*
*
*
العنود : بالله مو حرام ؟
فواز : طيب وش ذنبنا!!
العنود : ذنبكم إنكم هلاليين
فواز : هذي كلمتكم .. لاتنسين يالعنود إن التحكيم أجنبي , يعني قولت شارين الحكم صارت مكشوفه ,,
العنود : يعني معقوله الحكم ماشاف تفاريس يوم يتز سعد بكوعه ؟
فواز : شوفي أنا معك أن تفاريس جفس شوي ؛ بس بذيك اللقطه ماجاه .. أصلاً حتى فوده والزيد يقولون " لايوجد ضربة جزاء وسعد يستحق بطاقه صفراء للتحايل على الحكم "
أنتم ليش علثتكم التحكيم ؟؟
العنود : ياناس نبي حقنا مانبي شي زود.. بس عطونا حقنا
فواز : والهلال آكل حقكم؟؟ ,, وحنا بنبتل على هالسالفه خلاص الكاس أخذه الهلال وهو يستحقه من بداية الموسم وهو يكرف ولا صار فيه معسكرللمنتخب قشو كل لاعبين الهلال وهو بنص الدورري وعنده لقائات مهمه , ولاتنسين بعد أن الهلال أول واحد يشكي من التحكيم وقرارات الاتحاد السعودي.. أقول العنود وش رايك نغير السالفه .. أنا ماصدقت إني أكلمك ؟
العنود : يحقلك يافواز .. اللي رجله بالنار مو مثل اللي رجله بالماء !!!
فواز : وبعد مهب حق رئيسكم حاط رجل على رجل ويترزز قدام الكاميرات وماله هم إلا يغير ديكور قاعة الاجتماعات , وحَنا يابعد عمري ياأبو سلطان مشقي نفسه .. وبالآخر تقولون نبي بطوله ؟؟
العنود : الله يخلي أبوه والوليد وأعضاء الشرف ,,
فواز : لاخلا ولاعدم .؛ وأنتي وراك مقهوره إن الهلال له أعضاء شرف مثلهم ؟؟
العنود : ماأنقهرت بس قهر!!
فواز : أييييه الله يخلي الهلال اللي خلاني أسمع صوتك ؛؛ خلينا من الرياضه "" أخبار .. علوم "" ؟!
العنود : أبد والله دقيت أعزمك..بس لازم تجي
فواز : وهي معقوله العنود تعزمني ولاأجي ! بس وش المناسبه ... ولا أشتقتي لنا ؟؟
العنود : تشتاق لك العافيه , بس ماقالت لك خالتي ؟؟
فواز : على وشو ؟
العنود : ملكتي على ولد عمي الخميس الجاي ؛ لازم تحضرون كلكم يالعيال .. أبيكم تفرحون معي !!!
فواز : مـ...لـ...كــــتـ...ك !!!
العنود : إيه بنملك والزواج بأجازة الصيف إن شاء الله
فواز : بــــرب
العنود : تـــــيت
*
*
<<<فاصل درامي
مشاركه وجدانيه < هي قالت عطون أفكار ماقالت كملو عنَي
ريمو.... إذ بتكملين القصه لاتخلينه تقليديه مثل كل أبو القصص .. ملينا قصص يحبه وتحبه ويتزوجون وبعدين يموت فواز بحادث وهو رايح للمستشفى يشوف أول مولود له بعد عشر سنوات إنتضار... ولا يجيه سرطان ويصير مسحور
<< ماخلت قصه بالنت مامرت عليه
أبي لو مره أقرا قصه تنتهي بنهايه غير مأساويه .. مدري ليه نحب الحزن ؟؟
ريموو .. حاولي من هون ولا هونيك وكملي القصه ..
صديقتي تقول لك "" زوجَي العنود لمشعل بعد ماتموت زوجته ويغصبون العنود علشان تربي عياله وفواز ياخذ مشاعل""
,,, ريموو... بدعَتي ... تسلمين ,,,
×× تراي كنت بكمل القصه عنك وبخليهم يستمرون بالعلاقه لين ماينزل النصر للدرجه الثانيه ويتخانقون ويزعلون .. بس قلت ماودي أفاول عليهم .. يكسرون الخاطر بلاي ××
CU