موضوعك حلو رائع لكن انا بعلق على بعض النقاط فيه اول شي ابارك لأخوي يزيد والله يوفقه وللمزيد من التقدم الشي الثاني لما قلت عارفين ليش اضحك .. عشان بعض الناس اذا شافو بنات برا يسوقون يرتفع الضغط عندهم ويقولون نبي حقوق للمرأه .. وكأن حقوق المرأه كلها انها تسوق سياره .. على طاري السياره ترا اذا سمحو للحريم يسوقون بفتح مجمع ورش لتصليح السيارات .. مهوب عشان اتميلح بالعكس كثر الحوادث اللي بتصير .. ماشالله علينا حريمنا كل مالهم يكثرون .. من قال ان حنا يرتفع ضغطنا بالعكس عادي وسواء سقنا او لا المسأله بمنتهى البساطه لأن اذا ما سقنا عندنا سواقين كثير سواءأ سواق او اخوان وعلى طاري الورش الله اعلم الورش ممتلي بسياراة الشباب اللي كل يوم والثاني حادث بس من جد اذا صارت حقوق المرأه هي انها تسوق سياره معناها بنبقى في نفس الدائره الانثى مهما كبرت بيبقى عمرها صغير وعلى طاري المرأه بعد فيه حكمه تقول : اذا اردت ان تشيع سرّ فضعه في صدر أمرأه << يدور حرش ولا مالها دخل بالموضوع اصلا من قالك ان الحريم مايحبون يقولون عمرهم انا وحده عادي اقول عمري فيها شي بالعكس الصدق احلى شي اما عن الزواج الزواج تتدرون وش المشكله بالزواج .. ان اختياره مثل اختيار السياره يقولون عند الشعب فيه شيئين يحيرك الزواج واذا اشتريت سياره .. يعني السياره تخرب وتجي الخساير والزوجه نفس الكلام وانت داخل ولا انت طالع تجيك الخساير .. يقولون مافيه زوجه تنبسط اذا شافت ان زوجها معه فلوس والسبب انها خايفه يعرس عليها .. وعادي عندها لو يفلس ويطر بالمساجد ماعندها مشكله وتقعد تصرف هألامر انه حب وهو قلة عقل لان الحرمه اذا تبي تقبض زوجها تقدر بس صغر عقلها يوسوس فيها .. وعلى طاري الزواج نبارك لحبيبنا ابو نايف مراقبنا العام السابق على زواجه اللي جاء في وقت غلط مثله كالعاده كل شي فيه غلط .. تخيلو انه مأجل زواجه 4 مرات والسبب انه كل ماجاء يبي تزوج تصير عندهم مشكله ويتأجل الزواج الى درجه ان واحد من العيال قاله مهوب زواج ذا صايره مباراه وديه .. واحب ابشركم ان ابو نايف هاليومين مربوط مايطلع الا اذا نامت زوجته مسكين حابسته حبس تفكر انه بيتزوج عليها ونست انه دافع اللي وراه واللي قدامه عشان يتزوجها <<< هذا هو الحب " والله الفلس " من قال ان الحريم مايحبون يكون عند زوجهم فلوس بالعكس اذا ماصار عنده راح يضيق صدرها على الطالعه والنازله اما عن ابو نايف وسالفته مع زوجته ليه ماتقول انه مايقدر يطلع عنها وليه ماتقول انه يبي يقابلها بس ويناظر فيها اما عن الشغالات الشغالات والبيوت .. ودي اشوف بيت من دون شغاله في هاذي معك حق اما عن الحجاب الحجاب هاليومين بدت تتطلع فيه فتاوي على كيف ام ام الناس << خربها كل شوي نلقى لوحه بالمسجد عن الحجاب وعن ضرورة الحجاب لكن لاحياة لمن تنادي الحين صار الشعر للبنت موضه ولازم تتطلع شعرها قدام خلق الله عشان اي واحد يشوف تسريحتها .. لدرجه اني مره كنت بالراشد وكان فيه بنتين كل وحده تلعب بشعرها وشافتهم الهيئه وقالت تسترو .. ردت وحده قالت خير ان شالله مو على كيفك .. رد عليها الشيخ وقالها حرام .. قالت هات فتوه لاتقعد تألف من راسك انا معك انه صار اصلا للزينه هاليومين وكل وحده تتفنن بشكل العباءه والحجاب لكن الحمد لله الله حامين من هالعبايات وهالسوالف والله يثبتني يارب اخيرا اتمنى اني ماغلطت عليك وتتقبل الرد بكل راحابة صدر معلومه صغيره: ترى بنات السعوديه ثالث اجمل نساء بالعالم