صباحكم / مساؤكم ورد اليومـ جايب لكم قصتي انا واخوياي وحنا طالعين للبر يا علة ما عادت من طلعة ... بسمـ الله نبدأ (( القصة باللهجة العامية )) القصة : في ذلك اليوم >>>> يووووه نسيت p2"" كنت بحايل (( يا قلبي يا حايل )) وكان هكالوقت خير وربيع ومطر و صكت براسي ( مع تشديد الكاف ) طلعة بر اتصلت على خويي محمد وقلت يالله نبي نكشت بالبر قال والله خايف اضيق عليك ( مسوي ثقيل )... قلت امش ولا يكثر:D .. واتصلت على خوي ثاني اسمه صالح وقلت نفس الكلام قال خمس دقايق وانا عندك (( فكوك p8 )) المهم كل واحد جاب شي من مقاضي البر (( ماء - ملح - زيت .....الخ )) وطلعنا بهكا اللاند كروزر اللي يحبه قلبك ... حنا طلعنا من حايل تقريباً الساعة 6،00 صباحاً المهم وصلنا للمكان اللي نبي نكشت به .. نزلنا العفش ( تقل عفش مطلقة) وشبينا هالنويرة ..وفلينا الحجاج .. وبالعصر قلت للعيال من يتحدى مونوبولي (( خبير بهاللعبة p3 )) وهزأتهم واحد ورا الثاني ... يوم جا المغرب .. جلسنا نسولف وأكثر واحد يسولف محمد يرسل علينا من هالأرانب :( وكل ما قال شي اقول ايه وانا قاعد العب بالجوال ومعطيه خامس ... المهم يوم جا العشا صلينا وبعد الصلاة سويت لهم ذيك الكبسة اللي تاكل اصابعك وراها ( ما تحسون بس يمدح بنفسه :D ) يوم جت الساعة 11،00وصارت الجلسة احلى قلت يالله خل نرجع (( نجاسة p17 )) المهم شلنا عفشنا ويوم نبي نمشي قال صالح جوالي مدري وينه !!! قلت الله ياخذ هالخشة توك تذكر ونزلنا ندوره وما خلينا مكان ما دورنا فيه وآخر شي لقيناه حاطه في درج السيارة ... مشينا شوي ولا شي يقول (( دوووب )) اثاريه كفر السيارة بنشر قلت ما بنشر الا اللحين لو انه مبنشر يوم كنت بالمحطة اغير الزيت :( المهم غيرنا الكفر ومحمد بس يعطينا من هالركب قلت له لا يكثر هرجك وحطيت شريط ابو نايفp10 . يوم وصلنا البلد قالوالعيال مانبي للبيت قلت وين تبون قالو اي مكان قلت عطونا فلوس البنزين (( كل شي بالحساب p3)) تمشينا بحايل شوي ونزلنا بمقهى .. العيال راحو يتقهوون وانا رحت للنت وفتحت منتدى القناص (( افضل منتدى بالعالم )) ورديت خمس ردود بس:( .. المهم يوم جت الساعة 2،00 نزلت كل واحد لبيته وقالوا نبي طلعة ثانية ( قلت ايه يصير خير ) .. ورجعت للبيت وانا مستااانس .. ورحت لأبوي وقلت له القصة ويوم خلصت قال اقول اذلف انت وقصتك اللي مالها داعي .. وأنا خايف انكم تقولون كذا :( .. على العموم اتمنى ان القصة نالت ولو شيء بسيط من اعجابكم وإستحسانكم .. معاني الكلمات :- هكا / هذاك صكت ( مع تشديد الكاف ) / خَطرت لي فكرة فكوك / وجهه مغسول بمرق معطيه خامس / ماني معطيه وجه تقبلوا اعذب وأرق وأصفى التحيات من : ( ياسر ) محب وعاشق ومتيم ( ياسر ) مـتـــ القناص ـــيـمـ