يتيم فاقد شوفت امه من سنين
وابوه مات من القهر والتجني
ما شاف واحد منهم بنظرت العين
والحزن يهدم في الضلوع ويبني
\
تنزل دموعه من لحون المغنين
واهل اللحون من السعاده تغني
قالوا تمنى ؟ قال ابا اشوف الاثنين
كان يفيد الميتين التمنى
يا كامل الاوصاف يا نادر الزين
هذا شعوري كل ما غبت عني
كيف اتقبل تعزية بعدك الشين
واشوف عذالي تجيك وتهني
دام الهجر والشوق والحزن قاسين
ليتتك علينا يا حبيبي تحني
يكفيك فني عن فنون المحبين
كم مره استطربت والفن فني
كنت اتانى من فراقك معي لين
طولت في فراقك ومات التأني
وكان الخطا منك مسامحك الحين
وكان الخطا مني وش تريد مني
؟؟!!