الســــــــــــلام عليكــــم ورحمه الله وبركاته
هذي وحدة من ذكريات العطله,,
اللي قربت على الانتهاء
***************
في العطله الوقت يطول والواحد ينشب بعمرة مدري وش يسوي بنفسه خاصه بالرياض؟؟
مابقى مكان ماطرى علينا بس الجو مايساعد....وحنا بالرياض تطلعين من البيت الساعه 9 تمسكين زحمات ماتوصلين للمشوار اللي تبينه الا بعد ساعتين ,,واذا وصلتي طفوا اللمبات...
يعني افهميها طردة...
المهم,,,
في يوم من أيام العطله الصيفيه قمت انا من النوم مبكرة ابد اذان المغرب وانا قايمه<<ماشاء الله مبتسرة حيل
لقيت امي وخواتي مستقعدين لابوي الا ان تطلعنا اليوم
ودنا للثمامه,,,,
ابوي ما له مزاج يطلع سوى نفسه بينوم,,,,,,
بس مستقعدين له بقووووة
وبعد اصرار ,,,
وفي تمام الساعه 10:30جاءنا البيان التالي,,,
قال ابوي : (الله يخليه لنا) 
يالله بسرعه ابشغل السيارة والقى قشكم جاهز......
عاد تعرفون الهمه ماتطلع الا بوقت الشدايد,,,,
انا يوم طلعت لهم ,الا كل واحد ماسكن له شغله
اللي تعبي مويه واللي تتبل الدجاج<<المسأله فيها شوي
وأختي(أشوق)ماسكه معها الا بتصلح مكرونه,,وتخم ادوات المكرونه كلها ومقادير السلطه على طريقها.....
وفي تمام الساعه 11طلعنا من البيت......
وتونا مطلعين السيارة......... وتلتفت امي وتقول:خذتوا لكم ملاعق, ترى نسيت احط الملاعق كلش ذاكرته الا الملاعق نسيتها.....
اهم شي عندي spon
oh,my/gad......
<<<سعوديين لازم ننسى شي في الرحلات
<<<في وسط ذهول من جميع ركاب السيارة مصدومون من الخبر
قال ابوي:مانيب راجع لو يبون كان حرصوا عليها<<< مستقعد لنا..
المهم ونمسك طريق الثمامه وحنا طربانين مع ابو نورة ....
وصلنا بحمد الله ورعايته للثمامه اللى شكلها يجيب الهم؟؟؟
جينا بندخل للمنتزهات اللي فيها<<شوي شوي لو انها تل الزعتر
كل من سألناهم متى تسكرون ,,ردوا علينا في الساعه السانيه
<<وهذة الكلمه تعني الثانيه
طيب مايمدينا نشوي,نتقهوى, نصلح مكرونه,<<<مكرونتنا غير كل المكرونات تاكلون صوابعكم وراها,,,,,
قلنا ميب مشكلنه ندور لنا لمبه ونقعد عندها <<<<الا بيشوون برى البيت...
الثمامه بوسط الاسبوع تجيب المرض,
وفي تمام الساعه12 ليلا تنازلنا عن أحلامنا المهم ونلقى لنا لمبه ونقعد عندها
ونلتفت شوي الا فيه عائله مثلنا باحلين بأعمارهم مايدرون وين يروحون جلسوا جنبنا....
*(باحلين):يعني هذا المصطلح::
متوهقين بأعمارهم مايدون وين يروحون
وتونا نازلين من السيارة ونمدح بالمكان,,((والله وش زين هالمكان,,والجو يهبل((
وتمر من عندنا فارة مدري جربوع المهم حيوان وننحاش كلنا ونركب السيارة
مو خوف بس استنكـــــــار,, قالت اختي:(أروى)عادي هذي من الطبيعه مو الناس اذا راحوا لماليزيا يشوفون الحيوانات والطيور في كل مكان......
اقتنعنا بكلامها..........<<<غصبن ورى خشومكم خخخخخخخخ
وعلى طول من نزلنا بدينا في استلام المهمات
تحت شعار:::ربعــــن تـــــــعاونوا ما ذلوا:::
ابوي(الله يخليه لنا) شب الحطب عشان الشوي .....
اماانا واختي مسكنا مقادير المكرونه وادبناها ابتداء بالبصل
ومرورا الى الطماط وصولا الى الباذنجــــان...
ولقى اخوي (فارس)نفسه فاضي ويقوم ويقطع السلطه..<<تحت الشعار اللي ذكرناة سابقا..........
ويوم جينا بنبدا الطبخ اكتشفنا اننا ناسين؟؟؟؟
((قايله لكم سعوديين
ناسين الزيت؟؟؟؟
<<هذي مشكلتس
بس اهم شي لايدري ابوي
والتفت ورى واشوف كلن داخل يغني على ليلاة,,,,,,,
عبودي ونور طربانـــــــــــين
واختي(اروى) تاكل السلطه, وفيصل والعنود يلعبون كورة
وفي هذة اللحظه رحت افتح القدر, واكتشف اكتشاف جديد ماجبنا بيز
((اللي مايعرف البيز:هو قطعه قماش مربعه نمسك بها اذا كان القدر حار))<<< روقينا بلا فلسفه
وجا وقت العشاء,,,
قمنا نبحث عن الصحون ,, مالقينا الا صحون بلاستيك صغيرة
حطينا فيها المكرونه جت اختي تشيلها قالت:اااااأي حار
التفت ابوي,,,,,, قالت: قصدي الارض حارة
<<<< مستقعد لنا
قلت وين السماط,,,, قالوا اص اص لايوصل الخبر للسلطات الامنيه
<<<<ياصبر الارض مابقى شئ مانسيتوة
المشكله وحنا بالطريق مابقى بقاله ماوقفنا عندها......<<سعوديين
وحطينا العشا وتعشعشنا بصحه وعافيه.....
من اليوم الثاني::::::
ســــــــــــــــــافرنـــــــــــــا <<ماننلام القعده بالرياض تجيب الهم
اسفه على الاطا لـــــــه,,,,,,,
عوافــــــــــــــــــــي,,,,