* * * أزين ما في الردود إن ما فيها محارش بس ذب من تحت كود يشب الموضوع همن يقلب بس قافطهم خخخخخخخخخخخخخخـ كل الشكر للي ردوا <----- بالله مهوب تحطيم . لا بس لو بآخذها رد رد ما خلصت لكن بأنقي الردود الي أبي أعلق عليها و الباقين ان شاء الله اني ما راح أهمل ردودكم . أقتباسمن وين جايب هالمعلومه يالله اعترف أهم شي أنها صحيحة بس تدرين وش المشكلة ان عندكم هذا الذكاء الخارق ولا تستعملونه صح في الغالب ليه مدري . أقتباسلا حرام عليك،، أي غرور تحب تشبعه مدري احس المرأة (طبعا اتكلم عن نفسي يعني كبيت العشا ) ماتحب تشوف الرجل ذليل امامه او انه منكسر لو هي متأذية منه منكسر من عوامل ثانية ممكن ما تحبين تشوفينها لكن اذا كان السبب امرأه تعتبرونه انتصار ولا تتلذذون فيه . أقتباساعتقد هذا له دخل كبير بعادتنا اللي تقول عيب ان المرأة تفصح عن حبها،، بس لما ترثي فغالبا ترثي زوجها او اخوها،، يعني دليلك فيه ضعف واضح وغير متفق عليه انا تكلمت عن الغزل ما تكلمت عن الحب و فيه فرق جيبي لي قصيدة غزلية وحده تتغزل في رجال ما فيه حتى لو كان زوجها ما تتغزل فيه . . . ؟ أقتباسطيب ليه الغيت الوسطيه يا روبن!! خير الامور الوسط ولكل مقام مقال ،، يعني بحالات لابد الرجل يكوون حازم وبحالات لابد يتغاضى ويكون لين،، يعني باختصار شد الحبل من النص يا عم و ليه ما تستخدم المرأة عقلها و ليه الرجال هو اللي لازم يسايس و يقعد يشد في الشعر <--- شعرة معاوية يا بيلسان و على قولة واحد الله يذكره بالخير شعرة هارون ههههههههههههههههههههههههههههههههههه قاتلك الله يا ابو سلطان شعرة هارون اجل . أقتباسروبن هذي موب تناقض لانه فطرة الهيه وشئ طبيعي وشلون نلغي الغرائز والفطرة الي فطرها الله فيكم ما أنكرت انها فطرة إلهية لو قريتي الكلام الي قبل بتعرفين وش التناقض الي اقصده الان الرجل يرى نفسه الاول و المرأه خلفه و مع ذلك هو الي يسعى لخط ودها و رضاها . و المنطقي ان الناس يسعون لخط ود المتميز عنهم مهوب العكس يعني يا الرجال يومك تشوف نفسك الاول وش الي يخليك تذب وجهك على المرأة و هي تجي خلفك المفروض العكس فهمتي قصدي الحين . أقتباستتحمل اهانة اهل الزوج لاجل رضى السيد الرجل بس بالمقابل هو ما يتحمل أي غلط من قبل اهل الزوجه وممكن يقاطهعم ولا يبالي بمشاعر زوجته ولا يجي احد يتفلسف بهالنقطة شئ شايفينه بالواقع،، بيلسان صاحية أي واقع . . . . ؟ الرجل السعودي من يتزوج يصير يشوف أهل زوجته أكثر من أهله بالنسبة لمشاكل المرأة مع اهل الرجال ما ياكلها الا الرجال بيلقاه من مين و الا مين . أقتباسالمرأه كتومه وما ادري هالشي ايجابي او سلبي بس تحب ان الرجل يرضي دلالها وثقتها يعني تحب اهو يكتشف ويعرف ان اكو شي مزعلها امتع من انه تجي وتقول هالشغله مضايقتني و هذا هو البلا و الجلا و الله طيب ليش كتومه يعني انتي تقولين لازم يصير الرجل أكثر مرونه في تعامله مع المرأة و في نفس الوقت المرأة تحتري الرجال يكتشف وش فيها طيب ليه ما تكون مرنه و تخلص على طول و تقول فيني وفيني . أقتباسروبن ابي توضيح لهالكلام ممكن هماك تقول خلونا نفهم بعض يلا تحمست أنا أعلمك الرجل ما تهمه الكلمة أبد مثل المرأة ولو تجلس المرأة ما قالت له كلمة رومنسية عشر سنين ما تفرق عنده بقدر ما يفرق الفعل الرجل يقدر تعبير المرأة عن حبها في الفعل ولو بأبسط الأفعال . أقتباسالمرأة وأنا اعترف كثيرة الزعل وأحيانا تزعل على اشياء تافهه لكن مع ذلك رضاها شئ بسيط وما يتطلب من الرجل اي شئ الكلمة الوحدة الصادقة من الرجل تكفي المرأة لنسيان كل شئ .. محاسبة ركزي لي على اللي بالأحمر تكفين . شوفي كل منا يصدر منه تصرفات تزعل كذا هي الحياة ما نختلف بس زعل على أشياء تافهة هنا برررريك جامد من قبل الرجل لانه يعتبر الزعل التافه نكـد . أقتباسأحيانا تعتمد على التغلي كثير و لكن فيه بعض الرجال يعتبرون هالشئ خاطئ وغلط وتفاهه .. ولكن لو هم يعيشون الموقف زي ماهي تبغاه راح يلقون ان هالشئ يسعد أكثر من اول .. يعني حلو انوه يكون بينهم اختلافات بسيطةعلى قولتهم الزعل ( ملح الحياة ) والأحلى لما يقدم الرجل على الاعتذار منها مو بمعنى انه يحب رجليها ولكن زي ما قلت كلمة وحدة كفيلة انها تنهي الموضوع .. ولكن اذا لقت المراة من الرجل جفاف أو انه يمسك راسه ويعاد فهي بتكون اعند واعند وراح تقلب السالفة الى زعلة كبيرة ما يرضيها حينها شئ .. فاختصر الموضوع يالرجل وريح عمرك من البداية وخذها على قد عقلها و التغلي أكبر خطأ تسويه المرأة مهما كان يعني لها لاني سبق و قلت بالنسبة للرجل هو نكـد و قد ينهيها بكلمة يمكن ما تكون في الحسبان و التغلي عند الرجل حطي عليه اكس و ريحي عمرك لانك ما راح تحصلين الا العبارة المشهوره و الي تكتب بماء الذهب وهي ( بالطقااااق ) . أقتباساسمح لي هذي مي من صفات الرجل .. هذي من شواذ الرجل .. وهالنوع الله لايبلانا مالهم أمان حتى لو اعتذر مية مرة .. انا ما اتكلم عن الخيانة الي جت في بالك انا اتكلم عن خيانة حلال شرعا بمعنى الزواج بثانية يعتبر خيانة للأولى فهمتي الحين . و هي بريال عند أغلب الرجال لو توفرت له الظروف و جته الفرصه سواها مهوب مقصر . <----- رقاله مالهومش أمان أقتباسمدري ما احس ان الرجل بهالشكل .. بالعكس الرجل اكثر تحكم في نفسه ولمده اطول من المرأة .. يعني المرأة تحب وتطف وتطير بالعجة من اول يوم بحياتها .. لكن الرجل أكثر منطقية وتحكم في عواطفه وما يفرط بمكانه بهالسهولة .. الرجل حكييييييم وقادر على الجلوس في القمة و التحكم في كل شئ بكل بساطة .. المرأة أحرص من الرجل يا محاسبة أما بالنسبة للحكمة فهي صفة مكتسبة سواء للرجل أو المرأة و في أحد الدراسات الي قرأتها سوو مقارنة بين الرجل و المرأة في المناصب الإدارية وشافوا الفعالية و تطور الاقسام الي يديرونها و الانتاجية وجدوا ان المرأة تتفوق على الرجل . . . لي عوده