.
.




ذبِلتْ ومآبقَى فيِني سُوى همَسآتْ شَوقِي لكْ ..]

.




لآ تسأل دموعي عن أوجاع الأيام
........... أسأل عيوني من تمنى تشوفه

دخيلك ما أبي تبدي السنه هذي جروح جداد ،
_____________ قديم الصبر .. يا معنى معاي وغيبتك ضدي !

سنه حلوة .. إذا شفتك قريب وخلق الله أبعاد :
_____________ معاك أضيع في عز الكلام أقول : من قدي ؟

خبر عنّك يدمّرني يشتت كل ( حروف الضاد ) !
_____________ حسافه ، كنت بكتب لك لقيت الوقت مايمدي

تبي تسافر ؟ تخليني على شانك ، أحب بلاد .. .
_____________ فمان اللـه إذا ودّك [ تسافر] بس ما ودي :

يموت النوم فـ ( غيابك ) ويخلق للسهر ميلاد ،
_____________ أنا وشلون أغمضها عيوني ؟ وإنت مو عندي !

حبيبي طفلي الأكبر بكوا من غيبتك { أولاد} ،
_____________ يبونك تشعل شموع السنه و أتضايق بـ ردي .

يسارك جرح لكن في يمينك لي دوا وضماد ،
_____________ غيابك يومي الأسود وشوفك حلمي الوردي !

تخيّل كثر ما ( أحبك) شعور الشوق فيني زاد :
_____________ شعلت النار من شوقي ولاحسّيت في بردي !!

أنا مو قصدي يابختك لأنك زرت كل بلاد ..
_____________ يابخت بلاد زارتها عيونك هذا هو قصدي ،

تطيح دموع ماترجع وأبي ترجع لي يالله عاد ..
___________ حزين اليوم أطالع [صورتك ] وإيدي على خدي !

هالزمن إسگٍت و طنّش لآ تسمي العيب عيب . .
و النصيحة خلها لگ لأن محد بـ { يسمعگ } ,
قول نگٍته أو خرافه .. يوصفونگ ذيب/ذيب .. !
أبتسم / آضحگ و جامل والقوآفل تتبعگ !

.

**

حبّك هنَا يَا صَاحبِيَ مِنْ تكوّنت
ــــ يَمْشِي معْ عرُوقيَ ويَسْبحَ بَ دمّي
مَا يغْلبهَ يَا مُنية القلَبْ لاَ هِنتْ
ــــ والله مَا غِيرْ أمّي وأمّي وأمّي

.

ما تغيَّر شي . . . لكن ! صار " فاضي " هـ المكان .
...........يعني إنتَ شفت قلبي ؟ طحت مِنْ عيني و / عينه

[ كان ] لك قلبي- مدينه ولاحظ إني قلت : كان !
.......يعني إنتَ الحين واحد :: خارج حدود [ المدينه ] ::

ليه مستغرب كلامي ؟؟ وليه أعطيك الأمان ؟؟
.............وليه تَكْذِب في كلامك ! العذر وينك و وينه ؟

ما ألومك .. كان " قلبك " ثارت أمواجه و / خان
...........الخطا منَّي , لأني . . . : صرت في بحرك ( سفينه )

والسؤال اللَّي كتمته ..؟ وما نِطَق فيه اللسان
...........{ كيف إيدك إطعنتني وآنا أحْسِبْهَا أمينه ..؟ }

جرحي .. ما يرضيه قلبك .. لو يجي كلِّه حنان !
...........لو - تبوس الجرح فيني . ولو - تقبّلْهَا إيدينه .

يُوم أحبك ؟, قلت كلمه : ( يكرَم المرء أو يُهان )
...........وإنتَ قلبي ما كرمته ! وما قدرت إنِّك [ تهينه ]

عزِّتي .. ما هي جديده آنا " شامخ " من زمان
...........إغسِل إيدك من رجوعي .. وروح , يا إبن اللذينه

طاب خاطر قلبي منِّك . . . وهذي الفرقى رهان
...........حتَّى لو قلبي يحبك . / - ربِّي . . بفراقك يعينه !

تدري لما قلت أحبك ؟ قلت .. وما عندي ضمان .
...........وإختياري كان ( خاطىء ) تجربه بالحييييل شينه

كنت تخطي .. وكنت أسامح .. مرَّه : مرتين : وثمان !
...........أدمَح الزلّه - عشانك .. وأكتِم أنفاس .. الغبينه

كنت أحبك ’ كنت أعزّك ’ والغلا فيني جبان
...........خاف تزعل لو , ألومك , ضعت ما بينك وبينه

في عيون الناس " عادي " بس في عيني ؟ / جنان
...........وكان قلبي من يشوفك تفضحه . . نظرة حنينه . .

ماني أوَّل من يحب ..... . ومنتَ آخر شخص . ..... خان !
...........المحبه في زمانك ؟ بحرها ^ من غير مينه ^

الفشل .. كان النتيجه وأعتقد آن الأوان ,
...........أبني - مستقبل حياتي . و - أنسى قصتنا الحزينه .

خطوتي الأولى ( غيابك ) راح أطبّقها عشان :
..........." يبكي قلبك لا فقدني والندم .. يملي سنينه "

جاي تسأل عن مكانك !! هو { بقى فيني مكان ؟ }
...........الله يرحمها المشاعر . . . اللي كانت لك رهينه .

قلت لك قلبي [ مدينه ] فيها لك :: حشمه وشان ::
...........لكن إنتَ الحين – أغرب .. شخص ! في هذي المدينه

لا تفكّر في مصيري

وكيف بحيا في بعادك !

تبقى :

أغلى شخص عندي

مهما :

توهمني بسرابك !

وببقى :

أصدق قلب حبّك

وأدفى نبضة

" تموت فيك "

وانت | لا تطوّل غيابك

[ طفلتك ]

حنّت كثييييييير !

ماهوب شرط .. اكون رايق على طول
يمكن تجيني ضيقةٍ .. مالها اسباب
اهم شي .. آعْرف .. وآميّز .. وش اقول
وصدقني اني معْك .. مانيب كذاب
طيفك يجي .. ويمر .. ويصول .. ويجول
حتى ولو حنّا .. بعيدين .. واغراب

لاجل الغلا برسل مع الشـوق .. وردة ..
ارويتهاا .. من ماي عيني .. غلاهااا ..

عطّرتهااا .. وحي الغلا .. والمـوده ..
وضميتهااا .. لصدري ولامس عطاهااا ..

" أمنتك الله " ضمّهـاا .. كـل مـده ..
حتى أحس ضمّيت قلبـي.. معااهـاا ..