أحبتي جمهور نادي القرن ..ممكن اعرف ليه مقومين الدنيا ومقعدينها على الخروج من بطولة محليه و امام فريق كبير كالاهلي ...يعني الهلال اللي لازم يطلّع الاهلي.. ؟ بعدين غيركم يطلع كل سنه بدون بطولة على مدى سنوات وسنوات والموسم هذا بيطلع بدون بطولة ايضا .
عموما عندي نقاط ابغى اوضحها بس ...!
مانبغى نضحك على انفسنا ...لاني لوسألتكم هل تفضلون الخروج من الموسم بدون بطولات محليه مقابل الحصول الاسيويه فإنكم ستقولون الله يسمع منك لانكم كل موسم تطلعون من الموسم ببطولة او بطولتين محليه علشان كذا انا ابغى اقول لكم ان البطولة الاسيويه قد استعصت على اندية الوطن جميعا ..هل يصدق ان آخر فريق كسبها وهو نادي الاتحاد كان عام 2005 يعني قبل سبع سنوات ..اي أنهيار للكره السعوديه هذا ؟
فريقكم بحاجة وقفتكم يوم الثلاثاء القادم في منافسات دوري ابطال اسيا وبعدها إلى دور الستة عشر الذي إن وفّق الله وتجاوزه الهلال فسوف تكون هناك فترة تسجيل قبل ربع النهائي وسترون لاعبين محليين واجانب لم تتوقعوا ان ترونهم على ملاعب الكره السعوديه .
علشان كذا ارجوا الوقوف بجانب الامير عبد الرحمن بن مساعد ودعمه ودعم فريقكم بدون تجريح وسترون مايسرّكم.
محبكم المحامي الازرق .
ملاحظة :
ارجوا من لديه حساب في منتدى الزعيم ان يضع هذا الموضوع في منتدى جمهور الهلال لاني موقوف على خلفيه نقاش في موضوع ايمانا لابارك الله فيه .