/
الجزء الثامن..
/
كانت مترددة ... بـ داخلها تبي تجرب هـ الشئ بس خايفة من إخوانها وردة فعلهم..
بـ الآخير قررت تسوي الي قالت لها دلال وتكلم طلال..
رفعت السماعة بـ خوف واتصلت..
ريم: مساء الخير
طلال الي عرف إنها راح تدق عليه من دلال: يامساء النور كله
ريم: طلال
طلال: عيون طلال أنتي
ريم:عرفتني؟
طلال: أكيد قلبي قال لي إنك صاحبة هذاك الصوت الي ماخلاني أنام
ريم فرحانة بـ كلامه: لا تبالغ طيب
طلال: أموت بـ الحيا أنا.. أموت بـ ترابك
ريم: تموت فيني قبل لا تعرفني
طلال: يكفي كلام دلال عنك
ريم: ترى أغار يكفي لا تجيب طاري لها..
طلال: تآمرين آمر..
كان طلال هو الي يتكلم أما ريم غلبها الخوف والحيا بنفس الوقت.. واتفقوا إن تستمر علاقتهم بـ التلفون الثابت.. ريم هي الي تدق عليه أول..
\
بـ الصالة..
ذكرى: تصدق الرجال الي دايم يجيب مقاضي البيت كل شهر اليوم جى..
عبدالرحمن: أنا ماقلت لكم قولوا له ربي سترها علينا..
ذكرى: قلت له ولا فاد.. بس اليوم جايب شئ أول مرة يجيبه
عبدالرحمن: وش جاب بعد؟
ذكرى: جايب سلاسل ذهب ناعمة ثنتين..
عبدالرحمن: قولي والله
ذكرى: وربي .. مستغربة أنا من هـ الشئ هذا؟
عبدالرحمن: هذا واحد يعرفنا؟
ذكرى: شكيت بـ أمي؟
عبدالرحمن: لا ماأظن أمي ماتعرف للحركات هذي...!
ذكرى: مدري.. نفسي أعرف بس من؟!
عبدالرحمن: الله يجزاهـ خير من كان يكون..!
\
في بيت أو ابو ياسر..
كانت أصواتهم طالعة ومرتفعه..
ياسر ومعاذ شبت بينهم النار بسبب فراس..!!!
ياسر: قلت أنا الكبير وأنا الي بتمشي كلمتي..!
معاذ: فراس مو صغير حتى تمشي كلمتك عليه
ياسر: أنت آخر واحد تتكلم.. مايكفي إنك تسهر لـ تالي الليول وساكت..
معاذ: ولا لك كلام علي..
ياسر: لأنك ماتربيت..
لمى: خلاص أنت وياهـ تعوذوا من ابليس وإلا عشان أمي مو فيه استغليتوا الفرصة
( أم ياسر كانت مع أختها أم صالح تزور وحدة من أقاربهم)
ياسر: أنتي انثبري ويالله على غرفتك..
معاذ: هيه أنت لاتستقوي على إخوانك.. والا تدري ماألومك.. من هو عمك..
ياسر الي ماتحمل أحد يسب أبو ذكرى: تراهـ عمك.. وهذا آخر إنذار لك أنت وفراس.. لو أسمع بيوم من الأيام إنك تأخذه لـ سهراتك مب أطيب لك أنت وياهـ..
راح ولا عبر واحد منهم..
فراس والعبرة خانقته: خلاص معاذ دامه يشك فينا كيفه مو لازم أطلع من البيت..
معاذ: أبي أعرف إنت ليش ضعيف كذا..!
قام فراس ولا رد عليه.. كان متضايق وطبعه الهادي منعه حتى إنه يرد على معاذ..
راح لـ عند تؤامه.. لـ عند الإنسانه الي تقاسمه الفرح والحزن.. لـ عند الي حتى تقاسمه ملامحه..
فراس: غندهـ قومي اجلسي معي..
حست غندهـ بـ الي يحس فيه.. وكانت تسمع هواشهم.. ومسكت يدهـ ونزلوا تحت بـ الخيمة الي كانت بـ الحديقه عندهم..
فراس وهو يتكلم معها: أنا بسولف بس أنتي اشري براسك كانك فاهمة علي..
أشرت بـ راسها وهي تبتسم..
فراس: شفتي ياسر ظلمني أنا ومعاذ..
تهز راسها غندهـ..
فراس: يقول ان معاذ يسوي أشياء غلط.. وإنه يأخذني يعلمني.. ومعاذ عمرهـ ماسوى كذا..ماتلاحظين إن حالنا تبدلت بعد ماات أبوي..
نزلت راسها غندهـ وهي تتذكر ذيك الأيام..!
معاذ: بقولك عن سر بس لا تعلمين أحد..
غندهـ بـ اهتمام تهز راسها..!
فراس: أنا إذا كبرت بـ تنازل عن عمي.. تدرين ليش؟!
تهز راسها بـ النفي..!
فراس: عشان عيال عمي أكيد الحين يتهاوشون.. وهم ماعندهم أبو أو أم..!
ابتسمت غندهـ من غير كلام.. ومدت يدها متفقه معه.. حركة تعودا عليها من صغرهم..
ابتسم فراس ومد يدهـ.. وفي قرارت نفسه راح يسامح عمه.. ويوقف مع غندهـ أخته...!
لما يتفقون على شئ..!
لكن الله العالم الأيام بـ تخليه أو لا..؟!
\
في بيت أم خالد ..
كان خالد مشغول بـ التجهيز لأنه عازم أخوياهـ الي من الرياض.. ومستعد ينتظرهم..
أم خالد: شوي شوي على عمرك
خالد: فرحان فيهم من زمان عنهم..
أم خالد: خلاص الخدامة جهزت كل شئ لا تشيل هم..
خالد: الله لا يحرمني منك..!
أم خالد: آمين.. وعقبال ما أجهز لـ عرسك..!
خالد مرت في باله طيف عمره مانساهـ: هههههههه بدري علينا..
رن جواله.. وطلع يستقبل أخوياهـ..
خالد: الحمد لله على السلامة..
طلال: الله يسلمك يارب,,
نواف: هلا بوليد الله يسلمك يارب..
خالد: مابغينا نشوفكم..
نواف: وش دعوى يبه.. شفيك تتحجى مثل أهل الرياض
الكل: ههههههههههههههههههه
كانوا جالسين وسوالف وضحك..يتذكرون أيامهم يوم كانوا يشفون خالد جاي للرياض زيارات شلون كانوا يعلقون على كلامه وتآثرهـ بـ أهل الشرقيه..
دق جوال طلال الي كان توهـ مطلعه عشان ريم تدق عليه بـ آي وقت ..!
طلال: دقت الغثيثه..
خالد: من لا يكون متزوج من ورانا..!
نواف: لا هذا وجه زواج.. بنت من هـ البنات لاعب عليها كـ العادة..
خالد: أنت متى تتوب؟!
طلال: يابني أنا ماأضرهم ولا أفضحهم..!
خالد: يكفي تلعب في مشاعرهم..!
طلال: وهو مخافيف على طول يصدقون؟!
خالد: طبيعتهم كذا..!
طلال: شفيك قلبت علي مرة وحدة.. شف نواف طيب
نواف: لا تدخلني أنا ماأكلم الا هـ المغرورة دلالوهـ..!
خالد: وهذا وأنت ما تكلم غيرها تقول مغرورهـ؟
نواف: أغليها يابو وليد بس غرورها ذابحني.. وإلا البنت شايله قلبي شيل..
خالد: هههههههههههههههههههه مابقت لي نتفه..؟!
نواف: لا بقت شريان لك وشريان لـ طلال..
طلال: وأنا بعد حالياً بس ريم..!
نواف: إلا قالت لك بنت من؟ أخبرها رافضة..
طلال: أفأ عليك.. طلول أنا جبته.. اسمها ريم راشد الـ.....!
مثل الصاعقة نزل اسمها على خالد.. كان يشرب ومن دون وعي طاح الفنجال.. مو مستوعب الإسم..!
نواف: بسم الله شفيك رجعت نونو وتكبب الشاهي؟!
خالد بـ صدمة: قلت وش اسمها؟!
طلال: ليش؟!
خالد يرفع صوته: أقولك شسمها؟!
طلال يعيد الإسم: ريم راشد الـ....!! ليش تعرفها؟!
عصب خالد لما عرف.. مع إنه مايذكر ريم إلا وهي صغيرهـ.. ويعرف عبدالرحمن وذكرى أكثر شئ.. بس مايدري ليش الدم أشعل الغيرة بـ قلبه.. وحسها أخته وسمعتها من سمعته.. حاول يمسك أعصابه ويهدي الموضوع وعشان يقدر يحافظ على ستر بنت خاله..!
خالد: اعرفها من بعيد.. هذي بيوم من الأيام كنت أحبها بس ماتعرف هـ الشئ..
طلال ويحاول يصدق: أوووهـ خالود تحب من ورانا..
خالد بـ هدوء: جيت وجابها الله عطني رقمها أكلمها حتى مرة وحدة امي تخطبها لي..
طلال بـ قهر انه بيأخذها منه: شتبي بـ وحدة راعية شباب..
خالد: من كنت صغير وأنا معلق فيها وأحبها.. وبعدين أنت مايعوقك خلني أكلمها ودور غيرها..
أعطاه طلال الرقم وهو مو مصدق وحس إن السالفه أكبر من كذا... بس ثقته بـ خالد وإنه مو راعي هـ الخرابيط خلاه يثق فيه ويعطيه الرقم.. واتفق اذا هي نغمة له عشان يدق يتصل فيها خالد..
/
في بيت أم صالح..
كانت خلود مرة فرحانه إن ذكرى ولمى اليوم بيكون أول يوم لهم.. وبيجتمعون وبيكونون أحلى صداقة مع بعض..!
لمى توها داخله على خلود..
لمى: ماجت؟!
خلود: لا باقي الحين بتجي إن شاء الله..
لمى: أحسن بعد عشان أستقبلها معك..
خلود: فرحانه أحس ذكرى تستاهل..
لمى: مغامرة قوية ياخوخه.. أدري بنروح فيها لو عرفت أمي..!
خلود: لا تخافين دام خليدهـ معك بـ تكونين بـ آمان..
لمى: البلا كله بـ خليدة..!
دق الجرس ووصلت ذكرى الي باين عليها الحيا.. ودخلت وهي خايفه ..!
خلود: نور بيتنا كله..
لمى: الا حارتكم كلها منورة..!
ذكرى: ههههههه تسلمون والله.. لاتخلوني أرجع الحين..
خلود: لا وين ترجعين.. ماصدقنا على الله عبدالرحمن باشا يجيبك..!
ذكرى: اسكتي ترى طول الطريق وهو يقول بـ خطب وحدة من الثنتين عشان جبتك لهم..
خلود: خلاص خوذي لمى وفكيني منها..!
لمى: لا والله ناشبة بـ حلقك أنا..
ذكرى: لا الشرع حلل أربع بـ آخذكم كلكم..
خلود: لا حرام عليك تظلمين قلبي مع المجرمة بنت عمك هذي..
ذكرى: عاد حدك بنت عمي فديت قلبها..
لمى:حرهـ انقهرتي عشان ذكورتي واقفه معي..
خلود: ترى البيت بيتنا لا تخلوني أطردكم شر طردهـ..!
لمى: عادي أخليها تجي لبيتنا..
خلود: وبعدين خالتي تعلقك بـ المروحة..
قالت هـ الكلمة من غير تحس إنها جرحت ذكرى.. لأنها تعرف إنه بـ منطقة الحظر وأم ياسر ماتبيها لا هي ولا اخوانها..
ذكرى: إلا صح أمك ياخلود تعرف إني بجي..
خلود: ايه وبـ العكس رحبت بـ الفكرة..!
ذكرى: وخالتي أم ياسر؟!
لمى: لا أمي صعبه شوي.. ولا تزعلين علي يا قلبي بس انتي تعرفين البير وغطاهـ..!
ذكرى: مقدرهـ ولا يمكن أزعل عليكم أنتم مالكم ذنب...!
خلود: خلاص ترى ماأحب حركات المسلاسات هذي.. فلوها يالله..
ذكرى: خلاص بنفلها..
كانت زيارة حلوة وناجحة.. استمتعوا كلهم فيها.. وخصوصاً ذكرى.. الي تمنت إن ريم تكون معهم.. وتصير مثل لمى وخلود..!
طبعاً لمى وخلود كانوا يعرفون من زميلاتهم بـ المدرسة الأولى إن ريم طبعها مثل دلال الي فرت مخها ولعبت عليها..!
\
في بيت أبو عبدالرحمن..
ريم تتصل على طلال..الي أعطاها مشغول.. وقال لـ خالد إنها اتصلت..!
قرر طلال إنه يترك ريم دام خالد يبيها وخصوصاً إنه ما أعجبته بعد ما تعمق معها ولا صارت البنت الي يبيها..!
اتصل خالد على بيت خاله وقام من الشلة حتى لا أحد يسمعه..!
ريم: آآلو
خالد: السلام عليكم..
ريم خافت من الصوت: وعليكم السلام..
خالد: شلونك؟!
ريم بـ خوف: من معي...؟!
خالد: أنا صديق طلال..!
ريم: ليش وين طلال فيه شئ؟!
خالد: خايفه عليه..!
ريم: علمني شفيه طلال..؟!
خالد: الى هـ الدرجة تحبينه؟!
ريم: أكيد أحبه..
خالد: وإن قلت لك مايستاهلك؟
ريم: وش تقول أنت؟!
خالد: ليش ياريم..؟!
ريم: ليش على ايش..!
خالد: أخوك عبدالرحمن مقصر معك؟! ذكرى معذبتك؟!
ريم الي انصعقت من الي تسمعه..!!!
خالد: من الآخر أنا ولد عمتك.. خالد أعتقد تعرفيني..!
ريم الي بدت تبكي حى تبرر موقفها ..: خالد والي يرحم والدينك لا تقول لـ عبدالرحمن شئ..!
خالد: ماكلمتك في نيتي أقول لـ أخوك شئ.. أنتي مثل أختي.. وأبي أستر عليك..!
ريم: والله غصب علي.. دلال هي الي قالت لي..!
ريم قالت كل شئ خالد بعد ماهداها.. ولما عرف بكل شئ وعدها يبعدها عن المشاكل..
كانت ريم فرحانه بـ كلامه.. وقدّرت فيه رجولته الي ماتخيلتها..!!!
قفل خالد منها وهو يفكر بـ عيال خاله.. وبـ ريم.. كان فاهم إن الي صار لها بسبة الي سواهـ خاله.. مايدري ليش رحمها وحس بـ داخلها إنسانه نظيفه..!
\
في بيت أم صالح..
أم صالح: وشلونها ذكرى؟!
خلود: تجنن تجنن يمه.. والله حرام هذيك تنظلم..
سعود: تجنن من أي ناحية بـ الضبط..!
خلود: من كل النواحي أخلاق وأدب وجمال..!
سعود: أحلى من لمى..
لمى فعلاً كانت حلوة بـ طولها وبياضها الميل للحمرة.. وشعرها البني..وكانت نوعاً ما تعجب سعود بـ جمالها الراقي..!
خلود: لا ذكرى تختلف عن لمى.. ذكرى عيونها كبار ولونها مع لون شعرها أسود.. وجسمها رويان أكثر..
أم صالح: أجل نخطبها لـ أخوك صالح..
سعود بـ ردة فعل غريبة: لا حرام يمه توها صغيرهـ وصالح كبير.. بعدين لا تهدمين حياتهم..
أم صالح: ودي أفرح بـ شوفة عياله..!
سعود: بـ تفرحين إن شاء الله يمه..!
خلود: ليش يمه مامليت عينكـ أنا..!
أم صالح: صرتي ماصخه.. نبي صغير نلعبه ونمزح معه..!
سعود: قهر يوم اني صغير ما ادري كانوا يحبوني أو لا..!
أم صالح: ما يحطونك بـ الأرض من حلاوتن فيك..!
سعود من صغرهـ كان وسيم.. وحتى وهو كبير كان وسيم أكثر من صالح الي يعتبر عادي .. وخلود الي كانت ملامحها ناعمة حيل..!
سعود: طيب مامي بروح لـ العيال بيطلعون كذا للثمامة يفلونها شوي..
أم صالح: طيب لا تتأخر..
سعود: إن شاء الله عن اذنكم..
خلود: حتى أنا بروح أنام .. تصبحين على خير ..
أم صالح: وأنتي من أهل الخير..
\
بـ السيارة..
طلال ونواف كانوا راجعين للرياض بعد ماأخذوا لهم يومين إجازة بـ الشرقية..
طلال: شفت ملامح خالد كيف تغيرت يوم عرف اسم ريم؟!
نواف: ايه لاحظت.. يمكن صدق يعرفها ويحبها..!
طلال: قهر أبي أعرف من وين يعرفها..؟!
نواف: يمكن من أقاربهم..!
طلال: شكلي برجع أكلم ريم..!
نواف: ماعطيت خالد كلمه خلاص قفل الموضوع..!
طلال: أنا طلال مايمشي الموضوع علي بسهولة.. بعدين قهر يأخذ خويتي مني..!
نواف: الي يسمعك يقول دايخ عندها وتموت فيها؟!
طلال: مو أحبها بس قهر حتى ولو.. تدري برجع أكلمها.. وأعرف وش عرفها بـ خالد؟!
نواف: بكيفك..!
كان نواف واثق من طلال وتفكيرهـ وإنه عمرهـ ما حطم حياة بنت حتى لو كانت لاعبه عليه..!
لكن طلال هـ المرة كانت له وجه نظر ثانية مع ريم..!
\
تتوقعون وش راح يصير لـ ريم؟!
وسعود هل احتلت ذكرى مكان من تفكيرة؟!
وخالد وش راح تكون ريم بـ نظرهـ؟!
\