ليتني طير إلى من ضاق رفرف بـه جناحـه
لا تضايق حرّك الجنحـان لحـدود السحابـه
يرتفع حتى يبدل ضيقـة الصـدر انشراحـه
يعتلي النسناس ويعانق بـه النـوّ وضبابـه
لو يروح بعيد ما أحد يسألـه سبـة مراحـه
ما هو بمثلي يفجّـر ضيقتـه دمـع وكتابـه

.
.
.
.

تروحين وترجعين بالسلامه ياقلب ديمآ

وربي بفقدك حيل تعودت عليك

الله يحميك ويحفظك من كل شر

نــنــتـــظر عودتـــــــك بالسلامــــــه .

من تجربة حبـك وصلت لقناعـة
إذا بغيت إنسان يغليك..خونه

يشتـاق لك أربع وعشرين سـاعه
دامك تخونه شرط تاخـذ عيـونه

أقرب طريقة للوصال ..القطاعه
جرب تغيب أيام ..وطالع جنونه

كل ماطلبته قال : سمع وطاعـه
يبيك لو كل الـخـلايــق يبونه


وإذا عطيته قلبك بصـدق باعـه
يحسبك له ظـامي وميـت بدونه


لأن الوفا في شرع مثله بضاعه
يبيع لو شـاف البشر يشترونه


شفت الغلا ضايع وقمـة ضياعـه
أني عطيتـه ناس مايعـرفونـه


بس وغلاتك يبقى حبك قناعــه
أخون نفسي ..لو أفكر اخونه