في كلامك . . يستلج فيني السكـات
ومن جهل طبعك يظنِّك [ مخْـرِزَه ]
واثق الخطوهـ . . وأمشي في ثبات
ويوم شفتك / الخطاوي [ مهَزْهِزَه ] !!
مو بـ كيفي هي كذا واللـه جات
قلبي كرسي " صعب " غيرك يحْجِزَه
يـامـا قالوا .. الحـب يصنـع معجـزات ..
وإنت . . [ حبـك ] . . فـي حـياتـي . .
.
.
[ مـعجزه ] . .

تحسب أني ساليـن مثلك وانـا ..
في هـوآك الله حسيبـك "مُبتلى " !

لاتقول : هـ الحين انـا ماعـاد يمديني !
لولاك / ماشفت كفـين ، الولـه عـرقـا
اغليك . انـا وأدري انك [ ميتٍ فينـي ]
كثر الغـلا اللـي تضمّـه / روقٍ لـ برقـا !
هذي سنـه ( والسهر ) مستوطنٍ عيني
ان حوّل الدمع قلت الحزن : لا يرقـا
تكفى : حبيبـي ( طلبتك ) لا تخليني
لا عــاد قدااام [ عيني ] تطري الفرقـا !

لا يــا بــعــد كــلــي حــيــاتــي تســاويك
اقــطــع وريــدي وإن نـــبض حب ثـــاني
ثـــــلات فـيــنــي كــلــهــا تــرتـبــط فـــيك
أعشــقك.. أحبـــك.. والـهــوى صــار عنواني
وإن كــان مــا تـــدري أنــا أقــول وأطريــك
حـــبك مـلــكـنــي في ضـــميري ووجــداني

قادر الله قادر الله ..
يالغضي قادر الله
نلتقي في وسط الطريق ..
خطوة مني وخطوه منك
شارع الفرقه يضيق
قادر الله ..
والمحبه هي من الله
حطها وسط القلوب ..
قلب يتهنى بشبابه ..
وقلب يتعذب يذوب ..

واللي خلق ظلما الليالي في العيون الهاجعه
اني من الحرمــان اتســائل وحرماني جواب
يــوم الوداع تخيـل مــالي حبيـب اوادعــه
محروم انا وتخيل محروم حتى من العذاب

-


مجنون أناوزدتني بجـنون
وأول جنوني يوم اني عرفتك
أقول ماأحبك وانا فيك مفتون
وان قلت بنسى غصب عني ذكرتك

على ذكر المواجع والسفر والترحال ..

طويت آخر ورق عندي في دفتر أحزاني ..

طويته وانكسر قلبي وصوتي بالمواجع سال ..

ودريت ان الظلام اللي تحت كف السهر جاني ..

جلست أجمع مسافاتي وأغني للسفر موال ..

على صفحه من الماضي بها حلمي وعنواني ..

بها كم سافرت روحي وأنا بالليل وحداني ..

حبيبي كل ما اشوفك تجي بالذاكره تختال ..

نهر من فايض الذكرى يجي من داخل أشجاني ..

تخيل يوم عانقني خيالك خاطري وش قال ..

تخيل قبل أسولف لك سألني عنك وجداني ..

سألني لين خلاني مدينه هزها زلزال ..

تخيل ماهدى حتى لقاك بداخل شرياني ..

أروح لسدرة الموعد معاي لموعدك مرسال ..

وأخاف إنك تجي فبلي وترحل قبل تلقاني ..

هنا كانت ليالينا الغلا والمقبلات آمال ..

وهنا كانت مواعيدك مطر تخضر به أغصاني ..

هنا كانت نواظرنا سوالف في كلام أطفال ..

وهنا كانت عصافيرك على دربي تحراني ..

هنا شف باقي آثارك على رمل الوعد ما زال ..

وهنا شف دمعة طاحت من عيونك على شاني ..

حبيبي لا تسألني عن أوضاعي وكيف الحال ..

أنا بعدك سحاب أبيض أضم الريح بأحضاني ..

تسافر بي وأحسب إني وصلت لاخر وطن بالبال ..

وأثرني ماوصلت إلا بداية درب حرماني ..

وتبقى سيرة الذكرى قصيده تكتب الترحال ..

سوالف للعيون اللي صداها دمعة أحزاني ..

أمانه لا تودعني حبيبي لانويت تروح ..

دخيلك خلني وإرحل كذا من دون ما أدري ..

دخيلك لاتعلمني كفى صدر الغرام جروح ..

وأنا اللي من عرفتك وأنت متربع على صدري ..

بنيتك بالحشا قصر رفيع وشامخ بصروح ..

وقلت اسكن هنا ياللي عيونك سودها قصري ..

رخصت أغلى القصيد وكل ما ينزف صدوق البوح ..

تحملت العذاب وصرت أنا من سبتك مذبوح ..

صبرت وطال صبري لين مل الصبر من صبري ..

أبي بس أظفر بقلبك مادام الشوق لك مفضوح ..

ومادامك بالعروق اللي تحبك دايم تجري ..

أبي عطر الهوى منك حبيبي كل يوم يفوح ..

وبعلنها على الدنيا أحبك يا بعد عمري ..

حبيبي انت ما غيرك حبيبي قد سكن بالروح ..

ومن فكر يجي بعدك ترى بقول له بدري ..

تخيل كل ما تسأل بنبرة صوتك المبحوح ..

( حبيبي لو بسألك إيش رايك بعطري )؟ ..

أذوب ويعترف قلبي ياعم العطر يا مملوح ..

بأنك تغري وعطرك مثل سحرك بعد يغري ..

كفايه باب خفاقي عشقك وصار لك مفتوح ..

وكفايه لو تغيب شوي أضيق وينشغل فكري ..

أنا ماهزني غيرك حبيبي بالبشر إنسان ..

ولا حبيت أبد قبلك ولا أفكر أحب ثاني ..

دخيل الليل والقمر أو نجم في سمانا ضال ..

ودخيل الحب وعيونك ودمع غرق أجفاني ..

أبي حبك يزلزلني يفجر داخلي بركان ..

أبيه يطهر جروحي يمحي باقي أحزاني ..

وأبيك تشد من عزمي إذا همي تلقاني ..

أبيك تشيل من قلبي معالم لوعة الحرمان ..

أبيك توقف بصفي إذا ظرفي تحداني ..

أبيك الصاحب الوافي يحيطني دايم بهيمان ..

أبيك العاشق المخلص يشافي دوم عطشاني ..

وأبي قلبك يواعدني لو خان البشر ما خان ..

أبي أطلب طلب واحد رجيتك وهو الأهم الآن ..

وأنا أدري مستحيل ترفض لأنك جد تهواني ..

(أبيك تعيش في قلبي إذا تسمح مدى الازمان) ..

(أبيك تشوف ماتملك في قلبي وما تعداني) ..