ليه متردّد تقول ؟
دام ذا راي العقول ...
لا تخلّي السر يطول
باللي في بالك يجول
بوح و صرّح.. يالله قول
ما تبيني ؟
عادي قول ...
خايف تقسى و تجرح ؟
قول عادي ...
ما بقى في القلب مطرح ...
قول عادي ...
لا تزيغ العين ... و تسرح ...
لا تجيب العذر ... و تشرح ...
قول عادي ...
مهما تخفي ... العين تفضح ...
و إن تداري ...
في عيونك ... و الله بادي ...
قول عادي ...

مو جديدة إني أحزن ...
لا تحس بالذنب أبدا ...
أنا و الحزن انولدنا بيوم واحد ...
و اقترنّا ...
و اندمجنا ...
و صرنا واحد ...
و الغريبة ... أنه فارقني يوم أنك لفيت ...
و الطبيعي ... إنه يرجع لي ما دام أنت اختفيت ...
لا تحس بالذنب ... مو أنت السبب ...
ما على قلبك ملامة ... أو عتب ...
قول عادي ...
ما تبيني ...
ما تشوف الحزن مطبوعة حروفه في جبيني ؟
قول عادي ...

ما تبيني ...
فرّقي يا دنيا ما بينه و بيني ...
أنا مخلوقة عشان أحزن ....
و صاير حزني عادة ...
و أنت تستاهل حبيبي ...
كل أصناف السعادة ...
ما أنت مجبور ٍ تعايش ...
حزني الحتمي و عناده ...
روح عيش الحب ...
و اترك لي ردى الحظ و سواده ...
لا تبيني ...
فرقي يا دنيا ما بينه و بيني ....

ما تبيني ...
خلني ذكرى ...
ذكرى سوداء ...
في حياتك ...
غيمة هلّت ...
نقمة حلّت ...
و استحلّت ...
تالي راحت ...
و المشاعر ... استراحت ...
و المطر اللي أنا به قد بليتك ...
بلّيتك ...
ملّيتك ...
دلّيتك ...
غلّيتك ...
علّيتك
لو فهمت الحب ... ؟؟
ليتك ... !
لا تتأفف ...
بكرة شمس الحب تشرق ...
و يتجفف ...
و يتخفف ...
و يتبخر ...
و يتوخر ...
لا تتأفف ...
بكرة لا جفيت تندم ...
و تتأسف ...

ما تبيني ... ؟
و أنت باقي في حياتي ذكرى حلوة ...
أحلى غنوة ...
أغلى منوة ...
بقعة بيضاء في سوادي ...
وردة مزروعة بفؤادي ...
بدر ليلي ...
نور هادي ...
ذكرى قالت في وداعي :
ما تبيني ...
ما لي داعي ...