المشاركة الأصلية كتبت بواسطة زعيم الازرق

لا احب أن أذكر أي لاعب وأقول انت سويت او ما سويت لان هذي تصعب على اللاعب وتحطمه ،،

يجب ان نعلم ان ليس هناك لاعب يستمر على قمة مستواه طوال مشواره الكروي ..
ياسر كان في أوج عطاءه خلال 2006-2007 ..
ومن يطالب بياسر في تلك السنتين .. وإلا لن يرضيه ياسر فهذا هو قمة التحطيم وتهبيط الهمة..

انا ابي ياسر اللي قبل رجعة التعاون ذا الموسم على اقل تقدير .. وما اتوقع انها صعبة لانه قريب المسافة الزمنية بينها وبين ياسر الحالي

كان أخف حركة .. وأقل وزناً .. وحتى لو كان بنفس وزنه إلا انه كان اخف حركة وهذا انا متأكد منه..

معليش بأسأل سؤال مفصلي .. في مستوى ياسر الحالي ..

لو جت ياسر كرة طولية وهو خارج منطقة الجزاء وش بيسوي؟!
اتوقع المتابع كرويا يدرك ان ياسر يعاني مشاكل بسيطة معها ..
زيادة الوزن او سوء التاهيل هي السبب الرئيسي فيها

نرجع للكرة الطولية .. ولنفرض انه استلمها استلام صحيح لاني لاحظت بعض الاحيان سوء استلامه اللي يضيع الكرة ..
ثاني شغلة .. الثلاث خطوات الاولى ثقيلة وبطيئة .. يعني اذا بغى يفك سبرنت يحتاج جهد مضاعف ،،
ثالث شغلة مشيه بالكرة وتجاوزه للمدافع بطيء ايضاً وتحس برجلينه شوك!!..
رابع شغلة قلة التسديد المركز على المرمى ..

طبعاً الكرات العرضية اللي تجي لياسر تجدها أسهل له ،،
لانها لاتحتاج لجهد حركي ..
وبالتالي مازالت خطورة ياسر فيها موجودة ..


ولاحظ هدفه ع الاتفاق والجزيرة (ذهاب واياب) ونجران بكاس ولي العهد .. وهي آخر اهدافه
وقدام سبهان راسية خطيرة ..!


نقطة ثانية .. وهي قد تكون بسبب تكتيك المدرب وتقييده له ..
لكن لماذا ياسر لايتحرك بسرعة يمين ويسار ويعمل على كسر التسلل ..
وقبل ذا وذا .. لماذا لا يلعب بهدوء وروقان وبكورة إيجابية للفريق .. يعني بالعربي يكون كثير في المباراة .. مو يالله نشوفه بثلاث لقطات بالمباراة كاملة !!
وبرضو اتوقع السبب الرئيسي هو مشكلة بدنية اما زيادة وزن او عضلات زي ماتفضلت او شي اخر..



ايضاً فيه نقطة .. وهي [ الكابتنية ] ..

أحسّ ياسر من استلم الكبتنية وهو جالس يهرول .. وحس وكأنه ابو 40 سنة !!
من جد اللي يشوف ياسر يقول وش ذا الشايب؟؟!
تراك يا ياسر توك ابو 28 سنة وشوي اتوقع .. غيرك ما بعد برز نجمه .. وهذا هو سن النضج الكروي..


وعشان ما نهضم حق ياسر ونلغيه .ونحطمه ..

ترا الدعوة سهلة .. لاتكابر حاول تطور من نفسك ونقاط ضعفك حالياً .. انس وتناسى الضغوط والعب للمتعة وبحماس منقطع النظير .. الله من لاعب لا يجيد بعض ابجدياتن الكورة لكن يعوضه بحماسه حتى انك تلاحظه من ابرز اللاعبين..
وأهم شي الشغل على مشكلة ثقل الجسم التحرك واللياقة .. يعني المشاكل الجسمية بالعربي
الموهبة لا تموت .. وياسر رغم ثقله الواضح حالياً الا انك تلاحظ مهاراته على الكورة ..
بإذن الله نرى ياسر آخر في الايام المقبلة بداية من الغرافة .. نبي هدف على الغرافة

المشاركة الأصلية كتبت بواسطة قناصهـ ياسريهــ

يااخ الزعيم الازرق انت تشووف ان ياسر زايد وزنه صح ؟ تدري لييه انت تشووف هالشيء لان الدفااع ماخلوه يتنفس لازقييييييييين فيه ...

وبعديييييييييييييين ياشيخ المفروض ماتتكلم كذا على ياسر هاذا اولا ..
ثانيا : كلامك على ياسر ان كأنه فيه شوووك و يحتاااج جهد مضاااعف و تسديده قليل ......المحب مايحكم بهالطريقه اوكي ؟؟؟ المحب يبين من كلامه انه صدق محب يعني تحس انه قلقان على ياسر بس انت كلامك كله ماادري من وين جاااايبه

ويااااااااااااااااااسر احرص منك على نفسه اوكي ؟ يعني هو مو محتاااجك انت تجي وتقووول هالكلام هاذا ...

وكل محبي ياسر مايرضون انك تقول الكلام هاذا عنه تدري لييه ؟ لان الغلط مو غلط ياسر الغلطه غلطه المدرب لانه عزل ياسر عن الفريق كله , وانت بسم الله على قلبك تشووووف ان ياسر من يووم مالبس الكابتنيه وهو مررررررررة متغيره هاه ؟؟؟

يااااااااااااااااااااسر بلعبه و فنه و ابداعه و بمجرد ونزوله للملعب هو اللي خلاهم يعطوونه الكابتنيه ........ وبعدين شكلك انت اللي مغير عيووونك لان مافي احد شاف هالشيء الا انت ....

ياااااااااااااااااااااسر محتااااج الوقفه يااخ ارحمممممممممممه ارحمه لاتقول انا ماقلت الكلام هاذا الا لاني احبه ؟ لا اللي يحب مايقول الكلام هاذا لانه يخاااف من رده فعله
لانك رح تشغل تفكيره وتخليه يكره نفسه من كلامك هاذا ..

المفرووووووووووووووض ترفعون المعنويااات مو تهبطووونها ...

طيب أمنتك بالله انت اذا جاك واحد وقالك انت مشيك كأنك فيك شووك وقالك انت من يوم مالبست الكابتنيه وانت مرررة وانت محتااااج دفعه وانت لازم تخفف وزنك وانت لازم تركز وانت لازم تسدد كثير وانت لازم ماتعصب حتى لو الحق معك بالله انت وش رح تسوي ؟؟؟ ماااااااااااارح تكره نفسك مارح يتشتت تفكيرك مارح تعصب من نفسك لاتقولين بحاااول ازين كل الاخطاء اللي فيني لا قولي وش احسااااسك بس ماعلي من اللي رح تسووويه ؟؟؟؟؟؟


ياحبااااااااااااااااااااايبي ياسر محتااااجنا كلنا جنبهــــ يعني ارفعوا معنويااااته بس .... صدقوني الغلطه غلطه المدرب يااااسر ماله ذنب ......

حراااااااام عليكم والله حراااام كلكم علييييه ارحموه ...

يااااااااااااااااااااسر كلنا معك ...

الله يعطيك العافيهـــــــــ يارب

المشاركة الأصلية كتبت بواسطة ابو سعداء

النقد عادي ويااسر يتقبله

بس عندي نقطه بقولها لك المدرب ما يقوله ضيع الفرص السهله


وان شاء الله القناص يبدع في المباريات الجايه

عـــوافي

المشاركة الأصلية كتبت بواسطة زعيم الازرق

ويا اخت قناصة ياسرية .. تراني ملاحظ انك نشبة مع احترامي لك .. من يوم اكتب رد في موضوع القاك معقبة علي فيه وهذا حق من حقوقك ..
ولكن الاحظ ان اسلوبك في الكتابة [ اسلوب واحد يهاوش ولده الصغير ]
أوكي .. هاه .. ومن هالكلمات مالها داعي ترا ..

نقطة ارحمه وخلك قلقان عليه .. مدري ياجماعة اذا انا سبيت ياسر
انا جالس اتكلم من منظور فني .. وتراني ماعندي خبرة في هالمجال يعني يمكن كلامي خطأ!
انا اتكلم بناء على اللي جالس اشوفه .. محد املا علي الكلام اللي اقوله ..
ولاني من شلة مع الخيل يا شقراء .. اللي بعضهم كل حياتهم مدح .. وبعضهم كل حياته ذم !

انا يا استاذة .. اول من اشار الى ان ياسر هو هداف الموسمين الاخيرين في الاندية السعودية محلياً وخارجياً ..
انا اللي اخالف صاحب الموضوع يوم قال ان ياسر سابقاً كان يسجل 17 او 16 هدف بالموسم .. واقوله كلامك هذا غير صحيح
لان ياسر بـ 2007 ماسجل الا 13 هدف .. و2008 ما سجل الا 13 ..
اما الآن فرغم غياباته مسجل 17 هدف حتى الآن ..
وايضاً اخالفه في نقطة عدم تسجيله في الفرق الكبيرة .. الموسم هذا مالعب اساسي الا مع الاتحاد ذهاب واياب وكانت مباريات سلبية ومتحفظة ..

وفي المقابل .. جالس انتقد شي اشوفه قدامي بعيوني .. من مستواه ..
الصديق من صدقك .. وليس من صدّقك !!




طيب وش فيها ؟
لاتصنعين من الحبة قبة ..
كل هذا نقد طبيعي ..
كل اللاعبين يتعرضون لمثل هذا النقد .. وليه يكره نفسه ويتشتت تفكيره ابغى افهم؟؟
تراه لاعب يمتلك خبرة دولية ومتعود ولو بيتوقف على مثل هالنقد كان قد اعتزل من سبع سنين !!

أقدر أمسك بعض لاعبين الهلال من بعد مباراة سبهان وأقول:
الخالدي بطيء ولا يجيد الرقابة اللصيقة وما عرف دوره بالمباراة ..
المرشدي عدا منه الخصم أكثر من مرة .. وايضاً بطيء شوي ..
الفريدي مبدع لكن لم يصنع لياسر الا كرة راسية واحدة ..
الدوسري ايضاً لم يصنع وكان بطيء في اللحاق ببعض الكرات..
الشلهوب مرر أكثر من تمريرة خاطئة وانقطعت منه الكرة اكثر من مرة ..
رادوي كان مبدع لكنه تاه في الملعب ..

إلخ ..

كل لاعب له عيوبه وله اخطاءه .. مهو ياسر لحاله !!
وإذا بننتقد ننتقد من محبتنا لهم .. ولاننا مانرضى نشوف اخطاءهم ونسكت ..
يمكن نشوفها للمرة الاولى ونسكت .. لكن اذا تكرر الامر لازم الانتقاد

المشاركة الأصلية كتبت بواسطة MЯ.ML70o0s

انا على مااذكر ان بزوغ ياسر القحطاني كان على يد كوزمين

لاني اتذكر ان كوزمين كان يحط ياسر احتياط لين ماعرف ياسر ان لو مالعب هو بيلعب بمكانه غيره

لين صار يقاتل علشان يلعب مع الاساسيين واتمنا من كالديرون يسوي نفس الحركه


لاني بجد والله اشتقت لك ياياسر

المشاركة الأصلية كتبت بواسطة العنيده 20

كلامك منطقي بس شوي شوي عليه
وبيرجع مثل اول واحسن هيك احساسي
عوافي