جزاك الله خير ياخوي على نصايحك
بس ياخي كان من باب الافضل انك تنصحهم
بطريقه افضل بنصايح بأدعية خاصة تذكرهم فيها
مب تغرف عقولهم بالقبر والموت كلنا بنموت وكلنا ماشين على هالدرب
ولكن هل تشوف انه شي عقلاني وانا صاحي نايم قايم جالس مافيه
قدامي الاسيرة القبر ياخي لو كان هذا الحال لقيل لكل ابن ادم متى يوم منيته
ولكن لحكمة كريمة ولاستقامة الحياة كانت علم المنية بيد الله لا بيد عبده
وهذا اللي ابي ابينه لك انه بالتركيز على هالشي ليل نهار هو اشبه بانك
تقول للواحد تراك بتموت باليوم الفلاني
ياخوان يا دعاة يا رجال الدين محتاجين نصايح في اشياء كثيرة
الدين مب قبر وجهاد طالعوا الشباب شوفوا مشاكلهم شوفوا وش يعانون منه
حلوها لهم بالشريعه السمحة الدين يسر مو عسر يا اخوان
وبكون معك صريح وواقعي تتوقع احد بيكمل قراءة الموضوع ؟؟؟
الكثير لا لان الاسلوب تقليدي بحت وبيكتفي بـ " جزاك الله خير "
ياخي لنا بالشيخ العريفي مثل ولنا بالشيخ عايض القرني مثل باسلوبهم
السلس اللي يجبر المتلقى على الاستماع ومعالجتهم لمشاكل الشباب بطريقة الشباب
يا اخوان حدثوا كلن على عمره وكلن على حسب فهمه والله انا بعد صعبه اجي
امسك ابو خمس سنين اسمع بابا ترا اذا صرت بالقبر محد بيكون معك الا عملك !!!
لا مستحيل ما ينفع كذا
وبعدين ملاحظ اخوي كل مواضيعك عن الموت والقبور !!!
هل اقتصرت الدعوة على الجنازة واحكامها ؟
ودي لو كان نصايحك عن الاختبارات كانت اقرب للتلقي أكثر
تحياتي