبابنا اليوم>
المهم دخلت مزااجي وهذا الأهم

نرجع لأخويانا بالثمامة بنفس اللحظة اللي كنت فيها مع منى
عليان: أقول شباب ما تلاحظوا انو رهيف تحيير< تأخر > علينا

الزعيم: ما اظن انو البيت اللي كان طالبه عشان شكله كان مرتبك يوم رن الجوال

مهندوه: حرام عليكم تحشوا بالرجال وهو غايب , الغايب عذره معاه

ليل جي: طيب ورى ما ندخل ونخلي رهيف يلحقنا بعدين؟؟

الزعيم: أوكي يلا يا عليان البس وخلنا ندخل
المهم الشلة لبست وتفرقوا

الزعيم بالعبايه = مهندووه
عليان بالعبايه = ليل جي
ودخلوا ولا واحد فتح فمه من الأمن ولا الهيئة
المهم دخلوا وراحوا لأقرب حمامات<رجال طبعاً>
شافوا مافي أحد , فدخل الزعيم وعليان للحمامات عشان يشلحوا العباية
وليل جي ومهندووه قعدوا عند الباب عشان يصرفوا العالم
المهم جا واحد ودخل الحمامات فوقفه مهندوووه وقاله
مهندووه: أخوي الحمامات خربانه الحين آسفين قاعدين نصلحها

الرجال: أقول فارقوا عني الحين أبي الحمام ضروري
ودخل على الحمامات غصبن عنهم
واتجه طوالي لأول غرفه<<وكان فيها عليان
وشاف عليان يفصخ العباية ويقول
عليان: يوووووووه افلقوني اذا رحت مكان زي كذا مره ثانية
الرجال ارتبك<والظاهر نسى انو كان يبي الحمام> وما يدري وش يقول راح طوالي طلع من الحمامات وراح عند الهيئة
الشلة قعدت تضحك عليه ما درت انو الرجال راح للهيئة
وهم طالعين وقفتهم الهيئة عن باب الحمامات

الهيئة: على وين تو الناس؟؟

الشلة كانت (قامطه) يوم شافوا الهيئة

مهندوه: أنا ما سويت شي والله هذا اللي جاب الفكرة <وأشر على الزعيم>

الزعيم: امحق أخويه والله أنا الغلطان اللي تعرفت عليكم بس ما فيكم رجال إلا (رهيف)

الهيئة: هذا اللي اسمه((رهيف)) كان معاكم بعد؟؟ وينه؟؟

في ذيك اللحظة وصلت أنا و(منى) لنفس المنتزه اللي فيه أخوياي
وجا راعي الأمن وسألنا من الأخ؟؟
رديت عليه منى

منى(بصوت خشن): خطيبي عندك مانع<<كنها تبي تضارب
وطلعت (منى) بطاقة بيضاء من شنطتها كأنها بطاقة أحوال وورتها للرجال
المهم الرجال شكله (قــمــط العافية) وخلانا ندخل بدون أي سؤال
انا ناظرت بوجه منى وقلت لها

رهيف: تصدقي ما توقعت منك هالشي؟؟ ووش قصة البطاقة اللي ورتيه اياها

منى: ولا أنا كمان ماتوقعت وعلى البطاقة بعدين تعرف مو وقته << وفصخت نقابها وخلت الحجاب<<مخربيتها البنت من جد

أنا يوم شوفت هالوجه نسيت موضوع البطاقة وشوي وأطيح قدام العالم
المهم وأنا ماشي معاها وقفونا 3 بنات

البنات: قوووه منى وش هالمصادفة<<خليجيات>>

منى: هلا والله بـبنات خالتي

البنات: أشوف منى كأنك لقيتي فارس أحلام ثاني غير هذاك الاول

<<أنا طبعا حفظت ذيك الجمله لوقت ثاني>>

منى: يااربي انتوا لازم تنكدوا علي يومي يعني؟؟

البنات: لا والله بس ما عرفتينا على الأخ

منى: أوه نسيت رهيف هذولا بنات خالتي من الكويت > ريم – مشاعل – ساره <
بنات خالتي هذا حبيبي وخطيبي انشاء الله رهوف

البنات: تشرفنا رهيف ومين قدك معك منى

رهيف : بمعرفتكم والله

البنات: مانبي نخرب عليكي الجو حبيبتي (مون مون) بنخليكي بروحك معه وأحنا بنروح نكمل التمشية
أوكي

منى: اوكي سلاااام بس خلينا نشوفكم
المهم بعد اللقاء واستانسنا
واحنا ندور حطت منى يدها على شنطتها وطلعت بكيت دخان حطت وحده بفمها وجت تولعها
سحبت السيجارة من فهما وقلت لها
رهيف: يا دلخة عارفه وش هذا؟؟؟

منى: وش رايك يعني؟؟ هذا دخان يعني وش يبي يكون؟؟

رهيف: هذا يضرك ويمكن يموتك حبيبتي وأنا تعرفيني من بعد ما تعرفت عليكي ما أبي شي يضرك

منى: الله الله عليك..من وين جايب هالكلام الحلوو هذا

رهيف: سمعته بمسلسل خليجي بالتلفزيون هههه.. المهم دامك تبيني أكون معاكي لا تدخني ترى أنا ما أحبه

(منى) استحت قامت كسرت البكيت كله وقالت

منى: خلاص رضيت الحين؟؟

رهيف: ايه خلاص<<سويت فيها ثقل

منى: الصراحة عجبتني..

بعد ما سمعت هالكلمه اقتنعت بكلام حمد لما قالي <<حسسها انها كل شي بحياتك>> الصراحة كان كلامه صحيح 100%
وبعدها قابلنا واحد ينادي بصوت خشن ويصارخ

؟؟؟؟(وهو يصارخ): منى.....

مين تتوقعوا ينادي حبيبتي (منى)
أبوها ... أخوها .. عمها ... خالها؟؟
ووش بيصير بمصير شلتي مع الهيئة؟؟
وهل بتتركهم الهيئة بدون ما تسوي لهم شي؟
وكيف بيصرفون قصة العبايتين اللي معاهم؟؟

تابعوني بالفصل الثالث من الروايه
اللي بعنوان

>> بداية السنه الدراسية (التوجيهي)<<

===============================
الصراحة احس الفصل هذا بااايخ مو زي اللي قبله
عشان مافي شي يحمس وإلا؟؟
على العموم
أوعدكم بالفصل اللي بعده يكون أحسن بكثييير
مستني انتقاداتكم...
تحياتي....
تشاوتشاو

**زيـآد** · 28-08-2006, 08:56 PM

لآلآلآلآلآلآلآلآ

لآ تكفى

لآ طلبتك

لآ بليز

وش تسوي فينا انت

كملها

لا تخلينا كذا

تكففففى كملــهـآآآآآ

نحبك يا هلال · 29-08-2006, 01:26 AM

.
.
.
.
أتمنى من الأعضاء ما يجاملون صاحب الموضوع : )
. . .

أقتباسوتقول < لو ما كان الزعيم أخوي ,كان أخذته من زمان >

. .
سبحان الله ( عجبي ) !
.
.

أقتباس آآآآآآآآآآآآآآآآه ,تصدق اسمي طالع منك زي العسل يا عسل

. .
يمكن إنت أول شخص نطق إسمها في حياتها : )
.
.
إنتم قاعدين تحلمون بقصصكم من حقكم
لكن ما يعني هذا إنّنا نقلب الواقع و الحقائق . . .
( منى راعية لكزس و مرني البيت ) يا أخي إنت قاعد تقول وقاع يومية في حياتنا
في حياتك ( تمر البنت الفلانية و تاخذها من بيتها ) إذا كان هذا صحيح فإنت قاعد ( تفضح نفسك )
و الأخ يبي شغلة من سيارة أخته ( لا تعليق )
.
.
نصيحة يالغالي و أتمنى تتقبلها :
لما تبي تكتب شيء عديم الفائدة مثل القصص إكتب لكن بقليل من الواقعية
يعني لا تتخيل أكثر من اللازم عساك على القوة إن شاء الله : )

Abu Abdallah · 29-08-2006, 02:10 AM

لاكمل ياخي والله بدية اتحمس من الجزء الاول يعطيك العاف

غـ’ـروب · 29-08-2006, 03:11 AM

يعطيك الف عافية

القصة حلوة وحماسية مررة بس فيها أشياء مو راضية تركب معي

عالعموم ننتظر الجزء الي بعده

أختك حساسة

المشجعة الاخيرة · 29-08-2006, 04:31 AM

ليش يعني ما كملتها

المهم لا تطول علينا

مشكور ثاني مرة

رهيف الإحساس · 29-08-2006, 10:13 AM

اقتباس:

المشاركة الأصلية كتبت بواسطة يـــــ20ـــــاسر

لآ تكفى
لآ طلبتك
لآ بليز
وش تسوي فينا انت
كملها
لا تخلينا كذا
تكففففى كملــهـآآآآآ

الله يخليك حبيبي
ويسلمو على المرور الحلووو
تحياتي...
تشاوتشاو

اقتباس: