حـلاة الأفـراح بـ الونـاسـة والرقـص والفلـة .
والأحلـى لاجـاء كل شـيء عفوي وطبيعـي بدون إصطنـاع ولا تمثيـل !
مسألـة تكون زواجاتنـا مختلطـة فـ هذا شـيء مستحيــل لأبعد درجــة .
خصوصـا عند القبـايل عندنـا .
وفيـه عوايل عندهـم شـيء عادي اذا عيال عمهم أو خوالهم
يدخلون بزفـه غير محارمهم بإعتبـارهم أخوهـ او من زود الميانـه .
هذا راجـع لهـم . ولعاداتهـم وتقاليدهم

وشـيء طبيعـي إذا الرجـل رقص قدام الحريـم لازم يبرز مواهبـة
لأنـه عارف مجتمـع النسـاء حش وتقنيص !
لازم يحسـن الصورة شوي .
بس موب بطريقـه بايخـه وخارجـه عن المألوف .
تشووهـ صورتـه ولا استضراف !

وانـا لاأعرسـت إن شـاء اللـه .
موب بس أخوانـي بخليهـم يرقصون بعـد خوالـي وأعمامـي أبيهـم يشاركونـي .
هـي ليلـة وحدهـ وماعــاد تنعـاد .


شوكرن مشعـل موضوعك جـاء بوقـته
عقبال مانفـرح فيـك

.


ماادري انت خلطت امور كثيره ببعض
وش علاقة رقص الشباب بزواجات اهلهم وانه
بعدين بيصير زواج مختلط ؟
الزواج تعبير عن فرحة العمر ومافيها شيء
اذا الولد رقص بفرحة اخته او اخوه
هذا الشيء مايعيبه تعيبه اشياء ثانيه وهي اللي تنقص
من رجولته ، اما الاختلاط مستحيل يصير
رقصوا والا مارقصوا

صح ناس كثير ينظرون لها كذا وهذا المفروض

وهي بالنهايه مسأله عادات واشوف هالشيء عادي
ليه بعض الردود كبرت الموضوع ودخلت بأشياء
اخطر من انها مجرد تعبير عن الوناسه
وكأنه صار قضيه ويظل الرقص وغيره
حرية شخصيه .


شكرا مشعل


.

.


اقدر افهم شغله ؟
لمّا نقول عادات يعني إيش ؟
يعني شي فلاني كانو يسوونه اللي قبلنـا وحنا
سويناه من باب جرت العاده وبغض النظـر عن صحته او الغلط فيه ؟
أنا ابي افهم , ليش ماسموها مبادئ وتقاليد ؟ كلمة عاده هذي وش تبي ؟
يعني المبادئ هي الاشياء اللي يقدر يستند عليها الشخص بكل شي يسويه بحياته
والتقليد , نعرف إنه ماضي لنا ولانه ماضي لنا فلازم نحترمه !
اللي اقصده بالضبط | إن في أشياء اوكي كان يسويها جدي وابو جدي
بس هذي الاشياء مو صح , مو واقعيّه لأني أنا افكر واشوف إنها إطلاقاً مو صحيحه
أنا شخصياً أحترم كل عادات مجتمعنا اللي يقبل فيها عقلي
بمعنى :
لما نعرف إن الغرض الاساسي من العرس هو مشاركة بالفرح , ومشاركة الفرح مبدأ *
يعني إيش الرجل مايحضر عرس إخته ؟ طيّب ماهو أحق شخص يقدر يفرح بالبنت هذي , هذي عاده
وغيرها عادات كثيره أنا أحترمها عشان اصحابها بس , ولا بالعقل أنا مافهمت وش الغرض
من غياب الرجل عن عرس إخته . ولأن النقاش كان غرضه الرقص ,
نرجع للمبدأ مره ثانيه *
الرقص بالعرس وش الهدف منّه ؟
هو تعبير بإنك مبسوط عشان أخوك أو ولد عمّك او صديقاً لك تزوّج
فمن باب الذوق أنك تشاركه فرحته , طيب ترقص عند الحريم ليـش ؟
إنت جاي تفرح بأختك . ترقص معها بالعرس ؟ طيب إنت تعرف إننا بالدين
مايصير يجي الرجل لمكان به الحريم متزينات ويحط عمره بوضع يحرجه
ويحد من مدى إحترامه وعفافه . وهذا مبدأ والدين مبدأ *
مشكلة * أنا أشوف اشياء غريبه حيل ,
اقدر اوضح نقطه حنا نعاني منها وبالإجماع ؟
ليش عندنا مبالغـه بالتعبير عن أي شي حابين نعبر عنّه
تدرون انا اعزو هالمبالغه لأيش ؟ لـ قلّة المصداقيّه بين هالشخصين فمن باب أولى
يبالغ تعبيراً للي بداخله , لانه متوقع لو ابتسم بس إبتسامه بوجهه
ماراح يؤمن بمدى الفرحه بداخـله
بمعنى |
أنا كنت اشوف في جماعتنا وفي جماعة خوالي بعد بالعروس
ياخذ السلاح ويعقد يضرب بالسمـا ؟ طيب هذي عاده وإتباع العاده بدون مانشوف
هالعاده صح أو لأ غبآء . يعني إيش تقعد ترمي بالسما . بك بلا ؟
ياخي روح للمعرس بارك له ابتسم بوجهه عشان هو بالمقابل ينبسط وبلاش قروشه وكلام فاضي
.

مشعل حبيبي فكرة موضوعك روعه
وإيجابيّه . وفقك الله أخوي , إنبسطت هنا أنا

.

.

أقدر اضيف ؟

أقتباس

بس تأكد ان الشباب مادخلوا يرقصون الا ان مجتمعهم يسمح بهالشئ ولايستنكرون
الا بعض المتزمتين والموسوسين ان صح التعبير
والا محد قاز حريمكم خاصه ان الحريم بيكونون متغطيات مو متبرجات

إن شاء الله تكونين بخير بيلسان . أقدر أفهم ليش فُسر
على أنه تزمت و وسوسه , طيب اللي خلاك تحترمين عادة ان الرجل
مايحضر عرس أخته مايخليك تحترمين ناس عندهم عاده إن الرجل مايرقص
عند الحريم . هذا طبعاً على إعتبار إنّك تحترمين العاده أيّاً كانت .
اعتبرتيه تزمت على طول ! مايصير ياخيّه ,
طبـعاً هالشي أنا اقوله مو دفاعـاً عن وجهة نظر لي حيال هالنقطه
بس , لإعتبارات ثانيه تفرض علـينا نحترم تقاليد كل مجتمع !
أنا دايم أحترم تفكيرك بيلـسان , أتمنى فهمتيني .

أقتباس

أنا ابي افهم , ليش ماسموها مبادئ وتقاليد ؟ كلمة عاده هذي وش تبي ؟

عـذرآ عـلى المداخلـه
تسـأل عن العادهـ !
فـي مجتمعنـا السعودي بـ الذات العادهـ هنـا تطغـى على الديـن للأسف !
بعيد عن المبادئ والتقاليد الي بمجتمعنـا .
العـادهـ شيء معتاد عليـه ودايركت الناس يسوونـه بدون ماينظرون للشيء
هو صح ولا غلـط ! شيء معتـاد عليـه الكل يسوويه .
اضرب لك مثـال :
ليـش الحين الناس تسوي الزواجات بقصر الأفراح وتجيب مطربـة ونروح الكوفيرا
ونشتري الفستان بذاك المبلغ وإلـخ .....
مع انـه فـ الدين هـ الأشيـاء ميب مذكورهـ او باالأصح شيء خارج عنـه !
مو الزواج حدهـ كتابه العقد وتذيعة بين النـاس على شـان يدرون إن فـلان تزوج فـلان
ووليمه على قدهـم !

إلا إن القصر والميز والمطربـة هذا شيء عادهـ والكل يسويهـا .
بغض النظر كـان هـذا الشيء صح ولا غلط ..
وللاسف هذا مجتمعنـا .
أتمنى فهمت وجهة نظري

عوده للتعقيب وأسمح لي مشعل ..
في البدايه أنا أتفق كثير مع عآيد بخصوص العادات والتقاليد وكلاهما بنفس المعنى تقريباً
العاده هي ما إعتاد الشخص على فعله بشكل متكرر والتقليد هو تقليد جيل لـ أجيال سابقه
وكأنه تقليد لهذا الموروث .. ولآنها ليست دائماً صائبه
ولأني قرأت بعض الردود المؤمنه جداً بوجهات نظرها رغم عدم صحتها
وإذا إبتعدنا عن العادات والتقاليد وما أحب فعله ورؤيته.. وتحدثنا بكلام عقلي
وبما أننا شعب مُسلم فـ الدين هوقبل كل شيء !
ولن أتكلم عن عدم حضور الرجال لعرس أخته لأني
بـِ بداوتي أختلف معه وأحترم هذا (السِلم) وأصحابه إيضا ً ..
وهو إيضاً ليس موضوعنا
وسـ أتكلم عن الرقص بغض النظر عن مشاركه الفرحه دخول الرجل بين جمع نساء
إن لم يكن فقط بين محارمه (طبعاً عيال العم والخاله مب محارم ) فهو أمر غير لآئق .. ولآيجوز لكلاهما
قال تعالى :(قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير
بما يصنعون وقل للمؤمنات يغضضن من أبصارهن ويحفظن فروجهن )

ولا أعلم لما النساء دائماً ترى أن الرجل وحده هو المعني بـ غض البصر !
وبوجود رجل (يتميلح) ويرقص بين جمع نساء غريبات عنه أريد ان أعرف كيف لهن
أن يغضضن أبصارهن ..؟!

أفعل خطأ كيفما تشاء لكن لآ تدافع عن مبدأ خاطئ وتُخطى أخرين
فلستُُ هنا أدعي المثاليه ولكن أن كنت تقوم بخطأ أقل الإيمان اعترف به
شكرا ً مشعل .. وأسمح لي ع العوده عفسنا موضوعك