الحـــــــــــــــــــــــــلقه الخامسه \ . بالبدايه راح أكـــــــون أنا المسؤوله عن ســــــــــــــرد الاحداث وحلمنا وردي راح تنزل لكم صور.. . نزل الامبرطوار فيصل من الدرج ومعاه أخوه طلال(مشاري البلام) وأتجهو الى الصاله اللي كان موجود فيها ضرار وهند طبعاً الاثنيين الاخيرين كانوا يتوقعون أنو بتصير بينهم هوشه خاصه بعد الكلام اللي قاله طلال عن فيصل بس صار العكس ونزلوا فيصل وطلال وهم يسولفون ويضحكون وطلال يقوله أبغاك تقولي كل شيء صار لك بالتفصيل وفيصل يضحك أما هند طقتها البوهه هي وضرار سألها فيصل منتم بمغدينا قالت:هاه لاأي غداء هالحين وقت عشاء قال:إيه صح وش رايكم أعزمكم ونطلع نتعشا برا ضرار وطلال وافقوا أما الهام حقدت على طلال قالت لا لاتحسبون حسابي معاكم وطلعت الدرج أشر فيصل على طلال انو يلحقها ويراضيها وفعلا راحلها الدرج وقام يراضيها أنا بفتح معك صفحه جديده ومن هالخرابيط وقالت بشرط ماتعيد الكلام اللي قلته تدخل فيصل وقال هذي بكفالتي ضحكت الهام وقالت دام انها كفالتك طاح الحطب.. . زينه (شيماء علي) يتمشون هي وصديقتها (رحاب) بالجامعه ويسولفون وتطلع لهم سالفه الامبرطور وتقول رحاب لزينه وين أتفاقنا انو بندر يعرفني على الامبرطور ردت زينه:من صدقكك أنتي قالت أيه وليش لا قالت زينه :لاوالله أنتي تأخذين الامبرطور وأنا أخذ بندر>>>>>>كان واضح أنها بدت تفكر فيه مع حبها الكبير لبندر قالت رحاب وش فيه بندر يحبك وشاب وسيم وقدامه مستقبل قالت أيه بس فقيـــــــــــر .. . ملاك(بنت هند) تدخل غرفتها وتطلع جوالها من درجها وكان واضح أنو عندها شيء.. . الامبرطور يعود للشركه ويدخل مكتبه ويسأل سكرتيرته عن بشار وأنور>>>>نسى الاخ انهم بلندن من بعده قامت السكرتيره تطالع فيه بعد ماسألها بنظره قويه قال لها وش فيك ماتسمعين قالت لا أسمع بس هم ماشفناهم من بعد ماراحوا معك لندن عاد تذكر الامبرطور أنه نساهم قال ايه أطلبيه دقت عليه مارد قالت :مايرد قال أيه نسيت انه مايرد الا على تيلفوني قام دق عليه أنور وبشار كانوا نايمين بلندن رد أنور هلا قال وينكم قال أحنا بلندن قال وش مقعدكم بلندن الى هالحين قال ماجتنا تعليماتك الى هالحين قال زين أقرب رحله أحنا عندك قال الامبرطور:لا اليوم وأنتم بالكويت>>>أشو انو ماأشتغل عنده رد عليه أنور:زين أبشر لو نجي عن طريق دمشقر ..وقام وصحى صديقه بعد ماكب عليه الماء وقال الامبرطور يقول نرد الكويت.. . زينه هي وصديقتها يدخلون لبيت زينه وتقول رحاب الله يعينا على اختك ترد زينه من حسن حظي وحظك أنها معزومه على عرس وفعلا تنزل من الدرج متكشخه وتجدع عليهم كم كلمه وتمشي وتطلع وقعدوا يسولفون عن مشاكل زينه مع أهلها وأنو متى تخلص ويخطبها بندر وعسا مايكشت فيها مثل الشباب اللي يحبون بالجامعه بعدين يطنشون وقالت لها رحاب أختبريه هالحين قبل مانخلص قالت وشلون قالت قولي له أنو في ناس خطبوني وأخوي مصر انو يزوجني وأتفقوا على كذا..BBP . طلال وضرار والهام بالصاله يتهاوشون ويدخل عليهم الامبرطور وهم يتهاوشون على التلفزيون كل واحد يبي قناه ويقول خير قالوا مافيه شيء قال اخاف تحشون فيني قالوا لا قالت هند أحد يقدر يحش فيك وأنا موجوده قال ايه اخاف من طلال قال طلال:مااذكرك الا بالخير قال ضرار:وأنا اشهد بهذي قال فيصل:ايه صحيح خصوصا سالفه المخدرات.. . تنزل زينه من الدرج تلقى أخوانها قاعدين يتغدون وتقولولهم ليش ماتدعيتوني على الغداء قالت أختها:حسبالنا تغديتي برا زي كل يوم وتقعد وتقول أصلا أنتي ماتذكريني أبد ويتهاوشون ويدق تيلفون زينه واثره بندر وتطلع فوق تكلمه وتجلس أختها تشيش اخوها عليها اكيد ولد والا ليش ماكلمتها عندنا اذا بنيه يطلع أخوها فوق ويلقى اخته تكلم ويقب عليها ويتهاوشون وهي خلت بندر على الخط ماقفلته عشان الخطه شوي وقفلته وقالت أكلم رحاب وهاك كلمها وتأكد وتدق على رحاب ويكلمها ويفقل وينزل رحاب رجعت دقت وعرفت السالفه وبندر كان في هالحظات متوتر خوف عليها وفعلا دقت عليه رحاب وقالت زينه مسكينه شكها اخوها وضربها وحاله قال بندر ضربها كلها يومين او يومين وأخطبها قامت رحاب تنوقز وهي تكلمه طبعا عشان الامبرطور.. . ملاك دخلت على فيصل وقالت خالي ممكن اكلمك بسالفه قال تفضلي قالت بس توعدني ماتقول لأمي او تقولها لما تتأكد انها ماراح تزعل قالت :خالي ابي اشوف ابوي قال :هاه.. طلعت الصوره عليه هو الهام وهم يمشون على الدرج ويقولها سالفه ملاك وأنو تبغى ابو مثل صديقاتها وتعصب الهام وتروح لبنتها وتتهاوش معها وتتخانق هي وبنتها.. . بندر يدخل من الجامعه وينادي أيمان شغالاتهم وتطلع عليه ليش انتا هاوش يقولها لاوالله اول مره اشوف خدامه تهاوش معزبها ترد عليه قول أنا في شغل كتير قال بابا بندر يبغى اكل جوعان قالت مافيه لازم بابا بشار قال وينه بابا بشار قالت فوق نوم يجي من سفر تعبان وبعد 4 طيارات ويناقز فوق بيقوله الموضوع ويلقاه نايم ويتركه.. . ملاك تكلم ابوها وتقوله انو امها هاوشتها لما قالتها بشوف ابوي واتفقوا انهم يحلون السالفه لما بكرا يشوفون بعض وفعلا شافوا بعض لما نزرل السايق البنت جاء ابوها وخذاها وراح البيت وقعدوا يسولفون وقالها خالك تاجر مخدرات >>>بيكرهها فيه وأنو امك تطلقت مني عشاني فقير ماعندي فلوس هي قالت له بس خالي فيصل طيب قال:لاطيب ولاشيء والا وش سالفه البودي قارت اللي معاكم قالت ديكور بعدين قالت له سالفه خطفتها من المدرسه انجن وقالت انو بترجع لانو هالحين موعد خروجها.. . السايق واقف عن المدرسه وملاك ماطلعت ويدق على الامبرطوره ويقولها وتنهبل وتنادي طلال وتقوله ويقول لايكون أنخطفت قالت أكيد والخاطف ابوها لأنه هددني والبنت امس قالت بشوف ابوي وطلعت تبي تروح لغانم تكلمه وتوقفه عند حده.. . زينه ورحاب بالبيت يتفقون على موعد الامبرطور وتقول زينه لرحاب ماتروحون الا رجلي على رجلكم>>>شكلها ناويه عليه عشان فلوسه ..وترفض رحاب وبعد اصرار زينه توافق.. \ أنتهـــــــــــــــــت..) أهم أحداثها: ـ زياره ملاك لبيت أبوها وبــــــــــــــــــــس . حلما الوردي يلا حياتي عليك الصور.. تقبلوا تحياتي: حـ سعودي ـلاهاBBP .