شبكة القناص - الموقع الرسمي للاعب ياسر القحطاني - عرض مشاركة واحدة

**BO7** · 07-12-2012, 02:36 AM

يَ قدمكم قدمااااااااااااااااااااااه !!

-
السلام عليكم , ياهلا والله ومسهلا بأعضاء المجلس [ القديمين ]
ما دامني صلحت هالكمبيوتر , فأخذوها وعد مني إني ماني مقاطعكم مرتن ثانيه وإني بسنتر عندكم هنيا 24 ساعه لدرجة إنكم بتقولون : هذا ما وراه بيت وأهل !! [ وعد الحر دين ]

طبعاً أنا ماعندي موضوع أتكلم فيه اليوم , لذلك بعرض لكم بعض المواقف الطريفه اللي مرت علي الأسابيع اللي راحت

-

مرتن من المرارير دخلت المسجد وأنا أكبر وأصلي وجمبي شايبن منتهي , طبعاً فرشة المسجد عليها خط بني وكل المصلين واقفين علاه إلا هالشايب واقفن ورا الخط بشوي , وكل دقيقه وهو يجرني يبغاني ارجع , وأنا اقدم ابغاه يقدم ويوم جينا نركع وهو يمسك طرف ثوبي ويرجعني عاد أنا قلت أن السالفه شكلها مطوله وأنا امسك طرف ثوبه وأقدمه ثم بعدها هجد ولا قعد يسوي شوي , لدرجة إني سمعته في السجود يقول : ربي اغفرلي ذنوبي !!
وبعد ما سلمنا وخلصنا من الصلاة وهو يقرب فمه من أذني ويقول وهو يصايح : سلالالالالام علييييييييكم
قلت له : وعليكم السلام
وهو يقوم ويروح , الظاهر إن الجني اللي فيه راح

..

مره في المسجد وبعد ماسلم الإمام قمت أصلي الركعات اللي فاتتني , شوي إلا جاء من قدامي واحد يبغى يروح وهو يمر من جمبي ويحط رجله في جيبي ( بالخطأ ) وهو يروح , وبعد ماسلمت قمت ورحت وألقاه واقفن عند الباب سلم علي وعطاني 100 ريال وقالي : خذ الميه عشاني قطعت جيبك , وجلسنا ساعتين انا اردها وهو ملزم إني آخذها المهم اخذتها وشفت جيبي وطلع ماهوب مقطوع , أخذت الميه ورحت لهرفي وتعشيت وبقى من الميه فلوس , ورحت لماك وتعشيت وبقى من الميه فلوس ورحت لمحل فول أشتري للأهل .. يالله لك الحمد .. تجيك الأرزاق وأنت ماتدري

..

نحن شعب لا نعترف بشيء اسمه ’’ قيلولة ’’ يَ ’’ غيبوبة ’’ أو نواصل .. لدرجة مره رقدت الساعه 2 الظهر ماقمت إلا الساعه 9 الليل .. حتى إذا جيت ولقيت واحد نايم وسألت الاهل وقلت متى رقد هذا وقالوا لك : قبل ساعتين
فأعلم أنه ماراح يقوم هالحين لو تجيب [ صواريخ RBG ]
السعودي عباره عن ( كيس نوم ) لا ومهوب أي كيس !!

..

تسلم على رجاجيل بالمجلس؟ ويسحب عليك رجال بإن سلم عليك بخد واحد وسحب عليك بالخد الثاني؟ تحس آن خشمك يبي يحفظ كرآمته ويطلع برآ ؟ مدري ليه ؟ ودك تقوله يالطيييب ترا لسا باقي خد ماسلمت علاه !!
ياكثر ماتصير لي هالمواقف ولا اللي يجيك يسلم بخشمه ثم يسحب علاك .. طيب والخد ماله رب

..

احيان لادخلت قروب اهلي بالواتساب احس اني سيلاني داخل مكتب توعية جاليات ويدعوني للاسلام !! هل انا الوحيد اللي يصير له كذا ولا وش السالفه .. كل كلامهكم الدين وأهمية الصلاة وأنواع الزكاه وأركان الوضوء ؟؟
يارجال مره بغيت ارد فالقروب بقول شي وقلت بالغلط : أستغفر الله ههههههههههههههههههههههههههههههههههههههه

..

أنا أفضّل الآيفون على البلاك بيري بشده لكن إذا جيت بتكتب ضحكه طويله بالآيفون تسبب لك شد عضل بأصبعك وانت تكتبها، يا حليله البلاكبييري تكتب بس ( هه ) ما تدري الا الضحكه داخله على حوش الجيران

..

والله يا فيه ناس يجيبون العلة والمرض…تحط نكتة ويجي مطفي النور يهاوش يقول بلاعنصرية والا تراه قصيمي موب شمري…ياخي قسم بالله نكته اضحك او كل تبن .. ياما القاهم كثير إذا كتبت لي موضوع ساخر

..

هذا كل اللي كان عندي هاليوم , وسامحونا على القصور , وقبل ما أترك المكرفون ودي أصقعكم ببيتين شعر :

بعض العرب لاجاك يفتح لك النفس
ودك تسولف به لو انه لحاااااله
وبعض العرب ودك تداووويه بالخمس
والا توااسي جبهته ب البياااااله

- وتراني للحين قاعد أكتب قصة [ قشران وشقران ] أنتظروها

حسابي في تويتر للي وده يضحك أو يتواصل : https://twitter.com/abo_msharry

07-12-2012, 02:36 AM	#1
BO7 عضـو اللجنـة الإعلاميـة ولجنة اصدقاء المجلس	فيه كلام وحتسي يصلح لكم !! يَ قدمكم قدمااااااااااااااااااااااه !! - السلام عليكم , ياهلا والله ومسهلا بأعضاء المجلس [ القديمين ] ما دامني صلحت هالكمبيوتر , فأخذوها وعد مني إني ماني مقاطعكم مرتن ثانيه وإني بسنتر عندكم هنيا 24 ساعه لدرجة إنكم بتقولون : هذا ما وراه بيت وأهل !! [ وعد الحر دين ] طبعاً أنا ماعندي موضوع أتكلم فيه اليوم , لذلك بعرض لكم بعض المواقف الطريفه اللي مرت علي الأسابيع اللي راحت - مرتن من المرارير دخلت المسجد وأنا أكبر وأصلي وجمبي شايبن منتهي , طبعاً فرشة المسجد عليها خط بني وكل المصلين واقفين علاه إلا هالشايب واقفن ورا الخط بشوي , وكل دقيقه وهو يجرني يبغاني ارجع , وأنا اقدم ابغاه يقدم ويوم جينا نركع وهو يمسك طرف ثوبي ويرجعني عاد أنا قلت أن السالفه شكلها مطوله وأنا امسك طرف ثوبه وأقدمه ثم بعدها هجد ولا قعد يسوي شوي , لدرجة إني سمعته في السجود يقول : ربي اغفرلي ذنوبي !! وبعد ما سلمنا وخلصنا من الصلاة وهو يقرب فمه من أذني ويقول وهو يصايح : سلالالالالام علييييييييكم قلت له : وعليكم السلام وهو يقوم ويروح , الظاهر إن الجني اللي فيه راح .. مره في المسجد وبعد ماسلم الإمام قمت أصلي الركعات اللي فاتتني , شوي إلا جاء من قدامي واحد يبغى يروح وهو يمر من جمبي ويحط رجله في جيبي ( بالخطأ ) وهو يروح , وبعد ماسلمت قمت ورحت وألقاه واقفن عند الباب سلم علي وعطاني 100 ريال وقالي : خذ الميه عشاني قطعت جيبك , وجلسنا ساعتين انا اردها وهو ملزم إني آخذها المهم اخذتها وشفت جيبي وطلع ماهوب مقطوع , أخذت الميه ورحت لهرفي وتعشيت وبقى من الميه فلوس , ورحت لماك وتعشيت وبقى من الميه فلوس ورحت لمحل فول أشتري للأهل .. يالله لك الحمد .. تجيك الأرزاق وأنت ماتدري .. نحن شعب لا نعترف بشيء اسمه ’’ قيلولة ’’ يَ ’’ غيبوبة ’’ أو نواصل .. لدرجة مره رقدت الساعه 2 الظهر ماقمت إلا الساعه 9 الليل .. حتى إذا جيت ولقيت واحد نايم وسألت الاهل وقلت متى رقد هذا وقالوا لك : قبل ساعتين فأعلم أنه ماراح يقوم هالحين لو تجيب [ صواريخ RBG ] السعودي عباره عن ( كيس نوم ) لا ومهوب أي كيس !! .. تسلم على رجاجيل بالمجلس؟ ويسحب عليك رجال بإن سلم عليك بخد واحد وسحب عليك بالخد الثاني؟ تحس آن خشمك يبي يحفظ كرآمته ويطلع برآ ؟ مدري ليه ؟ ودك تقوله يالطيييب ترا لسا باقي خد ماسلمت علاه !! ياكثر ماتصير لي هالمواقف ولا اللي يجيك يسلم بخشمه ثم يسحب علاك .. طيب والخد ماله رب .. احيان لادخلت قروب اهلي بالواتساب احس اني سيلاني داخل مكتب توعية جاليات ويدعوني للاسلام !! هل انا الوحيد اللي يصير له كذا ولا وش السالفه .. كل كلامهكم الدين وأهمية الصلاة وأنواع الزكاه وأركان الوضوء ؟؟ يارجال مره بغيت ارد فالقروب بقول شي وقلت بالغلط : أستغفر الله ههههههههههههههههههههههههههههههههههههههه .. أنا أفضّل الآيفون على البلاك بيري بشده لكن إذا جيت بتكتب ضحكه طويله بالآيفون تسبب لك شد عضل بأصبعك وانت تكتبها، يا حليله البلاكبييري تكتب بس ( هه ) ما تدري الا الضحكه داخله على حوش الجيران .. والله يا فيه ناس يجيبون العلة والمرض…تحط نكتة ويجي مطفي النور يهاوش يقول بلاعنصرية والا تراه قصيمي موب شمري…ياخي قسم بالله نكته اضحك او كل تبن .. ياما القاهم كثير إذا كتبت لي موضوع ساخر .. هذا كل اللي كان عندي هاليوم , وسامحونا على القصور , وقبل ما أترك المكرفون ودي أصقعكم ببيتين شعر : بعض العرب لاجاك يفتح لك النفس ودك تسولف به لو انه لحاااااله وبعض العرب ودك تداووويه بالخمس والا توااسي جبهته ب البياااااله - وتراني للحين قاعد أكتب قصة [ قشران وشقران ] أنتظروها حسابي في تويتر للي وده يضحك أو يتواصل : https://twitter.com/abo_msharry التوقيع: تابعني في تويتر , عشان تصير صديقي "" مدونتي "" التعديل الأخير تم بواسطة ـالٌفَــاتِـنْ ; 08-12-2012 الساعة 02:18 AM سبب آخر: حذف كلمة مشفرة ..!