يازينها والله ذكريات تجنن ذكرتي بأيامنا اول بداية الدراسة كانت شي عندنا اول اذكر امي وابوي هم اللي يشترون اغراض لنا بدون مانختار : وانا انبسط ولا اخالف عادي اهم شي جديد لو مااختارته مع ان ذوقهم شين بعض الاحيان بس اختي الكبيرة اكبر مني بسنة تقريبا هي اللي تشيشني تعترض على امي وابوي وتتشرط اغراضها ..! وانا ياحبي لي قنوعه اهم شي جديد اذكر مرة صحينا الصبح قبل تبدأ المدارس بكم يوم مالقينا لا امي ولا ابوي سألنا الخدامة وينهم قالت راحوا شبت اختي قالت اكيد راحوا يجبون لنا شنط ودفاتر اكييد ياويلهم ياويلهم مانبيها نبي نروح معه .. وانا ايه والله مانبيها <-- معهم معهم (وبيني وبين نفسي اقول بكيفه المهم يشترون لنا )<-- كأنهم بدرسونا من دون شي كنت متشوقه وبزر ابي جديد وبس وننزل تحت نتوعدهم عند الباب يوم دخلوا وانا واختي في وجيهم اختي عاد شبت خيررررررررررررر وراه رحتوا انتو قلتوا بناخذكم وترجف الاكياس وانا قلبي بينقطع ودي بها بس وش اسوي مو خوف من اختي .، اخاف اتنازل وااختي ماتتنازل ويروحون بها نختار وانا يسكتون باللي جابوها واخاف اعاند وارفض ومردي للي جابوا وبصراحه!! ودي ارتب اغراضي ومتشوقه وخصوصا اني المح الشنطة والله ماعليها .. عاندنا والله بس ماجاء العصر الا انا نتفقدها وكل وحدة تاخذ اغراضها <-- براءة عاد يوم كبرت وصرت في رابع لا لا عاد انا اللي اتحكم واختار وحركات شنط ميكي موس وبطوط اللي معها شنطة فسحة طقم ومقلمة طقمها وبعدين جت باربي وعدتها .. يالله ذكريات اذكر اشب على امي ترسم لي وتسطر لي دفاتري و تحط استكرات وحركات تقعد تزين في حدود الستين صفحة قبل نبدأ ندرس عاد قبل الدارسة امي تسطر دفتري بعد مانبدأ ونأخذ دروس اقول سطري لي وحلي الواجب معك .. صدق كنا نتشوق ليلة مو حب في الدراسة بس عشان الاشياء الجديدة والحركات وحركات المغاير الصبح كنه عيد اول يوم اروح مواصلة مايجيني نوووم حتى اذكر كل ليلة الدارسة امي تفتح علينا محاضرة لازم تنومون بدري وتقومون و تفطرون ومن هالكلام اللي كل سنه نفسه يتكرر..! عاد اول يوم هو اللي بس نفطر فيه تلقينا قايمين هذا اذا كنا نايمين اصلا وجالسين نفطر قبل امي وابوي يقومون بس اول يوم ومتشوقين ومتحمسين لولا الحيا لبست من 10 الليل بعدين بقيه الايام تلقانا كل يوم بعذر نبي نغيب وانواع الشيل والحط لين جينا نقوم للمدرسة و تلقاهم يلاحقونا لو في السيارة على الاقل كلي لك شي طيب .. صدق ايام حلوة وذكريات روعه والماضي والذكريات لها الحديث عنها ذو شجون عوافي مدمن بحب يوسف عطيتنا فرصة نتكلم عن ذكرياتنا وكـل عــام و وانتم بخير ان شاء الله وعام دارسي موفق للجميع