حي الله تركي تو ما نور المجلــس يا حلـو . . . .
أجل صيف عنيــزة . . . .
وفعاليات توسع الصدر . طرب وشكشكه ومسرحيات . . . .
ما نقص الا BAR وخلاص وسهره مع الفنان فلان في الفندق الفلاني . . .
المشكلة يا بعدي تشوفهم يحتسون والسياحة صناعة وتعتبر أحد مصادر الدخل في أغلب الدول طيـب يا عزيزي يومك عارف ورا ما تنجز . . .
قالوا نبي نبدأ بالسائح السعودي همن نلتفت للسائح الغربي :D
يا عمي لا سايح سعودي ولا ينغالي حتى . . .
اجل مهرجان سياحي وصيفنا مع اهلنا فله وفي الأخير . . ملعب يملونه صابون ويلعبون كوره فيه . .
واثنين معهم بانشيات . . و واحد يدور بمكرفونه وش اسمك يا شاطر وش ودك تصير اذا كبرت
بس هذي الفعالياات الي عندنا . . .
يا اخي انا من سكان المنطقه الشرقيه أخبرهم يقولون صيف صيف الاجازه لها الحين شهر ونص الى
يومك ما شفت شي وين هالمهرجان بس الصيفي .
حنا نفتقد لابسط اساسياات السياحة . . . فاهمين السياحه غلط الله يصلحهم . .
مسارح ما عندك . . .
ميادين عامه ما فيه . . .
سينما ما فيه . . .
الآثار للأسف ما فيها اهتمام ولا فيه ايضا اهتمام من الاجهزة المختصه بالتعريف بها حتى ربيعنا ما
يدرون عن الاماكن الأثريـة .
خخخخخ سياحة للعوائل فقط خخخخخ انت شااب مالك الا استراحة والا قهوه والا انطق في بيتك لين
تعرس .
طيب يا حلو هماكم تبون تجذبون السائح الغربي . . يعني لازم يصير معرس ذا . . .
غير كذا الأماكن الترفيهية ما فيه ملاهي زي الناس ما فيه حدايق تفتح النفس . . .
ببسيط العبارة الى الأن وحنا نفتقد للبنسة التحتية للسياحة . . .
ولا تنسى بعد غلا الأسعار . . .
اجل اروح اسبوع لأبها انا واهلي بعشرة الالاف في اسبوع تخيل . . .
لو بآصل هالمواصيل سافرت براا .. اسعار الشقق ترتفع 200 % ولا فيه احد يتكلم . . .
يا رجال السياحة صفر عندنا للأسف الشديد . والا بالله المنطقه الشرقية لها مهرجان ما ينعرف وينه
اقسم بالله بالذات في المنطقة الشرقية لو يسلموني سياحتها سنه بس لأخليها أصرف من دبي . .
صيفنا في بيتنا أحلى . .
وسلم لي على أبو الزيز .