BBPكل يوم من يومياتي في صلاة التراويحBBP حياكــــــــــــــــــــــــــم CC : : تتوقف السيارة في المواقف السفلية للحرم النبوي الشريف ننزل من السيارة أنا والوالدة و ما أن تلمس قدميها الأرض تحط رجلها أدور وينها ماتشوووف الا غبارها >>> ليه وين أحنا ؟ طعوس الثمامة وأركض وراءها ألحقها لا تضيع مني في الزحمة >>> الله لا يوريكم تقل واحد متاخر على دوامه يوم اوصلها أرتاح شوي الا هي مكرره المأساة ورايحة عني >>> ماتقل معها أحد وأعاود الركض أقصد العدو >>> كني في سباق مائتين متر >>> ولا هشام الكروج ويوم تصل لأخر الحرم توها تلقى مكان يروقها >>>> وتجلس ولا كأنه أحد معها يبي له مكان أناظرها ببراءة وين أجلس ؟؟؟ تقول : لقاموا الناس للصلاة يصير فية مكان أنا : >>> ياناس ماأذن !!! وين أجلس لين تقام الصلاة؟؟؟؟ بس الحمد الله رأفت بحالي وقامت كلمت وحدة من أخوانا العرب قدامنا مددة رجليها >>> وين قاعده ماشاء الله جنبها فراغ صغير قالت لها: هذا مكان أحد ردت الاخت العربية بإبتسامة : لا وبعدت لي وجلست تنفست الصعداء بعد الركض الطويل وحل مسألة إيجاد مكان >>> لية حصة رياضيات وفعلا يوم قامو الناس يصلون صار المكان أوسع >>> مايحتاج قالت لك بتلقين مكان والحمد لله صلينا التراويح كاملة ويوم سلم الإمام والوالدة ماشاء الله عليها تنطلق >>> كنها سامعة مدفع الإفطار وأقوم ووراها >>> يبدا السباق وأقوم أثأثم في خلق الله >>> أصك هذي بيدي وحوادث تصادم على طول الطريق لبوابة الحرم ولاأعتذار ولاشي >>> مايمدي والله اعتذر كل شوي تختفي عن أنظاري في الزحمة وأزيد سرعتي >>> مرره الحماس أباخذ المركز الأول ويوم نصل الباب تبدا المعاناة الأخرى مع الكوتش أبو رباطات (أكرمكم الله ) >>> رايقة لابسه بربطات >> وأجلس على جنب واربط وأنا على أعصابي وأطل ولاهي جنبي واقفة غريبة ماأنطلقت !! وش السالفة تنتظرني معقولة ؟؟ ومن أخلص أقوم وأكلمها تقولي : وينك شفتك أول وبعدين مدري وين رحتي قلت لها : هنا جنبك وضحكت بيني وبين نفسي قلت : الحمد لله صار المقلب ذا فيها والا ماأدري كيف أبلقاها ومشينا وتقدمت علي كالعادة >> خففت السرعة الحمد لله وتمشي وألحقها وقد ماأزيد سرعتي كمان ماأوصلها حتى في الدرج المتحرك متقدمه علي >>> وترانا واقفين بالدرج مانمشي ويوم وصلنا الموقف الي فية السيارة وأنا أرتاح نفسيا يوم شفت السيارة أركب السيارة وأنا ألهث في صمت وهي تسولف ماكنه صار شيء >>> ليه هو صار شيء؟؟؟؟ ترانا كل يوم على ذا الحال >>>> ماعليك مابقي شيء : : أتمنى الموضوع يعجبكم : : لكم تحياااااتي : زرقاء اليمامة