روحي اللي ترتجيك .. أتعبت صوت لفرح عني أنطوى


والصدى صوته حزين .. والأمل يغشاه شوق ..

وصدري اللي إمتلى بك .. ضاقت أرضه .. ثم شكل بك سما ..


يوم ضاق الكون فيه .. إرتفع بك فوق فوق ..

...


وكل ماوقتي لفى بك .. كنت أضمك .. وأشربك كلي ضما ..


حيل عطشان لهطولك .. وإمتلى شوقي شروق ..

ما تعمدت الوقوف .. ولا تعمدت السكوت من عشقتك إنما ..


خفت يعتم في بياضك .. وتنكتم دونك عروق ..

صاحبي ياتاج راس .. وراس مال .. هيبتك عز ضوى ..


إستوى وهج النهار بكحل ليل .. مع بروق ..



إشتياق النفس غيمه .. والدموع أمطار تزفر بالدما ..


والفراق أنفاس حاله .. غربه ومقتل خفوق ..


والأماني إحتياج .. والأمل أصبح حزين .. ودونك القلب إنعمى ..


والمشاعر موت حلم أرهبه قلب شفوق ..

ليت تغفى بك عيوني .. وأتنهد بك حياة .. ويستجير بك الهوى ..


وترتهج فيك الضلوع .. وأنتقي من الذوق ذوق ..