مع اني ماادرس الا ان الشوارع تضيق الصدر من هالمدارس وهالطلاب اللي يبي يشتري دفتر ابو 40 وابو 60 والمخطط واللي مدري وشو عاد انا قديم عن الدراسه ودهاليزها << متعوب على هالكلمه يعني هالدراسه صح ان الطلاب والطالبات تضيق صدروهم من المدرسه وكذا لكن هي الاهم والدراسه زينه (( احس الي وراه مدرسه بكره وده يمزعني باقرب برايه ) مالكم بالطويله اليوم الشوارع مزدحمه وسيارات وعالم مدري من وين طلعوا ووينهم في هالاجازه هل هم مثلي في هالرياض وهالحر اللي فيه (( ،، <<< شفت اعضاء وعضوات القناص يحطون هالحركات وحطيتها ولا انهم في شارع الشانزلزيه ولا منا ولا منا وابشطح بخيالي وشرايكم اتخيل لو اني ابوعائله وو معي كابرس وعندي عيال وبنات ورايح بهم للمكتبه خبركم هالعالم مايذكرون المكاتب الا قبل الدراسه بليله او ليلتين ونتقضى للمدرسه دفاتر وبرايات واقلام مرسم <<< ياقدم المرسم كم اكره قلم المرسم يقولون عشان تمسحون كنت اعشق القلم الازرق يازينه من قلم عاد افكر اني طالع من المكتبه وان واحدن من عيالي مهوب يحب المدرسه طالع على ابوه اللي هوانا واناظره في المرايه ولاه راكب ورا ويناظرني واناظره وانا خابر انه ضايق صدره مره مهوب يحب المدرسه ابد ولا يحب مدرس الرياضيات المصري وهالمصاريه دايم يدرسون رياضيات مدري هو صعب بالحيل ولا وشالسالفه واناظره ويناظزني ولا في يده برايه ذيك اللي يجي من ورا مرايه ياهي كانت تقطع وقت في بعض الحصص لا جاك المدرس ثقيل طينه بس احسن شيء اذا جاء اول يوم في الدراسه ويجيك ذاك المدرس الفااضي مره اول حصه ولا فيه شرح يالله يسال كل واحد اين قضيتا الاجازه <<< كن ماعندهم الا هالسؤال عاد بعض هالعالم ينحرجون خصوصا اللي ماراح في هالصيفية هل يضطر انه يكذب ام انه يقول الحق انا مع انه يقول الحق خابر ذيك الايام <<< وشعنده الشايب كانت هاك الايام الدفاتر غالية لكن الحين الله يخلي (( جيان )) وهالمراكز التجارية ارخص بواجد من المكاتب وين اول قلم اولكر الازرق بخمسه وغلا هايل الحين تاخذ لك درزن برخيص عاد يالله عام جديد الله الله بالاجتهاد والمثابره والشهادة الزينه وحبيت افضفض شوي في هالموضوع عن الدراسه ودهاليزها كما ذكرت وابي من الكل يدلي بدلوه / بدلوها عن الدراسه وهل هو مبسوط اوو خلافه (( يعني ضايق صدره شوي ولا مره )) ولا يزلق علي عاطل ويقولي انا عاطل وكل عام دراسي وانتم بخير (( وجه طالب في خامس ابتدائي ويتكلم في الاذاعه ))