لاردك الله لا ولا اطلب ترديـن ......ادعـي عليـك بعثـرة فـي صلاتـي
عثره تشلـك مـا بعدهـا تقوميـن ......يـا قاتلتنـي يـوم صرتـي حياتـي
خدان لك بالقلـب كانـت بساتيـن ......وريضـان وغصونـا بهـا يانعاتـي
كنتي منـاة القلـب والـروح والعيـن ....واليـوم عينـك يعلهـا مـا تباتـي
كنت أحسبك للعهد والحب توفيـن ..قلتـي الغـدر بالحـب ماهـي بسواتـي
وحلفتـي يميـن الله مـا منـك اثنتين.......وانـك مـلاك دون كـل البناتـي
وانك على عهد المـودة تسيريـن ....ولا تسمعيـن أهـل الحسـد والوشاتـي
وصار اليمين ستار خلفه تواريـن .......ورمـاح غـدرك بالخفـا مشرعاتـي
وبان الغدر سـم جـرى بالشراييـن ......الله عسـى يسقيـك سـم الفعاتـي
كلي سقيتـك حـب واليـوم تنسين........تقوليـن حلـم ايـام واليـوم فاتـي
خذتي الهوى لعبه على مـا تحبيـن ......ليـن عصفـت بالهـوى عاصفاتـي