* مسـاء الخير للحلويــن بصراحة حسيت نفسي طفشان والنت ضيق صدري هاليومين مدري وش جايه قالب علي فقلت حرك مخكـ ياكمخه ونزل موضوع فكاهي ومرح ماخذ مقلب بنفســي اني عـادل إمام * * * في ذات ليله كان ابوي رومانسي حيل وهذا مستغرب على الشاب السعودي عزم امي على سمك في مطعم ما < يخاف يقول اسمه وتقولون يسوي دعايه له الزبده خلصوا الاكل وغسلوا ونضفوا سنونهم .. قام ابوي وشب الزقاره p3 وقال لزوجته : ياجميلتي وش رايتس الليله نقضيها في فندق الانتر ؟ امي : وشوله الخساير بيتنا فاضي وماحولنا احد < مهيب حول رومانسيه ابوي قفلت معه وقال اها بس الوعد بس الفندق وبعد ليه من ليالي الفـ ليه وليه وحرب داحس والغبـراء في هالفندق وشيل وحط وبعد مرور ايـام بشرت امي ابوي وقالت انا حامل ياحبيبي فررح ابوي وخم امي ومن قوه الخمه بغت تسقط الضيعفه < ياشين ابوي اذا تحمس ومرت الشهور وطلعت انا على الدنيا طفل صغير ووسيم .. بس فيه مشكله لما ولدتني امي قالوا لها الدكاتره صار عندتس عقم مهوب جايتس غير هالولد .. قالت امي بنبره حزينه " يكفيني هالولد عن عشره " احتفلوا العايله بقدومي الا بزرانيهم قفلت معهم ! مدري يمكن لاني حلو ولا اني شكلي دلوع من الدلع اللي يدلعوني اهلي به تصدقون مافطمتني امي الا وعمري 5 سنين وابوي خلاني اسوق وعمري 7 سنين < ماتنبلع بس مشوها دخلوني مدارس خاصه مايدرس فيها الا انا واختار الطلاب اللي ابيهم اخترت طلاب من الطبقه الدنيا عشان اطلع مميز بينهم ..p3 في اول يوم دراسي رحت المدرسه ببرمودا وفنيله كت وحطيت على شعري جل وسويت سبايكي بشعري كل المدرسه يناظروني بنظرات اعجاب .. خاقين مع جسمي ولبسي وشعري .. اجتمعت بالطلاب وقلت لهم يدلعوني بفصوولي وان اي احد يناديني بااسمي بااطرده من المدرسه وكان فيه واحد يناظرني ناديته قلت وش هالنظرات خير شتبي فيني :( وقالي بالله في اي حلاق محلق شعرك .. قلت المربيه سوت لي كذا قال وش اسمها ؟ < يخطط عليها الوسخ قلت ليدي قال طيب بجي عندك اليوم بسوي مثلك قلت له شعرك ليفه ( من خشنه شوي ويصير سوداني ) دخلنا الفصل وجانا مدرس الانجليزي كنت بليد وماافهم وكان حابني لانه لبناني وانا كان شكلي كذا يوحي اني لبناني كان يناظرني بنظرات اعجاب وانا مستحي وخديداتي محمره كان اي سؤال يسألني اقوله معليش لاتحرجني وكان ذوق هاللبناني موب يقول شئ يسكت ولاينشب لي مرت الايام وتخرجت من الثانويه وخذت الاول .. موب شطارتن فيني بس مهدد الطلاب اي واحد بياخذ الاول بدالي بعلم عليه ابوي ونجيه ونقوله حنا نكرهك < ياروحي : ( مرحله الشباب ) بعد ماوصلت مرحله الشباب والمراهقة طحت مع حقين التحليه .. صرت البي فنايل كت وبرمودا واربي شعري وافرده وبعض الاحيان اقوم ولا اكـده على بالي انه تسريحه قابلتهم مرهـ في شارع التحليه وركبنا في جيب كاديلاك طنا حنا 4 خكاريا وكانوا فيه شباب معهم ددسن وكامري يلاحقونا ويحاولون يحدونها مدري وش يبون بس شفتهم يورونا ارقامهم ويسوون حركات وسخه اخوياي يضحكون وانا خايف واتصلت علي امي وعلمتها بالسالفه وارسلت لي السواق ياخذني للبيت اتصل علي خويي لؤي وقالي ان فيه بكره عنده حفله ديجي بمناسبه عيد ميلاده وانه عازم اصدقائه p3 قمت الظهر وجلست ازين عمري ولبست جينز وفنيله ورديه فيها قلب حب لونه احمر وخذت معي شنطتي اللي فيها مرطب الشفاة والمشط وبورده الوجه رحت لهم ولقيت انواع الفله حفلة يااااااي تونس من جد فيها ديجي وباربيات وفيها ناس اشكالهم رهيبه لابس اخر الموضات وانواع الماركات .. شوي ودخل لؤي ومعه امه وجلس يعرفنا لها وسملت امه علي وخقت معي شوي ودخلوا بنات وجلسنا وياهم وكان لؤي ووامه الوضع عندهم عادي واكتشفت ان هالبنات يقربون له وكان الوضع عندي انا عادي لاني اعتبره حريه شخصيه جلسنا هذيك الليله وانبسطنا بس ماش البنات ماخقوا علي لاني على ماسمعت يحبون الرجال الحمش p3 رحت لبيتنا ونمت وصحيت الصباح عشان اقدم للجامعه وقبلوني الجامعه بس انا ماكان ودي فيها لاني راح اظطر البس ثياب ووااااء بس على مايقولون مجبور وغصب علي رحت وفصلت ثيات وخليتها ضيقه عشان تبرز الجسم طيب والشماغ كيف بلبسه !! كذا بيخرب شعري وبيخليه يتقصف يااااربيه قلت ماراح البس شماغ بحط جل وبس رحت الجامعه ودخلت قسم لغه عربيه وكان كلوا الطلاب يناظروني نظرات غريبه نظرات استنكار واستغراب ..! وانا بصراحه كنت اشتمئز من اشكالهم ولبسهم شئ مقرف شماغ وثوب وبكاريه وع ومن خلال مسيرتي بالجامعه اذا درست عن اي دكتور مطوع يرسبني!! واذا درست عند دكتور خواجه ينجحني وبتفوق مع اني ماافهم شئ بمادته تعرفت على طالب وشرحت له حالتي وقلت انا ماقدرت اتاقلم معاكم لييش ماتصيرون انتم مثلي برستيج وتتبعون الموضه عشان تصيرون حلوين وهااااي قال اها بس اصير خكري مثلك قلت انا منيب خكري بس انا جنتل مان اتبع الموضه واحب اكون ماشي عليها قال هذي مهيب علوم رجاجيل اجل انت عندك مربيه يالرخمه وراك ماتعتمد على نفسكـ .. قلت ماتعودت انا اهلي عودوني على كذا مخدوم ومحشوم حتى وانا اتروش تروشني المربيه قال افا ياذا العلم وانت بكره وشلون بتعرس وانت تسذا قلت بتزوج خكريه مثلي ههههههههاهههي رحت لبيتنا وفكرت بكلامها ولقيته صادق قمت ورحت شريت شماغ وزبيريات وحلقت شعري وخليته مثل المسلمين وزبطت دقني اللي مدري كيف اول مسويه دخلت على امي قالت بسم الله شفيك كذا تغير شكلك قلت يمه خلاص انا ابي اصير رجال < ياحليلي عارف اني اول رخمهp3 قالت بس شكلك كذا موو كووول قلت احسن انا ابي اصير فحل وزاااااحف قامت تعبط خشتها امي وخلتني وراحت رحت للعيال في الجامعه كلهم صاروا يسلمون علي ويسولفون معي وكل(ن) صار يعزمني وانا احس انه يقول بنفسه ( ايه صار الحين يواجهه اعزمه ببيتنا ) قابلني خويي قال ايه كفو الحين صرت رجال واقدر امشي معك موب اول امشي معك وانا متلطم خوفاً من الفشيله قلت عاد زمن اول تغير الحين انا تغيرت وابي اصير مثلكم ابي اصير فحل ورجال والكل يفتخر بي .. ومن بعد زمن الخكرنه اصبحت رجلاً اثق في نفسي اتبع الموضه بحدود .. البس الزي الرسمي في الاماكن اللي يصلح البسها فيه والبس البدله في الاماكن اللي تصلح البس فيها طردت المربيه وصرت اعتمد على نفسي اكل بنفسي وبيـدي صرت اشرب حليب خلفات وصرت مااحط روج ولا مبيض بشره ولا واقي من الشمس والحمدلله الان اصبحت رجلاً نافعاً للبلد غير ضار اصبحت قدوهـ للؤي واخوياه الذين تركوا الخكرنه واتجهوا للرجوله .. / \ / مايستفاد من القصه 1/ الخكاريه شئ مقزز في شوارعنا .. اتمنى القاء عليهم من قبل الهيئه 2/الخكري بلا رجوله .. ومن ليس برجل فهو مضر للبلد ..! 3/لايعتقد الخكري باانه مهضوم من المجتمع الا ان كانوا في مستوى تفكيرهـ .. ! 4/ليس كل من يتبع الموضه خكري .. ولكن الموضه لها ظوابط ليس كلها يجب ان نطبقها .. فبعضها محظور دينيا !! 5/لاتصير خكري لاتصير مايع .. ترى بتصير دايم ضايع ..! تحيــــاتيـ