السلام عليكم ورحمة الله وبركاته ..، . . ندخل بالموضوع على طول . . ** ( زوجووووني ) ** الزوآج .. الآستقرآر .. و هذا شي معروف .. فجأه < تونا بادين ؟! < لان ما عندي مقدمات ( نصيحه للاعضاء لو ما عندك مقدمه ابدا بكلمة ،،فجأه،، ) هل انتم مع الزوآج المبكر ؟! . . بنآت هالآيام كله مستعجلين عـالزوآج !! بصرآحه ما ألومهم ! والاسبآب تعود الى < أوووه شهالتطورات ؟! مثآل يعني .. بنت تبي تقص \ تصبغ .. شعرها بيكون رد امها .. لآ تزوجتي سوي اللي تبين ان شاء الله تحلقين عالصفر ! زي مره كنت قآعده عند التلفزيون عالاخباريه < ما شاء الله اخبار ؟! < لا بس كذا طلعت صور من .. آلريآض .. فقلت حق امي : يمه تكفين هالعطله نبي نروح الرياض وابي اروح المملكه .. قآلت : ان شاء الله لا تزوجتي تروحين انتي وزوجك وتتعشون فيها بعد !! قلت : و منو بيكون يا حظي << عشآن كذآ ما ننلام لا قلنا نبي نتزوج بسرعه .. كل شي عندنآ ( ممنوع ) .. وبعد الزوآج .. خذ رآحتك سوي اللي تبينه أهم شيزوجك رآضي عليك .. الزوآج المبكر حلو .. لاني بكون مرآهقه و زوجي اكيد أكبر مني و أفهم مني يعني بيفهمني .. يسمعني .. ما يرد لي طلب .. ( يهتم فيني ) وهذا اللي محتاجته انا بهالمرحله .. طبعآ على حسب الزوج كآن ما طلع ( شرير ) لكن مب حلو بأشياء مال ام الدآعي يعني اللحين عندنآ بنت تدرس معنا بالمدرسه و هي بأول ثآنوي .. وحآمل !!! بصرآحه .. مو حلو كذآ .. توها صغنونه بدري عالامومه ! لو انا مكآنها << كآن شرطت شرط اني ما أحمل الا بعد ما أكمل درآسه < وبعد ناويه تكملين دراسه ؟ < ايه بكمل اجل اقعد عنده بالبيت مقابله خشته ؟! أحلى ما في الزوآج .. زي ما قلت يكون لك شخص وهالشخص لك انت وحدك .. محد يشآركك فيه .. بيفرح لفرحك .. وبيحزن لحزنك .. اذا احتجته يكون قربك .. لو تضايقت اسعدك .. لو بكيت مسح دمعتك .. لو كل العالم وقفت ضدك وقف هو لحاله معآك .. هو اللي بينفعك .. هو اللي اختارك عشان تكمل معه مشواره هو اللي ... اللي ... اللي ... آلخ زي ما هو وقف معآك .. انا بعد اوقف معه .. اساعده .. احبه .. اضحي عشآنه .. . . . قآلت وحده من البنآت .. مرآت اتضايق من شي .. ما ألآقي اللي اشكي له .. واشرح له ظروفي .. اغلب الاحيان امي مو فاضيه .. ابوي بوآدي . وانا . بوآدي ! فما في حل الا غرفتي .. لكن لو اني متزوجه .. لو كنت متضايقه بيدري من عيوني ويحاول يفرحني .. ويحاول قد ما يقدر يسوي أي شي عشآني .. هذا ما يعني ان اهلي مقصرين .. بس لان عندهم اخواني فما يلاحظوني او يهتمون فيني كثير لاني كبيره في نظرهم .. ! وانا معاها صرآحه لانها نفس حآلتي .. اما انا بالنسبه لي شي حلو اني اعيش في بيت لحالي ( بما اني احب الوحده ) والاحلى في البيت انه يكون بعيد عن اهلي لاني بكون دلوعة زوجي .. اطلب يقول : تدللي تأبري ألبي < وهـ بث رومنثي وآيد واذا طلعنا نتمشى نطلع لحالنا بس انا وياه واركب قدآم بعد واحنا نمشي عالكورنيش ولا سوق نمشي شوي شوي وماسكين بعض < ليه بتطيرون ؟ < لا بس الرومنسيه ذابحتنا مو مع ابوي الحمد لله والشكر لا طلعت معه لازم اصيح .. ازعل .. اتهاوش ! بس مع امي فلللللله لاني لو شفت واحد حلو بقول : يومه يومه لا يفوتك شوفيه .. بس مع زوجي خلاص اعقل بيكون هو احلاهم حتى لو ما كآن هو الحلآ كله .. لانه بأسلوبه و كلامه و أخلاقه بيسكن قلبي . . . س\ هل الكلام اللي قلته صحيح ؟! و اذا كان ناقص ( كملي عليه ) < يعني السؤال للبنات .. س\ تؤيد\ين الزوآج المبكر ؟ س\ لو بتتزوجين مآهو شرطك ؟ وكم مهرك < اقول ورآ ما تذلفين ؟! * * * آلآ يآ دنيآ متى تبشريني بفرقآ هلي ؟! .. ولو منهم مآكو فكه !! يآ دنيآ خذي روحي و فكيني !! كثير بنآت متعقدين من اهلهم .. لدرجة انهم صآرو يتلفظون عليهم بألفآظ ( تآفهه ) .. وعشآن اكون صريحه .. انا منهم !! يعني تجي بنت تقول وبكل وقآحه : أمي حيوآنه !! كنت انتقدها واعتبرها هي الحيوآنه .. بس مع مرور الوقت صآر شي عآآآآآآآدي مره انا قلت قد اكون منهم لكن مو لدرجة انها تكون الفاظ وقحه !! على امي ابد انا ما تلفظ .. ولو بتلفظ بقول قدآمها مو من ورآها .. زي لما اقول .. امي تقهر .. < احس عآدي ما فيها شي لانها بعض الاحيان فعلا تقهر < برآ وقدآمها .. زي ما اقول .. ليش انتي كذا غبيه ؟ .. شفيك اليوم خبله ؟ .. يومه منتي صاحيه ؟ قد تكون قلة ادب .. لكني اعتبرها زي صديقتي وامي تتقبل عآدي تضحك .. لكن بحدود ما اقول كذا الا وهي رايقه اما وهي معصبه وخرو عنهآ .. وحتى اكون اصرح من الصريحه < احلفي تكفين !! < والله ابوي اتكلم عليه اكثر .. وقدآم امي بعد زي ابوي يبيله تكفيخ .. تكفين يمه كفخيه .. عآد امي تشمر اكمامها بس هذا ما يعني اني ما احبه .. مهما قلت و مهما عنادته .. يبقى ابوي .. لكن المصيبه اللي تتجرأ بقوه وتقول : الله يلعن ابوي !!!!! ابوي سخيف .. الله ياخذه !!!!!! انا اخاف لا سمعت زي كذآ احسها تدعي على ابوي مو ابوها ؟! س\ رآيكـ\ـي بهالالفآظ ؟ وبصرآحه هل انتـ\ـي منهم ؟ ولماذا ؟ س\ ماالذي يدفعهم لقول مثل هذه الالفآظ عن اغلا شخصين تعبو و صبرو عشانه ؟ < اقول لايكثر مسويه تعبير مثل وجها واذا رجعت سألتهم وش السبب .. ابوي ما يفهمني كله ظآلمني .. اذا صار شي وقف ضدي .. دآيم ما يصدقني .. كل الاقات معصب ويحط حرته فيني .. يتلفظ علي الفاظ و يفشلني قدآم اخواني .. !! الى متى واحنا كذا ؟ هذا واحنا مسلمين .. كذا تربيتنا حق اولادنا ؟! كذا قال الرسول اللهم صلي وسلم عليه ربو عيالكم ؟ كل ابو يبي ولده يدرس عشان يشتغل و يرتقي بوظيفته ويرفع راسه .. وهو ما عمره وصاه بالصلاه ولا صدقه ولا صيام ؟! ام تبي بنتها احلى و احسن البنات تجيب لها كل الل تبي ملابس من اغلى الماركات و ما تنسى انواع المكياجات وكل العطورات .. و انزل الموضات .. وهي عمرها ما قالت لها قومي صلي ؟! كذا تربيتنا صارت ؟ لبس و اكل و ظيفة و شكخه بس ؟ والدين ما نحسب له حساب .. صرنا نبعد الدين عن حياتنا .. آخر شي نفكر فيه دينا .. واسلامنا .. ! لهدرجه ؟ و أكثر بعد ! صآرت التربيه بدآل ما هي نصح و إرشآد .... ضرب و تهديد ! أي خطأ يصدر من الابناء الا الكف مآشي 220 بوجهه !! ولد يدخن .. يدرى ابوه مسكه وعلقه وقام يشتغل عليه ..! يعني وش بيخسر لو قآله .. يا ولدي انا احبك واهتم فيك وارآعيك .. بس سمعت انك تدخن وانا عارف انك مستحيل لاني حذرتك مره .. انا بس حبيت انصح واقولك لاني ابوك وهي مضره ما ارح تنفعك ... آالخ << اصير ام صح خخخخخ شآب يفحط .. درى ابوه خذا منه مفتاح السياره و تهديد وهوآش .. والشباب معروف بطبعهم ما يحبون الاب يهاوشهم لانهم زي ما يقولو احنا كبآر ما يحتاج ! كذا بيأثر على الولد ويمكن يوصل انه يعاند ابوه او يتحدآه .. فيفحط مع خويه .. ومع خويه يمكن تجيه حالة هستره ليستعرض قدامه فيصير شي مو خآطر على باله .. او انه يسرق سياره !! والسبب ان ابوه منعه من سيارته ؟! وقد يسرق سيارة ابوه ؟! نجي للبنآت واللي هم فعلا ضحايآ هالتربيه البايخه .. ولان المجتمع زي ما يقولون البنات ( ظآلمنا .. انما نحن في مجتمع متخلف ) طبعآ التخلف ماهو لانهم لبسو عبايه و تمسكو بالدين .. التخلف في(( التربيه)) !! س\ ما أساس التربيه الصحيحه بنظركـ\ـي ؟ س\ ما رآيكـ\ـي بالتربيه هالايام ؟ مثآل وهو دآرج في الاسوآق < اقول لا تروحين بعيد بس .. البنت تطلب من اهلها جوآل .. تبدأ المشآكل انا ادري ليه تبين الجوآل تبين تكلمين بدون رقيب هااا ؟ من بتكلمين ؟ ترآ الولد اللحين لا جآ يخطب ما ياخذ البنت اللي معاها جوآل لانه بيخاف تكون عندها علاقات سابقه ؟! صدق .. اللحين أي وحده معاها جوآل فهي تكلم من هب ودب ! تفكير غبي ! طيب البنت اليوم معزومه عند وحده من صديقتها .. الاب : ما عندنا بنات يطلعن من البيت الا اذا تزوجت ! انتي مكآنك هنا بالبيت ما تطليعن الا من بنت اهلك لا بيت زوجك فاهمه ؟ .. ان طلعتي بحش رجولك حش ولو طلبتي مني مره ثانيه ما تلومين الا نفسك هذا اللي ناقص تروحين صديقاتك ؟! ما تطلعين الا مع امك ؟! وخير ان شاء الله أي مكان بروح له اسحب امي معي حتى عند خوياتي ؟! هاذي تربيه خطأ .. عمر التربيه ما تجي بالحرمآن والتهديد ! والا كآن ضاع وانحرف آلــكل بلآ استثناء .. ! << خطيره هع صدقوني .. اقسم بالله ان البنت اذا انحرمت من شي ( بتسويه من ورا اهلها ) منعوها من الجوآل .. بتجيب جوآل و بتكلم فيه اللي تبي بعد .. يعطونها خوياتي و لا عن طريقه ثانيه .. منعوها من صديقاتها .. صدقوني تقدر تطلع بس مو عند صديقاتها يمكن مكآن ثاني !! يعني تقدر تسوي نفسها رايحه مدرسه .. وبطريقه مع صديقتها يروحون المكان اللي يبون ! تقدر تسوي .. وتسوي .. وتسوي كل البلاوي اللي اهلها منعوها منها .. وانا اشهد لكم .. يمكن تقولون مستحيل .. !! لانها بتخاف .. خلاص هي ما عاد تخاف .. لانها بتشوف اهلها يمنعونها من اشيا كثيره .. فتعاند و تتحداهم .. و صديقتها لهم دور كبير في إقناعها ! وانا منهم وجربت كذا طريقه لتخلص من الحرمآن اللي يجي من اهلي و سبب هالحرمآن لاني وللأسف بنت ! وسآكنه بمجتمع ما يتخلا عن عاداته ؟! لدرجة اني صرت اكره نفسي .. واكره مجتعمنا !! اتمنى اني سكنت في دوله ثانيه و تعدونا على عاداتها وتقاليدها .. ! عشآن تتغير حياتي و بذآت تفكير الاهل الـ [ مـ عقد و مـ تخلف إلـ ـى أبـعدآلحدود !! ] لكن .. يبقون اهلي ولو انه معقديني .. لكن فيهم اشياء تحليهم عن غيرهم .. زي ما قلت ما اقول متخلفين عشان الدين .. عشان التربيه و مستوى تفكير الاهل الغبي الا من رحم ربي ! *" تعرضت لمثل هالموآقف " .. - طلعت من دون علم ابوي لكن بعلم امي .. - وحده من بالبنات قالت بتعطيني جوآل مع شريحه و تشحن لي كل شهر ! بس رفضت .. ان ما جابو لي اهلي ( ما ابيه ) وقلت حق امي عن هالبنت .. وكآن رايها من رأيي و أعجبت بردي على البنت الى ان وصل حد اعجابها بي انها دبجتني دبجه بغيت اموت منها وقالت : بعدي والله بسمورتي بنتي الشاطره الذكيه ما ينلعب عليها < حسيت اني قويه - و طلعت كمان مره مع بنات خآلة امي من دون علم احد ابد ابد بس انا وياها و خواتها الكبار اللي كانو حرصين على ان امي وامهم ما يلاحظون غيبانا الحمد لله والشكر رحنا بقالة ودرينا خخخخخخخخخخـ < بس اقولكم اننا مره نتميز بشي غبي وهي العادات والتقاليد يلعنها من عادات حتى بقاله ما نروح ؟! وش هالنقص بالعقل اللي عندنا .. بالنسبه لي .. امي عندها عآدي .. المشكله ابوي الشرير وطبعا مرحلة المتوسط ام الدجه تقريبا كل المصايب فيها سويت اشياء كثيره و دجيت لكن الحمد لله هالسنه ( تمام ) عرفت مصلحتي < احلفي ؟! وصرت افكر بالشي قبل اسويه .. ولو اني ابقى ضايعه ! وذلك لأسباب عديده يصعب ذكرها س\ مره جربتي تغامرني وتسوين شي من دون علم اهلك ؟ ليت الجوآب يكون بصرآحه واللي ما تبي على رآحتها و فيه اشياء تدل على شدة غباء الاهل ( تضحكون عليها ) !! يعني بنت ما تكلم تلفون الا واحد من اهلها عندها ؟! طيب ليه ؟ لآنها بنت ! كل ذا خوف ؟! ترا الشي اذا زآد عن حده انقلب ضده! اذا بيمشون الاهل .. حرمآن في حرمآن .. كله يقولن : لآ . ما في . ما عندنا بنات يسوون كذا < وهالكلمه اكرها ! مثآل وحده تبي تشتري أشياء خصوصيه لها .. ملابس .. كريمات .. أي شي .. تبي تطلع ممنوع .. لازم الاخ معاها .. ام .. اب .. طيب ما قلنا شي .. لكن شلون ترتاح اذا اخوها او ابوها وراها وراها وكل شوي : بسرعه .. بسرعه اخلصي علينا ! كذا بتضطر انها تاخذ أي شي وتمشي .. وبعدين ما يطلع عدل او مو عاجبها .. ونعيد و نكرر نفس الحركه ؟! و من اساسات السوق المفروض يعني ان الحرمه تروح وهي تمام نفسيتها .. تكون مروقه على راحتها ما في احد يزعجها عشان تاخذ راحتها وتاخذ اللي تبيه بعد تفكير طويل < احلفي !! من جد وهاذي دراسات معروفه .. مو احنا نركض كن ورانا حرامي مدري شرطه مطيورين ناخذ وندفع ونركض و في الاخير كل اللي خذناه خسآره !! لاننا يوم رجعنا للبيت ما عجبنا ؟! . أب اذا سمع بنته تتكلم عن الاولاد هاوشها .. وهي تقول : قسم بالله اني ما اقول شي غلط ! كله اخواني يتلكمون واسألهم عن السالفه .. وربي مره قعدت اتكلم عن وآحد بحارتنا بزر و الله بزر رابع مدري خامس ابتدائي يوم سمعني ابوي قام يهاوش يقول لا تتكلمين عن الاولاد ؟ !!! وش تسمونه هذا تكفون ؟ تخلف ؟ ولا وشو ؟ !! . . ترآ الناس وصلو للقمر ؟! وحنا للحين قآعدين نسحب بعضنا ! احنا وهالعادات اللي مثل وجهنا ! ما اقول تخلو عنها .. بس .. افهمو يا ناس .. وين التفكير وين تصرفونه ؟بالعلم ؟ والله ما ظنتي واذا كان بالعلم .. ليه ما نحسن خلقنا مع غيرنا .. لان المتعلم لازم تكون اخلاقه زينه حسنه تمام .. ليه تفكيرنا دآيم بعيد وغبي وماله داعي ؟ ليه ؟! متى نفهم ؟ ونصير مع بعض متفاهمين ؟ انا اعتقد انه مافي امل مهما قلنا ومهما سوينا يبقون فيه ناس ( .. مدري متخلفين بالتربيه ولا اغبياء بالتفكير ؟ ) الكلآم لو ما اختصرته كآن طآآآآآآل وصآر بلا نهايه ! كلآم و اسئله كثيره تدور في بالي ما عرفت شلون اقولها .. لكن حسيت اني طولت < زين ! المجتمع مستحيل يتغير بيوم وليله .. حتى لو قعدت اكثر من شهر بل سنه ما تغيرنا بنبقى زي ما كنا .. ونقعد نعيد و نزيد عشآن حضاره ، ترقيه ، تطور .. آلخ واحنا ولا نسوي شي عشانها ! انا اقصد تطور وحضاره بالذات والتربيه والتفكير مو بالمدينه < عشان لا تقولون المملكه في عصر التطور لاني بقول ادري بس يا ليت يتطور العقل معاها .. يتطور للأفضل وليس للأسواء .. من زمآن كنت بنزل هالموضوع لكن ما دري شلون ؟! لكني تحمست اليوم يوم شفت بعض قضايا البنات < يا شيخه ؟ وقلت لازم اصير قويه شوي .. بس ان شاء الله ما يكون مصيره مغلق ولا كرت احمر !! آسفه لو اخطيت بشي .. او فهمتو نقطه غلط او انا نفسي نفهمت غلط لكن الحق حق .. ويمكن يكون الموضوع بث لخوآطر بعض البنات .. و نشر صور وآقعيه للزمن مرير < الباب ورآك وتقبلو تحياتي المعطره بالفل والياسمين و العود والمسك و العنبر CC