.
.
.
جدولـي بالعيــد كل سنه مايتغير
ليلة العــيد نروح الصالون نضبط عمرنا نرجع على الثنتين ونحط راسنا وننام
وفي الحقيقه اننا ماننام من يوم عرفت العيد وانا بليلته ما انام
مدري ليش يمكن من الفرحه
المهم لين صلاة العيد اقوم العايله الكريمه
وعقب صلاة العيد كل واحد يروح لاغراضه مجهزهم من أمــس وحاطهم بزاويـه
نلبس نخلص انا اروح عند الصغار البسهم واقعدهم عند التلفزيون
واروح اشوف شغلي بغرفة امــي اي شي تسويه اسويه
لا جات الساعه تسع طلعنا من البيت
وكل واحد يقول للثانــي لاتحوشني يخاف الكشخه تخرب
نروح لبيت جدتي وهناك يكونون عماني وعيالهم وحريمهم وعماتي وعيالهم مجتمعيــن
نقرق لين تخلص طاقتنا نتغدا ونتوكــل على الله
ونروح لبيت جدتي لامي أشوف خالاتي وعيالهم ويناتهم ونسلم نقرق لين العصر
ونتجمع وننام جماعــي نصحى على المغرب وكــل واحد يلبس بجامته العيد
ونقعد على التيفي لين كــل واحد يتوكــل على بيته
وهذا هو الجدول
سوري علىالاطــاله
.
.
.