سلام عليكم يا قدعااااان ويا قدعانااات .. هالموضوع راح احكي لكم كل مره ثلاث قصص عن مواقف طريفه مرت عليp10 -1- هالسالفه صايره بحارتنا قبل كم سنه مات حمام عند خويي وتورط يه ويبي يبيعه على واحد سبيكه وسبحان الله جاه اللي تمناه جاه واحد ما يدري وش الحمام ويبي يربي حمام فقاله خذ هالحمامتين قاله ليه نايمه ذي ؟؟ رد عليه بكل وثوق وانا ابي اشوف رده فعله قاله : هذا حمام رقادي -2- مرة سافرت مع ثلاث من اخوياي للشرقيه بعيد الفطر ثاني يوم على ما أظن المهم ما حصلنا مكان نرقد فيه حتى الكورنيش مليان عوايل ذاك اليوم الشرقيه مليااانه من إلى المهم واصلنا يوم كامل بالموتر رايحين وجايين واليوم الثاني بالظهر وقفنا بإشاره وعم الهدوء داخل ارجائها إلا واسمع قااق وأصوات الدوريه تحرك يا راعي الكامري أقوم احصل السواق راقد وحنا بالأشاره خخخ..لكن العسكري مقدر الوضع فدبر لنا شقه ذاك اليوم بعيده شوي لكن فكت أزمة -3- هذي برابع ابتدائي على ما أظن أنا اول اتخوف التحدث امام زملائي فرائد الفصل غصبني على الإذاعه والمشكلة انه خبر الوالد عنها وحطوني اقرا قرآن (يعني فيها حتسي وترتيل) يالله ذا النشبة وش اسوي يا انا وش اسوي ؟؟ مالها إلا اتميرض وأبوي عارف أني ابي ازبن المهم ذاك اليوم قالي خلاص بلا مدجرسه بلا هم قالي تعال للمكتب معه عشان العب كمبيوتر أول الكمبيوتر الشخصي أكبر حلم وأنا اللي افق مع ابوي واقوله اوكي وقالي جب معك الشنطه عشان تحل واجباتك أنا من فقتي الأولى ما عرفت اتكلم بس اسمع كلامه المهم وصلني على المدرسه دايركت لا ومن زود السبك اللي براسي نزلت ولا سويت فيها زحمة يعني متقبل بالوضع لان براسي العب بالكمبيوتر اللي بدوام الوالد الله يحفظه .. وجتك الإذاعه ومعطيني سورة الكافرون ياعيال وش اسوي لازم اقراها بترتيل لا وغيب لا وقدام هالعالم اللي ماهيب رايقه لخشتي وصوتي العذب .. وخذ لك خربطه بالسوره وخذ لك تطمير بالآيات أتذكر انا انها ست آيات أنا مخليها 4 أو 3 آيات على ما أظن وخذ لك ضحك عند العالم ووجهي ذاك اليوم لا يوصف سلام