دعاه صديقي ( الكابتن ) المحلل الحالي في قنوات الجزيرة وأنا كنت أسمع ( أبد ماني عارف ) بأنه أحد المخضرمين النصراويين ( وأبد ماقد قالي ذلك المخضرم الكبير الحكم المعتزل زميلي في العمل ) ..
المهم كان بجانبي أحد الشبابين وكما نلقبه في الإستراحة بـ ( الجلاد ) همست في إذنه وقلت ترى مطرف نصراوي وقالي إحنا قلناله إنك بعد نصراوي .. إستغليت نصراويتي وبدأت أرفع بالنصر وشبيت على الهلاليين ومادريت إلا ومطرف يشوت ..
طلبت ( تيس مندي ) جاء التيس المندي قلطنا ودار النقاش ....
قلت ماجد هو الأسطورة الوحيد في السعودية ( أعرف مداخيلهم لأني أستعرض ذكرايات النصر زمان ويلف الشريط في ذاكرة المخضرم ويبتسم ) لأنه لايوجد حاضر أستطيع الحديث عنه 
رد مطرف وبسرعه وهو يأكل وقال حضرت مهرجان إعتزاله ؟
قلت طبعا ((وكان بيدي ضلع صغير أعرمش فيه ونزلته وبسرعه )) وقلت فيه أحد ماحضر إعتزال ماجد ( ناظر لي الجلاد وغمزت له لأني بصراحة ماحضرت الحفل )
المهم قال مطرف وهو متحمس تصدقون كان من ضمن الحضور حريم وجالسات في غرف الإعلاميين وكان التصوير ممنوع وحضر عدد ماعمره حضر في الإستاذ و و و و و بدأ التطبيل بدون إحساس ..
وقتها أيقنت وأجزمت بنصراويته وبأنه فعلا أحد المخضرمين .
المخضرمين هم من عاصروا أمجاد النصر وبطولاته قبل 18 سنة لأن الجيل الجديد مايذكر ولا بطولة (أخاف أنسى كأس فيصل تحت 21 ) إلا هالبطولة (يمقن يبونها ويمقن مايبونها )
المخضرمين يكنون حقد دفين للهلال حتى عندما إقتنعوا بأن ناديهم أصبح عاجز عن تحقيق البطولات أصبح شغلهم الشاغل الهلال وتشجيع جميع الأندية ضد الهلال ومتابعة أخباره أكثر من متابعة أخبار ناديهم .
( لأن في أخبار ناديهم .. لاجديد )
أما الجيل النصراوي الجديد فهو جيل عاقل متفهم يحب الشلهوب وتجد في منزله أخ صغير له لابس تيشرت المنتخب وعليه رقم وإسم ياسر أو نور .
تعين عندنا في العمل موظف جديد نصراوي عمره 23 دار نقاش حول الهلال والنصر قلت له تذكر متى آخر دوري أخذه النصر قال لا والله ما أذكر لأني كنت صغير قلت عزوز ولد ياسر القحطاني ( الله يخليه لوالديه ) إحتفل بالدوري مرتين والكأس مره . إبتسم وقال أنا هلالي 
هذا مثال على فرق العقليات بين المخضرمين والجيل الجديد .
بإختصار المخضرمين مجموعة أناس مرضا لايجيدون سوى الكُره والحقد .
نواف الجابر 11 يناير 2012