وعليكـم السلام شحاذين مكـه الأفارقه معروف إنهم تحت إدارة عصابه حسبي الله عليهم انا اذكر قد صار لي موقف بالحرم من زمان وعقبها خلاص حرمت اعطي شي لشحاذين مكه جت أفريقيه وحنا جالسين على السجادات نستنى يأذن ومديت لها ريال سملا علي مادريت إلا ثانيه ويجتمعون علي قبيـلـه مدري من وين طلعوا ولا كيف دروا وتورطت انا مدري وش اسوي مدري اصيح ولا اخاف ولا انحـاش وبالفتره الأخيره انتقلت ظاهرة التسول للرياض ماغير حريم يحومون ويشحذون عند الإشارات والمشكله اللي يشوفهم يحسبهم سعوديات مايدري انهم افارقه وهنود .. الخ اتمنى من كل قلبي تختفي ظاهرة الشحاذه لأنها من جد مشوهه ديرتنا أقتباسوعاد الشركه تلعب فيه اما تقوم بتر عضو من اعضائه او تسويله شلل واي شي عشان الناس تعطف عليه من زمان امي كانت تخوفنا تقول ترى بيسرقونكم ويقطعون يديكم ولا رجلينكم ويخلونكم تشحذون عاد تلقينا لاصقين بأمي من الخـوف اثر عندها سالفه وانا أحسبها بس تخوفنا يعطيك العافيه صوت الحنين