\ : حلو اول ما ادخل المنتدى اشوف موضوع يفتح النفس .. : انا اشوف كثير كان لهم تعريفات غريبه وخرجوا عن الموضوع ممكن يكون شي عندنا بعايلتنا يعتبر عادي وبعايلتكم تعتبرونه انفتاح مكن شي عندكم انتم تعتبرونه انفتاح وانا اعتبره انفساخ الانفتاح تختلف مقاييسه من ناس لناس ومعاييره تختلف مع اختلاف الجوانب لنفس الشخص حلو يكون الانسان متفتح وفاهم تفتح صح مو تفتح ما ادري وش يبي !! \ : بتكلم عن مفهومي وعن الموضوع بأمثله احنا بعايلتنا مثلا اخوي مره محافظ ما اقول ملتزم محافظ اهو فاهم ومثقف ويعطي ثقه وتفكيره حلو بس محافظ مع انه يروح دورات بعمله براا وخالط اغلب الاجانب وزار كل الدول الاوربيه وعاش حضارات غربيه بمختلف الدول واضطر انه يتعامل معاها عشان عمله يعني ممكن يكون متحضر وكل شي عنده ايزي بس اكو شي اسمه عادات اكو شي قبل كل شي اسمه دين اكو شي اسمه غيرة محارم وفي اشياء كثيره انا كنت اتوقع تكون عادي عنده بس اكتشف انها عنده ماتصح بس مقاييسه وطريقة تعامله مره تعجبني يفك لنا الحبل على الآخر بس القى بالأخير حاجز صد يقول خلاص هنا بديتي تتعدين الحق ولا مره قال بس انا احس يعني عنده ذكاء بالتعامل يقول اذا سمحت قيادة المرأة اوكي سوقي سياره اسمحلك واجيبلك احلى سياره تداومين فيها بس مو قبل ما هالشعب يكون فاهم يقول اخليك تسوقين سياره وسط هالشعب مستحيل : ، اختي وخطيبته مجنونات طب جابوا نسب عالية عشان الطب مو متخيلين نفسهم بغير الطب رفض ماخلاهم يدخلون مع ان بعض العائلات عادي عندهم البنت تدخل طب انت يافيصل زي اخوي ماتسمح ان محارمك يدخلون طب البعض ينظرلك انك منغلق صح !! انا عادي دخلت COMPUTER SCIENCE وعادي عنده اتوظف ببنك لما قلت ماراح اتعب كل هالتعب بالبرمجه وآخرتها اكون مدرسه بتحطمني ( عاد هو حدود تحطيم والايجابيه والطموح عنده شي ثاني ) مع انه منع الطب على اختي وخطيبته !!! انا اقولك الانفتاح مقاييس بنتعب اذا بنتكلم شلون وكيف في شغله بقولها ان الانفتاح يختلف من شخص لثاني بنفس العايله سواق ماعندنا لانه بإختصار ماراح استفيد منه ما احد مخليني اضرب مشوار ساعه الا ربع للجامعه معاه والا انا عاااادي جدا اهم شي راحتي يعني انا منفتحه وهم مغلقين والا وشو ؟!! هذا السؤال اللي محيرني .؟!! ممكن البعض يعتبر هالشغله عندنا تعقيد او اننا منغلقين وفي البعض يعتبر شغلة السواق لما البنت تطع معاه بروحها تقضي حاجاتها انفتاح عادي \ في قبيلتنا بعض قرايبنا بالكويت المنفتحين على حد القول يخلون بناتهم يسوقون مع ان نفس العادات تماما تجمعنا (يعتبر تمرّد على العادات والا شلون ؟!! انا والله لما ادقق تختلط عندي المفاهيم واتعقد فهموني) \ البنت بعد الملكه في بعض العايلات عادي تطلع مع زوجها قبل ليلة الدخلة والبعض عنده تكلمه بس ماتطلع معاه \ في بنت ابوها مانع ان يكون معاها او خواتها جوال هذا انغلاق بعينه وعلمه وتخلف صراحه \ هذي امثله متواضعه جدا حبيت بس ابين فيها جانب بسيط وبسيط جدا من مفهوم الانفتاح عندي يعني بدل ما اتكلم كلام عام ممكن ما يفهم قلت اضرب امثلة واقعيه لمفاهيم الانفتاح يعني انا ما افهم الانفتاح زي مافهموه الاغلبيه هنا ثقافه وادب وعلم ممكن تكون جوانبه كثيره بس اعتقد ان هذا قصدك وانا ما ادري اصبت او لا ؟!! \ : س2 / هل ترى باان الانفتـاح بالفعل اجتاح بيوتنا ؟ ايوه وبعنف فيصل الحياة تغيرت ولازم نجاريها مساحة القيود بدأت تتسع وتصبح مرنه شئ ما لتتسع محيط دائرة الانفتاح هذه المعادله فرضت نفسها رغما عن الجميع مهما انكر البعض نظرا للنقله الكبيره بالحياة العصرية وجريانها بتيار مخيف !! ويجبرك على التغيير يعني اكو شغلات واجد كانت عند البعض مايرضون فيها وصارت الحين ايزي \ أقتباسس3 / ياترى هل كل شاب يغار على اهله يعتبر معقـد ؟ وااو يافيصل جبتها على الجرح يا أخينا احنا يالبنات مو ضد الغيره بس اكو غيره غبيه ناس فاهمين الغيره غلط مو غيره حشا الا انغلاق فكري حاااد آآخ ذكرتني بخناقتي مع ولد اختي على برنامج المشكله ثقافي وديني وممتع مره وخفيف خليهاعلى ربك بس لأسباب غبيه مع انه انسان مثقف وفاهم كله عشان غيرته الزايده عن اللزوم صراحه بس مشيت كلامي و ناظرت البرنامج للآخر ، : بالعكس الغيره حلوه اصلا لو اخوي مو حارص على مصلحتي كان ماغار بالعكس اللي انا استغرب لما اشوف رجال ما يغارون على اهلهم يعني اشوف بالمراكز بنات لابسين عبايات مره تقهر ولثامات زي عدمها واخوهم يمشي معاهم .!! مو برجال صراحه يلعن ابو الانفتاح اللي كذا قال ايه فري عيش حياتك ،.. جد والله استغرب لما اشوف كذا يعني الغيره شي طبيعي واللي مايغار هذا اللي مو طبيعي \ أقتباسس4 / حدود الانفتـاح بالنسبه لك كشاب او كفتاة ماهي تجاه نفسك وتجاه اهلك ؟ اقولك دام الشغله مو حرام ليه مانسويها عادي صراحه اكو عادات وتقاليد تقهر بصراحه الضغط والله يولد الانفجار الشي اللي يقهرن العادات تقول لا طيب يمه واللي يعافيك دامك مقتنعه ان هالشغله صح ومو حرام وانا مقتنعه ليه لا ؟!! الاجابه وبسهوله: العادات صارت كابوس هالعادات الحمدلله لما اشوف غيري احس اني احسن فرق يعني انفتاحي حلو وموزون واعترف ان اكو شغلات كثييييييره ماتتعدى الشرع عندي اعتبرها انفتاح عادي والعايله والعادات يعتبرونها مو عادي يعني كل شي مسموح لي بحدود عقلانيه انا نفسي لو تمنيت اني اتعداها والغي القيود شوي افكر القاني غصب ارضخ للقيود واعترف انها صح مهما كنت مو مقتنعه الانفتاح ياعالم زين وماعمره كان خطأ بس فيه ناس فاهمين هالانفتاح خطأ مفهومي بإختصار ودققوا بالألفاظ وبترتيبها اذا الانفتاح ماخالف تعاليم الشرع يبقى اسمه انفتاح وتختلف مقاييسه حسب العادات لكن في حالة انه انفهم هالانفتاح خطأ وتعدى حدود الشرع يعتبر انفساخ اخلاقي \ : طولت كثير هذي مشكلتي لما اجي اتحمس بموضوع انسى اني اكتب واحس نفسي قاعده اسولف فتروح عن بالي قيود الكم الكبير من الحروف بس اكو مواضيع تجبرني ارد عليها لانه اكون حابه اتناقش فيها مهما جيت متأخر ومهما كان اليوم اربعاء وجمعه ووناسه وماكو وقت للكتابه \ بالأخير كلمة حق لازم اقولها فيصل مواضيعك مميزه بمعنى الكلمه واسلوب طرحك اعتقد تكلمت عنه بمواضيعك القديمه بمافيه الكفايه بإختصار عواافي يارب ودوم هالتميز المفيد والممتع