الاثنين 10 / 9 / 1427 هـ
مساكم الله بالخير ..
ضيفتنا لهذا اليوم العضوة الرائعة والقناصة الفنية :
(( شرانيه ))
قناصة فنية
نترككم مع هذا الحوار الرائع
1 / في ثلاثة أسطر .. من أنتِ ..؟؟
( حتى أنـا تراني أحترت فينـي )
^ من أول ماسمعـت هالمقطع من صوت أبو نورهـ حسيته يحكي عني <- أوكي لا يكثر !
لأني حتى انا ما أعرف نفسـي زين بسبب أني أنسانـه مزاجيـه لأبعد درجـه !!
ياكثر ما أكره نفسـي : $ فيه بيني وبيـن نفسي هوشه عجزت أصلحها خخ
دائمـاً مزكمـه 
, وحنتـي كثيرهـ !
حوسـه حوسـه خاصه بالسفر, محد متحملني من هالناحيه إلا بنات خوالي أوجه لهم أحلى تحيه 
<- براا خخ
2 / ماذا يعني لك شهر رمضان ...؟؟
غير أنـه شهر عبادهـ , وفيه تتقرب لربـك أكثر
أجوائـه غييير , أحس لـه ريحـه زي كذا << تتشمم
أشوف أهلـي كثييير , وناكل سوى كثير لأن بالعاده احنا عائله كل من جاع كل لحاله
ولا ننهبل مانتحمل الجوع سملللى علينـا : $
بس رمضان هالسنـه غير موب زيـن , كل شي تغير فيه حتى المكان : (
3 / ما هو جدولك اليومي في هذا الشهر الفضيل ..؟؟
كل يوم شكل , أرجع على الساعه 2 ونص
مرات أنام ومرات أتابع الأمبراطورهـ العصر مع أختي ولو أني أعاندها
وأغير من كثر ماتحوم تسبدي أو أدخل النت , على الساعه 5 أقرى قرآن
أنزل وهم يصفون الفطور وأحياناً أسوي الفيمتو مع أني مااااا اطيقه
ومن بعد الفطور أصلي وأرجع الصاله مع أهلي ع التلفزيون دوغري
صلاه التراويح ما أصليها كثير : (
من بعدها أحوس يا على التلفزيون أو على النت , مالي جدول معيـن
مرات أنام الساعه 2 الفجر , مرات أنام 10 : $
4 / هل هناك اختلاف في جدولك في رمضان وغيره ..؟؟
تقريباً , لأنـي أصير منحاسه أكثر من الأيام العاديه
أحس كذا فيه ربشه وكلّـن يتحرك ويخترش 
5 / موقف أو حدث صار لك في رمضان وما تنسينه ..؟؟
ايه صح 
<< مافهمت زين خخخـ
لا مو عن مافهمت بس ماعرفت أفرق بين هالسؤال والسؤال الي بعده
قسم منيب أصرف خخ : $
6 / موقف صار لك وانت صغيرة مع الصوم ..؟؟
اممم , أتذكر وأنـا صغيره وكان بآآآخر رمضان ومعطله
قالي أبوي أمشي نروح سوق الحمام نشتري صواريخ للعيد
عاد انا بزيت ورحت طبعن وكان جمعه وبرد وزحمااااااه
إلي أتذكره زين أني تهاوشت مع أبوي عند براده الببسي وقلت له بتشتري لي
ولا أفصل الآله عن الكهرب وأتكهرب وأتشوهـ وشرى لـي 
يازيـن شعور الأنتصار 
الموقف الثاني إلي أتذكره أنـي كنت أقضي طول يومي وأنا صايمه فوق سطح المخزن خخخ
هو زي غرفه صغيره جمب الفله وعند باب المطبخ أتسلق وأرقى فوق
وأبن أمه ينزلنـي قبل الآذان
<<-- مسيطره بطريقه شينـه
7 / ما هو اجمل وقت لديك في رمضان لقراءة القرآن ..؟؟
أكثر شي أقرأ في العصر
بس أحب أقرأ من بعد صلاه الفجر , وبعدها أستغفر وأذكر ربي
لما وقت الأشراق ( مكتوب بالتقاويم متى هالوقت )
أجرها كبيييير عند ربـي , كأنك حجيـت أو أعتمرت
* حبيت أقول هالشسمه لعل وعسـى أفيد أي أحد ولو مره وحده BBP
8 / ما هو اجمل وقت لديك في رمضان لتصفح المنتدى ..؟؟
مافيـه وقت , متى ماحسيت أني ودي أدخل دخلـت
مع أني مااااااره صايره أدخل قليل
9 / برنامج أو مسلسل تتابعينه في رمضان ..؟؟
أبضايات باااااب الحارهـ
وطاش , بـس !!
انا مستغربه من نفسـي , أحسنـي جالسه أكبر وأعقل سمللى علي
أول أتابع 84903 مسلسل , الحيـن مره أقل : $
10 / وجبة تحرصين على تواجدها في السحور ..؟؟
آكل كلـش إلا اللحـم
ماتفرق معـي كثير , بس أكثر شي أتسحر " شبس " <<-- ميب تلعب الكشخه : $
لأني أصير شبعانه ولاااازم آكل عشان ما يأنبني ضميري بكره
11 / وجبة تحرصين على تواجدها في الفطور ..؟؟
سمبوسـه مع مشتقاتها ( شطـه + ليمون )
12 / من يشدك صوته من المقرئين ..؟؟
القرآن أحب أقرااااه أكثر من أني أسمعه , طالعه على أمي < جايين يخطبونك على هالتفاصيل !
وأن سمعـت ماعندي شخص محدد , ولو أن الدوسري أكثر شي نسمعه في بيتنـا
13 / وش أكثر شيء تحرصين عليه في ليالي رمضان .. وبالذات العشر الأخيرة ..؟؟
صلاه القياااام
أحس برهبـه بآخر أيام رمضـان , بس المشكله أني صار لي سنتيـن أسافر بآخر رمضان
وبالسفر مايمدينـي أصلي القيام 
, كله من شله الآبالسه بنات خوالي خخخ
14 / 3 عضوات تقدمين لهم الدعوة للفطور ...؟؟
أنتا بتحرقنـي كده !! 3 بس !
1 / شمعدانـه .. 2 / عموشه .. 3 / نو واي
4 / المزن الهلالي << هذي بالذات لازم تجي لأني بسألها ليه الهلالي مو الهلاليه !!
كنت أحسبها مذكر أول ماسجلـت : $
15 / 3 عضوات تقدمين لهم الدعوة للسحور ..؟؟
منيب عازمه أحد خخخ
اممم وش كثرهن على غير نفع
سـن .. بلوو .. حايرهـ .. عنود الغيد .. whale
تراكم راعيـن بيت وتمونون جيبوا سحوركم وتعالوا منب مكفولين فيكم نجيب لكم أكل !!
<-- من النوع إلي يمـن BBP
16 / هل يوجد هناك أمور تمارسينها في غير رمضان .. ولا تمارسينها في رمضان .. ومثل ماذا ..؟؟
مثل الأغلبيـه , الأغانـي
والحمدلله أصلن بالفتره الأخيره بديـت أخف عن قبل , وطحت باللأفلام بدل الأغاني !!
17 / لماذا لا نأكل السمبوسة الا في رمضان ..؟؟
من يقوله ؟
لا أحنـا دايم ناكلها برمضان وغيرهـ
18 / ولماذا 90 % من انتاج المسلسلات العربية لا يتم الا في رمضان ..؟؟
عاتشـي متى سوو العرب شـي زيـن !!
ياحبني لهم بس المغرب العربـي مالهم مسلسلات ولااااشي مثل الخليجين التافهين !!
<<-- تحس بالأنتماء للجزائر
19 / ولماذا الشيخ السديس والشيخ الشريم محتكرين امامة الحرم في رمضان منذ سنوات ..؟؟
هاهـ !!
هـم ذوليك أدرى
والله مدري , بس يمكن لأن الناس تعودو عليهم والكل يحبهم ومتفق بأحقيتهم !
20 / ياسر القحطاني ضيف بيتكم اليوم .. وش راح تقدمين له فطور ..؟؟
ايه تبون أخوي يدري ثمن يكوفنـي ويذبحني ويعشي ياسر بلحمـي !!
خل آخذ الأذن من أخوي ثمـن الفطور فيه حلال
21 / وعزمتوه على السحور ووافق .. وش راح تقدمين له سحور ..؟؟
خخخخ نفس الشـي , بس هالمره ناخذ الأذن من أمي
لأنها أحياناً تمسك معها وتسحرنـا لبـن وخبز بس , يعني مسأله الأكل مو بيدي
بس عندنـا كيرم أن كانه جا وودهـ يلعـب معنـا ليـن يأذن خخ
22 / ثلاث لاعبين تتمنين انهم ضيوفك .. من راح تختارين ..؟؟
المنتشري و قروسو بس BBP
<< ليه تعرفين غيرهم أصلن !!
23 / هل سيكون للعمرة نصيب في جدولك في هذا الشهر ..؟؟
لاااا ما أتوقع أقدر أروح أبد !!
ودي أروح برمضان أحس ريحه رمضان في مكه أحلى من ريحته في الرياض
24 / ما رأيكِ في الدراسة والدوام في رمضان ..؟؟
واللهي عاااادي عندي ماااره !!
بالعكس أحياناً أحسـن لأني مثل بليس أصحى بدري وأجلس لحالي
هالمره مافيه سطح أرقاااهـ يعني أدرس أحسـن لـي
بس هم لو يخلونها نـص رمضان يعنـي هه لما 15 بالكثر مو كل رمضان
25 / وهل انتِ مع ان الدوام يكون طبيعي في رمضان يعني من الساعات المبكرة ..؟؟
يعني الساعه 7 ؟؟ لأ
حلو هالنظام الساعه 9
26 / دعاء تحرصين على ذكره يوميا قبل الفطور ..؟؟
اللهم أنـي لك صمـت وعلى رزقك أفطرت فتقبل منـي
أنك أنت السميـع العليـم
27 / لماذا اغلب الناس لا يشترون أغراض رمضان الا في آخر يوم من شعبان
ولا يشترون اغراض العيد الا في آخر يوم في رمضان ..؟؟
العيد أنا متبريه منه من سنتين ما أشتري ولا أتعيد بالرياض
بس المقاضـي تخبر لازم تجـي خرشـه عشان نحس أن رمضان جا
وبعدين اللقيمات والشسمه الأكلات الخاصه مايشترونها إلا لرمضان عشان كذا
يروحون قبله بكم يوم , ولأنه بعد يشترون بالجمله وطبعاً ارخص < حضرميـه
28 / اسئلي سؤال وأجيبي عليه ..؟؟
كم حبّـه خال بوجهس ؟
6
<-- برشومـه خخخ
29 / اسئلي سؤال للاعضاء ..؟؟
وش رايكم في بسام كوسـا في باب الحارهـ ؟
ماتشوفون أنه أحسن ممثل عربـي حالياً !!
طيب وش رايكم في معتز ولد أبو عصام ؟ ماتحسون أنه أبضاااي
وشنبـه يحكـي ؟ : $
30 / خذي نفس عميق .. وأكتبي كلمة أخيرة ..؟؟
وراهـ قضينـا ؟ جازت لي السالفه خخ
قبل كم يوم العالم يهنون بعض برمضـان وبعد كم يوم بيهنون أن شاالله بالعيد
وبعد كم شهر بنرجع نهني بعض بعيد الأضحى أن الله أحيانا وعقب سنه بنبارك برمـ ... إلخ
الزبده , 3 يوم من عيد الفطر تاريخ مهم في الحياهـ
لأنه تاريخ خروجـي لهذه الحياه السخيفه قبح الله وجيه أعدائـي
الزبده مره أخرى , حاولت أتميلح وأقول أني بكبر بعد كم يوم بطريقه مو واضحه بس ماعرفت
كل عام وأنتم بخير
وعسى الله يعيد علينـا رمضـان , ويتقبل صيامنـا ويسهل أمورنـا
هلالي وأن جار الزمـن أنتا أنسان مكافح من جد
شكرن لك
مدري ليـه ألهث كني أرقى درج ثلاثين مره
ضيفنا ليوم الغد هو :
(( السامي كسمو الهلال!! ))
أديب و قلم هلالي مميز
وذلك في لقاء جميل للغاية ... مقتطفات من اجاباته :
* ( من عيوبي ) الخوف من هذه الاسئلة الحساسة ..!!
* أكثر فئه ارحمهم ( النساء )
* ليش عيونك كذا وشكلك رايح فيها ..؟؟
* لكن شيء في راسي .. بسويه يعني بسويه ..!!
انتظرونا
الامضاء : عين ضاء