هلا بندر موضوع حلو وبوقته art الله يسلمك من اول مباراة بالدوري وانا قايله ان ماعندهم سالفه.. التصوير:: والله انك صادق التصوير زفت الى ابعد الحدود خاصة مباراة الهلال والاتحاد .. ما ادري وين الوعود اللي كانت بعد توقيع العقد مع الاتحاد السعودي والله مصخره!! التعليق:: بالنسبه للمعلقين ما اقول سيئين لان فيهم كم واحد ماتمل وانت تسمعهم انا عن نفسي استمتع بتعليق الشوالي والدكتور نبيل بعد يوسع الصدر.. اما الحربي اول كان احسن الحين احسه تغير اما اننا مليناه او انه يحاول يقلد!! الطاقم التحليلي :: انا استبشرت خير يوم شفت مره الحمادي ومره الشنيف صراحه رهيبين ومن يوم شفت ماجد وانا غاسلتن ايدي بصراحه هالماجد تحليله غريب لاحظوه يعيد نفس كلام المذيع مثلا يقول المذيع:: لاحظنا النصر اليوم في مستوى افضل وش رايك ياكابتن ماجد يقول نعم النصر اليوم تحسن مستواه وكان افضل من المباراة السابقه!! (احلف وش الجديد يعني)؟؟ المحلل التحكيمي:: من كثرهم هو فوده ومستانسين عليه كل ماجت لقطه قالوا نخليها لفوده انا اقولكم فوده يمشي على المثل اللي يقول (خالف تعرف) يعني اقربها هدف الشلهوب !!! المشكله انهم يقولون هلالي المراسلين الميدانين:: لا عاد حرام عليك اهم شي اللقاءات بعد المباراة ، تحسمراسلينهم عنده مرونه شوي مو مثل مراسلين السعوديه لو جته الكاميرا وهو مايدري اختبص وما يدري وش يقول!! يمكن ذاك الجديد مدري وش اسمه الظاهر فيصل الملوقي هو اللي تحسه يبيله شوي اما العضيبي وباحكيم شي ثاني ماودي يسكتون اما الدخول العفوي حقت الدوخي خطيره عوااااااااافي بندر