"
"
"




عـــابـــرة ســبــيــل



الشاعره عابرة سبيل من اشهر اشاعرات النسائيات اللي سوو ضجه بالوسط الشعري ,,,

لم تنصف الصحافه هذه الشاعره ولم تعطيها حقهاا!!

شغلت الشعراء في حياتها واشغلتهم بعد موتها

قيل إنها فتاة بدويه على وجه العموم

وقبل أنها ( عازميه ) على وجه الخصوص

أبدعت في الشعر الغزلي والشعر الهزلي ..!!

وقالوا الشعراء بعد بروزها أنها عدة شعراء

وقالوا إنها شاعر موهوب لايشق له غبار لقوة مفرداته وسلاستها

وانه يتخفى خلف اسم مستعار نسائي للترويج الإعلامي ..!!

وقيل انه بعد القيل والقال واهتمام الشعراء بالشاعرة

للوقوف على حقيقتها وحقيقة قصائدها

أن الشاعر الذي يتخفى خلف هذا الاسم قتل الموهبة بخبر الوفاة ..!!

ذكر الشاعر شفق السريع في برنامج خليج الشعراء الذي يبث في قناتي الناس و خليجيه

بأن عابرة سبيل , ليس لها وجود في أرض الواقع

إنما هي شخصيه مصطنعه لأحد الشعراء ليثبت بها احتفاء الاعلام الخليجي بالاسماء النسائيه دون الاسماء الرجاليه


* * *


الأســم : موضي العازمي ( أم فهد )

الجنسيه : كويتية

الحالة الأجتماعية : متزوجه ولديها خمس من الأبناء

المؤهل الدراسي : ثانوية عامه وبتفوق

سبب وفاتها : انتشار السرطان بجسدها

قيل انها كتبت ان اخر قصائدها هي قصيدة الوداعيه ,,, كتبتها وهي على فراش الموت

تحكي قصة زوجة اُصيبت بالمرض الخبيث وهو سبب وفاتها رحمها الله

(( اسأل الله ان يجعلة كفارة لذنوبها ))

وكانت قد ترددت كثيرا على المستشفيات بحثا عن علاج .

وفي أخر مره أجريت لها عملية جراحية وبعد مغادرتها المستشفى

احتفاء زوجها بمناسبة خروجها. ولكنها كانت يرحمها الله تشعر بأن المرض

قد أستشرى في كامل جسدها .

وفي تلك الليلة كتبت القصيدة التاليه :


ترى الذبايح وأهلها ما تسليني

وأنا أدري إن المرض لا يمكن علاجه

أدري تبي راحتي لا يابعد عيني

حرام ما قصّرت ايديك في حاجه

اخذ وصاتي وأمانة لا تبكيني

لو كان لك خاطر ما ودي إزعاجه

أبيك في يديك تشهدني وتسقيني

وأمانتك لا تجي جسمي في ثلاجه

لف الكفن في ايديك وضف رجليني

ما غيرك أحد كشف حسناه واحراجه

ابيك بالخير تذكرني وتطريني

اجيرني خالقي من نار وهَّاجه

سامح على ما جرى بينك وبيني

أيام أمسي عدل وأيام منعاجه

عيالي همي وأنا اللي فيني يكفيني

علمهم الدين تفسيره ومنهاجه



كان الرد من الزوج المكلوم في هذه الأبيات التي لا تقل شأناً عن أبيات الراحلة التي كتبتها قبل أن تموت فكانت (المرثية في المرثية):


حاولت أنام وحاربت عيني النوم
وجريت صوتٍ مثل صوت الذيابه
الجفن كنه صار ضايق ومهزوم
ودموع عيني مثل رس السحابه
على وليف قالوا اليوم مرحوم
فارق وراح وما تهنى في شبابه
زرت القبور اللي على بعضها ارسوم
وخطيت رسم فوق ذيك النصابه
قلبي من الدنيا عليه مرسوم
والرسم توه عقب خط الكتابه
أحبها مير القدر صار مقسوم
ويحبها كل الأهل والقرابه
الموت أخذها واودع القلب مثلوم
جرح عميق ما يداوي صوابه
الموت أخذ شجعان وارخوم وقروم
وأخذ رسول الله وباقي الصحابه



وقيل ان اخر قصيده كتبتها هي قصيدة

لله ابشكي

لله ابــشــكــي (حــيــرتـي ) لله رب الـعـالـمــيــن ’’ وامــد لــه كـفـي (دعـــا) يـــالله عـفــوك ياجـلـيـل

يامنتـهـى (الشـكـوى) إلـــه العـابـديـن الصـابـريـن ’’ يـالله (عونك0فزعتـك) همـي عـلـى قلـبـي ثقـيـل

جتـنـي (رسـالـه) نصّـهـا ياعـابـره (حــزن وانـيــن) ’’ مع(تجربه)مضمـونـهـا فـيــه الـنـتـايـج والـحـصـيـل

في شكلها الظاهر (غطا) وفالباطن المعنى الدفين ’’وفـي (حبرهـا) تلميـح لايمكـن يصـيـر المستحـيـل

وانــا حقيـقـه مـاعـرفـت شـلــون بـبــدى ياحـنـيـن ’’ مــدري ابــديّ كلمـتـي أو الــزم الصـمـت الفضـيـل

لا جـيـت ابتكـلـم لقـيـت الـوضـع قـاسـي مايـلـيـن ’’ وان جيـت ابسكـت مالقـيـت عــلاج للقـلـب العلـيـل

لاكـنّ (عزايـه) مامعـي سلطـه ولاعـنـدي ضمـيـن ’’ ولااقــدر امـيّـل مـاعـدل ولاقـــدر اعـــدّل مايـمـيـل

مـاعـنـدي الاّ (كـلـمـة ٍ) فـيـهـا الـعــوارف خـابـريـن ’’ الـقــاع لاصــــارت دهــــر (يـابـدو)يـازيـن الـرحـيــل

وخـلافـهـا (سـلامـتـج) والله عـلــى الـدنـيـا يـعـيـن ’’ والـصـبـر عنـوانـه(فـرج) والـغـيـث لابـــده يـسـيــل

ويامنـتـهـى الـشـكـوى إلـــه الصـابـريـن العـابـديـن ’’ لاحـارت افكـاري تـرى مالـي ســواك انــت الدلـيـل


نشرتها في مجله ( بروز ) وكانت رد على الشاعر حنين الشمال ,,



* * *


اوضحت في احدى قصائدها عدم رغبة اهلها بان تشتهر بكونها شاعره ...

عابرة

اهلى يدرون اني شاعره ’’ بس مايدرون في جرح الليال

يمنعوني من كتابة خاطره ’’ مادروا اني من زمان بهالمجال

اه ..لو يدرون اني *عابره * ’’ عندهم بتصير مو تتنا .. حلال


* * *





في عام 1418 هـ اصدرت ديوانها الاول وطبع في مطابع الكويت ونفذت نسخه في وقت قصير جداً لكثره الاقبال عليه

ويحتوي على 84 قصيده وعدد صفحاته 105 ويحتوي على اربعه فصول

- الفصل الاول : ملامح شاعره

- الفصل الثاني : كلمات حب

- الفصل الثالث : اصداء

- الفصل الرابع : ابتسامات شعريه

مقدمة الديوان :


انا لااعصر الجرح لتتفرحوا بنزفه فهذا عذاب اخر ، بل تعصرني الجراح وتولد القصائد

انا لااتصنع ولا اغير في ملامح قصيدتي بعد ولادتها

اذا اعلنت القصيده وصولها لااملك لها سوي قلماً صادقاً ينقلها كما هي كما تجول وتتخبط في داخلي

لا رتوش ولا مكياج

تقبلوا مني صادق احساسي

وشاركوني مشاعري

وشكرا للجميع

الاهداء:

له وحده " ابو فهد "

* * *

كتبت رحمها الله العديد من القصائد الغزليه والهزليه,,,

ولكنها تركت كتابت القصائد الغزليه قبل وفاتها بفتره ,,,

من قصائدها الهزليه ,,,

جاء يعيرني يقـــول انتي متين .... حلقك المفتــوح لازم نغلقه

هيـه يادبّــه لــزوم تخفّـفين .... والا اثوّر فيك عشــرين فشقه

وفي رجيمـي استمريت سنتين ... جدي اللي مات قاربت الحقه

ويش رايـك ؟ قلتها بصوتٍ حزين ... قال : دبّــه ، وانقـلبتي لسلقه


وايضا ...


لي صــــاحب منه تبي تطلع الروح ... خبل ٍ ومن هي مولعه فيه خبله

عـــــامين المح له مع الجد ومزوح ... واقــــــول ياعنتر تناديك عبله

طال المدى ثم قلت انا اغليك يالوح ... مجروحة جرحٍ مخاطره عجله

دنق وقـــــال انا من العام مجروح ... وأشر لجرحٍ مبطيٍ وسط رجله


لها قصيده قصتها انها عندما كانت تسير وسط السوق فعرفها حبيبها الغائب ..

وتقول فيها :

مشيت بالزحمه مع الناس بالسوق *** ولا ادري من اللي طق كتفي بمسباح

ادرّج النظرات من تحت ولا فوق *** وشهقت مثل اللي تواجه بالأشباح

غايب ثمان سنين والقلب محروق *** أتلى العهد به تو ما شاربه لاح

واليوم عندي ناحل ٍ بيّن عروق *** وعوارض ٍ على اصفر الوجه واجراح

والله يادمع ٍ تحدر من الموق *** إنه على الموطى من العين لا طاح

يقول لا تزعل من البعد ياشوق *** وانا كما اللي قاضي ٍ منه جراح ..!!


بـــعــض قــصــائــدهـــا :::



وش اقوله !!!

باجر يجي يا شيب عيني من الويل ’’ من عقب ماسافر سنين مديه

شقول له صاروا عيالي رجاجيل ’’ ش اقوله ماني بعهده وفيه !

ان قلت له اني تعذبت بالحيل ’’ وان قلت له اكبر عيالي سميه

يبي يعذرني ويترك القال والقيل ’’والا يجي ويا زماني عليه

ان جبت حظي والمقادير ..تعليل ’’واني ضعيفه ورغبة الله قويه

يبي يصدق كلمتي دون تحليل ’’ والا يبي ينسف كلامي عليه

وش اقول ؟ ما ينفعن الاقاويل’’ما دمت ماني في وعودي وفيه


سـنـيـن

سنين مامرت علومه عليـــــه ’’ لاعلم لاطاري ولامن مكاتيب

سنين في صبري وحالي رديه ’’ بين المحاتى وانتظاري وتعذيب

لا.ليل.لا.فرحه.لا.دنيا هنيه ’’ يعلم بحالي واحد يعلم الغيب

انا ان تحريت اتصاله عليه ’’ دقات قلبي ضربها ينفض الجيب

ولو دندنت اساوري في يديه ’’اضم انا الهاتف واهل التراحيب

ابا انطره وابقى بعهده وفيه ’’ وارفض علشانه جميع الخواطيب



مـــــزاج


سمه دلع سمه غرور وعوابه ’’ سمه مزاج يعشق اللي يناحيه

سمه قساوة قلب سمه صلابه ’’ سمه لعانه سمه اللي تسميه

هذي طبوعي والغلا مو طلابه ’’ يا نور عيني غير هالطبع ما فيه

مليت قلب يشتكي لي عذابه ’’ وتصرفي دايم يذمه ويشكيه

ودايم على طبعي كثير عتابه ’’ درب المذله يامنى النفس مابيه

مادام درب العيب ما جيب بابه ’’ وعهد الوفا ما خنت روعة معانيه



هـــذاك


هذاك لو قال الشتا صيف عرقت ’’ ولو قال صيفي برد شبيت ناري

هذاك لو قال الجمل طير صدقت ’’ واقول ريشه بعثرته الصحاري

هذاك لو قال المطر جذب وافقت ’’ وادور الاعذار حق الخباري

هذاك لو قال القمر طاح صفقت ’’ واقول مللته كثير المساري

هذاك لو قال النظر عيب دنقت ’’ يصير لي كف على اللمس ضاري

هذاك لو ينفي وجودي توهقت ’’ ما عاد ليه حل ...غير انتحاري



قــــال اســمــعــي


قال اسمعي : فرقاك غصب عليه ’’ عيا الزمن يمشي معانا بالاوفاق

وقـفـت لامـيـتـه ولانــيــب بـحيـه ’’ تضاربت بالجوف ضيقه وحراق

وقال : الرسايل وينها قلت : ذيه ’’ وللريح عرضت الرسايل والاوراق

ورزيت نفسي واتظاهـر اني قويـه ’’يعني كأني ما تأثرت بفراق

وانا عذاب الكون صوت عليـه ’’اضحك بسني واختم الضحك بشهاق

ما كنت اظن الليل يمسي عليه ’’ ولا كنت اظن تعود الشمس بشراق



العين بالعين



تدري حبيبي بطعبي حيل وتعرفه ’’ العين بالعين والبادي هو الظالم

ماني ورا العاطفه بالحيل منجرفه ’’ طبعي على صد ردات الفعل والم

الا خيانتك ما املك عندها صرفه ’’ واحذر تحاتي ترى من خونتي سالم

مارضى اخونك ولا ارضى اعيش منحرفه ’’ ماهو عشانك ؛ عشان النفس والعالم

درب الخيانات لو اموت ما اعرفه ’’ لكن يا عمري تحاشى ثورة الحالم



صبحية العيد



ليته درى صبحية العيد وش صار ’’ ياهي جرت لي من عذابي هوايل

يوم العذارى بيحن بعض الاسرار ’’ وجت السوالف بين قيل وقايل

هذي معايدها قبل وقت الاسحار ’’ وهذيك صاحبها عطاها رسايل

وهذي تقول انه لفا البيت زوار ’’ وهذيك راحت له زيارة عوايل

وهذي تفاخر في غلا الصاحب البار ’’ وتقول عايدها بكل الوسايل

وانا اطالع فوق ويمين ويسار ’’ بالعيد ما حتى مشطت الجدايل




وشلون يزعل



لا ما يجوز الزعل مابينه وبيني ... وشلون يزعل وانا اللي شلت تقصيره

وانا على طريف لو ازعل ويرضيني ... ارضى قبل لايكمل معاذيره

جاك الخفوق بدوي يعتزي فيني ... يسوق لك من حلاله من مغاتيره

خلاص طوف خطاي ولاتبكيني ... وامسح خطايه بوجه الحب والجيره

ارضى وانا اي عذر منك يكفيني ... ولاتطول السالفه يا مطول السيره



ليل الشتا


فــــي عـــز ليـــل الشتـــا قـــعدت بلحـــالي
مــــا غيــــر انــا و هـــاتفي و البــوم و الــدوه

أنطـــر يبـــي يتـــصل بـــي واحـــــد غــالي
و طفـــيت ليــتي اخــاف انشــاف فـــي ضـــوه

اقلـــب الفـــــيش 00 اخـاف عــاطل بـــالي
امـــوت و احيـــا و عقـــرب ســاعتي تــــــــوه

انـــا فـــي مـــوقف يخــوفني بـه اظـــلالي
و اقـــول مــا قــوم ليــن يقـــول لــي : قـــــوه

و دقـــات قلبــي تــزيد و ينشــغل بــــــالي
و يــزداد خـــوفي لا درت الوجــــه للـــــــــهوه

خـــلاني انطــر حبيبــي المـــذن التــــــالي
عـــز اللــــــه مـــــا ســـوى خيــــر و مــــــروه


فرقاه صار

أغض عينـي عـن خطـاه و خمالـه
و ارقع فضايحهم بزيـن التواصيـف

أثـاري فيهـم مـا تفيـد الجمـالـه
و النـاس لا سبـوه قلنـا ملاقـيـف

فرقاه صـار 00 و نسيتـه لا محالـه
ولا عاد في بوم الليالي لهم طيف

دمـوع عـز ولا ابتسـامـه نـذالـة
دنياك ما دامت لغيـرك علـى الكيـف



لحظة وداع

فارقـت خلـي و كـلٍ ودع الثانـي
لا عـادك الله يـا فرقـا المحبينـي

في ليلة السبـت خليتـه وخلانـي
يا ليلة السبت جعلك مـا تعودينـي

الصاحب اللي عقب مـاراح بكانـي
و هو بعد قبل ما يمشـي مبكينـي

سابع سنة حبهم عايـش بوجدانـي
طموح و احلام ماتن ، من يعزيني ؟

و الله مدري انا ابكي بعـد خلانـي
و لا على عمري اللي راح وسنيني؟

عنده رقم هاتفي و اسمي وعنوانـي
ان غير الوقت رايه 00 يتصل فيني


يا كثر شعري



يــا كثـر شعـــرٍ كتبـــته امـــس و البـــارح
و يــا كثـــر شـــعرٍ عقــب فرقـــاه سجلــــته

دفـــاتري إمتلـــت مــن سبــــة الجــــــارح
هــــذا000 وغيــــر الــــذي للحـــين مـا قلــته

خلـــى دمـــوعــي تهـــل و خـاطري سـارح
يــا كثـــرٍ هـــمٍ علـــيه اليــــوم شـــايلتـــــــــه

اللـــي خلانـي انصـدم واصيـح واصــــــارح
فرقـــــــــاه حتــى خيـــالٍ مــــا تخيـــــــــلته

وا جـرحـي اللـــي مــن الافكـار يســـتارح
وا قلبــــي اللـــي مـــن الاوهــــام حملتــــــــه



بريال عارضته


بريال عارضته على السوق بريال ’’ من باعني برخيص والله لأبيعـه

من يشتري رجّال قصّر بالافعـال ’’ باع العهـود الماضيـه للخديعـه

رجّال يسوى له ثمانيـن رجّـال ’’ كل الصفات اللي ملكها فضيعـه

له ضحكةٍ تشبه لضحكات الأطفال ’’ ذيبٍ ونظراتـه حنونـه وديعـه

وله فزعةٍ منها المجانيـن عقّـال ’’ وفجوج لا ضاقت عليّ الوسيعـه

ياما عدل عوجا ثقيلات وطـوال ’’ وأنامعاقبتـه غيـورٌ صريـعـه

والله يسوى لـه ثمانيـن رجّـال ’’ والخبل مثلي لا زعل يب يبيعـه



نون


هو يعرف أن القصايد خيالات وفنـون ’’ واقعي مافيه غيـره شريـك بدنيتـي

مالعبوا اهل المغازل عليه ويخسـون ’’ ماشيه في حشمةاللي مشى في حشمتي

من تربي مثلي ف بيت عزٍ مايخـون ’’ غاليه بالحيل بالحيل عنـدي سمعتـي

ماسهرنـا بالليالـي ندقـدق تليفـون ’’ امحشوم اللي نواه الجليـل بقسمتـي

غالي لو هو يبي قصة العاتـق يمـون ’’ حجته تبقـى وتسقـط لعينـه حجتـي

هو نون وحطه المعتلي في وسط نون ’’ في يدينه دمعتي وفي يدينـه بسمتـي



يا يمه


يمه .. يايمه .. فديتك لاتخليني ’’ بعثرني الهم وأبغى يديك تجمعني

يمه افهميني تراك ان مافهمتيني ’’ مافيه شخص بهالدنيا بيسعمني

ماعدت انا طفلتك.. كبرت شوفيني ’’ خليك يمي ترى الاطماع تتبعني

لاتدلليني .. أبي منك تدليني ’’ وابي ايديك تداعبني وتصفعني

ولا انهد حيلي أبي عطفك يقويني ’’ ياما كلامك على الشدات شجعني

وان جيتك ابكي .. ابي منك تهديني ’’ مابيك تبكين .. أبغى العقل ينفعني

يامملكة عطف ياعطر الرياحيني ’’ براثن الهم والهوجاس تلسعني

بسمتك عندي الا من ضقت تكفيني ’’ وارضاك عني عن الاحزان يرفعني

اسمى العلاقات تربط بينك وبيني ’’ ياللي احضانك ان ضاق الكون تاسعني

لك احترامي وحبي والوفا .. فيني ’’ وفيك اروع الحب مايخطي ويخدعني



أنا ابيك


أنا أبيك .. وحش يحتوي داخله عصفور ’’ وانا ابيك .. طفل يحتوي داخله رجـال

أبيك .. الأب بالعطف والأخ بالمعسور ’’ أبيك أمي بالتدليل ومداعب الجهـّال

انا أبيك .. تاج الستر ياعاري المستور ’’ أعاف العقل وانجن مادامهم عقــّال

أبيك .. المطاع الطايع المنذل المغرور ’’ انا أبيك .. جوعي وشبعتي والفقر والمال

أنا أبيك .. تشكيلة عواطف كما البلور ’’ أبي تحتوي كل التناقض مع الاشكال

أباصيــر انا ويــاك.. داخل بعضنا نـدور ’’ ياحتى نضيع وين كنا مع المـــدخال

خلاص انتهى صبري وتلاشت خيوط النور ’’ أبعلن جنوني وش نلت من عالم العقال؟؟


ضايقه


ضايقه بالحيل محتاجه اشتكي ’’ لولا طبع فيّ .. يمديني شكيت

بس أدور عذر منشان البكي ’’ لو يدوسون بطرف ثوبي بكيت

كل ماجيت اتريح وارتكي ’’ يزدحم في خاطري الفين بيت

ويش بيدي افعله غير الحكي؟ ’’ قاصره خطوات رجلي لو مشيت

أسرعي يانفس موتي واهلكي ’’ صرتي همي يوم بالدنيا شكيت


* * *


أبـيـات قد تـكـون قـصـائـد


حب

مدري رجا مدري وفا مدري احساس
انظرك وادري قلت لي منت راجع
يامن سوت عينه مخاليق واجناس
ادخل على الله .. لا تزيد المواجع



ـــــــــــــــــــــــــ


العين بالعين

ما ارضى اخونك ولا ارضى اعيش منحرفه
ماهو عشانك عشان النفس والعالم
درب الخيانات لو اموت ما اعرفه
لكن ياعمري .. تحاشى ثورة الحالم



ـــــــــــــــــــــــــــ


أمومتي


عقب البطا أرسل عليه سلامه
يطلب ويرجيني يبي تضحياتي
مقدر اضحي بالشرف للملامه
وأمومتي ترفض أيتّـم بناتي
ان ما حصل لقياك يوم القيامة
ماظن تحصل شوفتي ياغناتي

ــــــــــــــــــــــــــــــــــ


إنـّا لله

اشهد اني لغيره بالغلا ما عطيت
واشهد انه بغاني مير مامن عوين
صحت من قلب ياويلي على اللي هويت
وقمت امسح دموعي من يسار ويمين
لا طرالي حبيبي بصوت واطي حكيت
إنّا لله وإنّا للولي راجعين


ــــــــــــــــــــــ


الأسمر

الاسمر اللي زارني في محلي
الله يجيره من جميع الصواديف
قال التغلي وقلت مامن تغلي
قلت الفراق وقال مامن تكاليف
وقال أبروح وقلت وا كبر غلي
وقامت تدق طبول قلبي تحاسيف


ــــــــــــــــــــــــ

قال الوداع

هو يعتقد لو راح مقدر انا اعيش
دايم يهددني بفك الجموعي
قال الوداع وقلت ياصاح حتيش
ياعلها فرقا بليا رجوعي
ياسايل عني انا قاسيه ليش
بتموت ما تلقا من الناس نوعي


ــــــــــــــــــــــــــــــــ

اثر يديني

حان الفراق وتم توديع غالين
قسوة زمن وظروف ماهي رحومه
ومسكت نفسي تقل ما صار شين
اخشي على خلي يشقق هدومه
ثم قلت وش تنطر حبيبي لهالحين ؟
اثر يديني ماسكاتٍ كمومه


ــــــــــــــــــــــــــــــ


حيره

لا قال لي ردي .. ولا قال لي روحي
لا هو مريحني ولاهوب مرتاح
يغيب ويعوّد يفتق جروحي
واذا استجد الجرح لوح لي وراح
واضحك واجامل وادعي بالفروحي
وبداخلي نار وتجاريح وصياح


ـــــــــــــــــــــــــــ


يا صاحبي


ياصاحبي بس تكفى لا تجنني
ماعفت من ضرّني وشلون خلاني ؟
حتى الذي ضرني لاضاق يحزّني
ماعندي اعداء كل الناس صدقاني
وإن كان قلبي حقود..الله يلعني
وإن كان مالي شرف..عساي للفاني



* * *


قال فيها رشدي رضوان:

إلي امرأة عثرت بي كي تقيم..
إلي أنثي تخفي آمال البسطاء...وتطلعات العاشقين في جيوبها الداخلية
إلي رائعة من بلدي تعطر كتاباتها بشبهة الأشياء...وهواجس الجيل الجديد
إليك يا ملهبة الذاكرة...ومزاجية الحواس..وعابرة قابعة في تجاعيد الجبين...
..هذه الأبيات

****


لماذا تقبلين بي إن كنت تدركين
إن الهوى في منطقي مساحة مستأجره
لماذا تقربين من حرائقي وفورتي
وكيف تصبحين
من بعد مجدك مشهدا في قصتي المكررة
يا امرأة...
تحب تصوير انقلاباتي أنا
وتعشق المغامرة
لا تحسبي أن انتهاك حرمتي
تجربة وعابره
أو رحلة صيفية وجهتها مقرره
معرفتي كالوشم يا صديقتي
آ ثاره معمره
كالموت.....كالحياة....
كالوثيقة السرية المشفرة
مجهولة في شأنها عواقب المخاطرة
صديقتي....يا شاعره
يا من تفوح شبهة الأفكار من ثيابها المعطرة
يا طفلة آمالها محصورة
بين شموخ نهدها
بين مقاس الخاصرة
لا داعي من ترتيب أمزجتي التي
ألفتها من زمن
ما دمت في حضورك...مسافرة
فلتحملي في حضرتي
حقائب الحب التي
عبئنها من قصص متروكة للذاكرة
- -
ها نحن نسقط في ازدراء
كالقرب الشاغرة
مبتورة من وقتها شفاهنا
مسدودة أوردة الشوق لدينا
لذتنا محاصره
لم يبق للحب مكان بيننا
فلتنفضي أشلاء ذاكرتي هنا
وتفضلي عابرتي..
.يمكنك المغادرة



الله يغفر لها ويرحمه


شكر خاص لهلالي وان جار الزمن على المساعده << الله لا يحرمنا يا ابو ريان >>


"
"
"