اقتباس:
المشاركة الأصلية كتبت بواسطة سعـود التميمي
طبلوآ طبلوآ طبلوآ ..
مع إحترامي لجمهور سامي ترى أخذ أكبر من حجمه ، وأحس أنكم طرتوآ
بالعجة والله أقرأ كلام مزري في منتديات الهلال يقولون ياسر مايسجل من 2009
ولما قيل لهم أنه سجل على تايلاند وألغاه الحكم قالوآ ماسجل الا على تايلاند وطقتها
طيب سامي ماسجل في التصفيات الا على أوزبكستان وطقتها .. الحمد لله بس ..
أنا سردت الكلام عن ياسر موب لأجل مقارنات مع سامي لا .. لكن لأقول أن سامي
في التصفيات مايسجل الا في فرق صغيرة بس هذا التطبييييل للنجم المفضل ..بس
لكل من أعطى سامي أكثر من حقه أنا أقول قبل إعتزال الدعيع كان فيه مشكلة
بينه وبين سامي ، وقبل إعتزال نواف التمياط كان فيه مشكلة بينه وبين سامي والآن
ياسر شارف على الإعتزال وإنتقل بشبهة للعين وسبق هذا كله مشكلة بينه وبين سامي
لمح لها ياسر لكن ماصرح لما قال ( مافيه شيء ولو كان فيه ماقلته للإعلام ) ولولا
أن فيه شيء يستعدي قول مثل هذا الكلام ماقاله ياسر ..إن كان سامي أخذ كل البطولات
فهو أنهى نجوم وأساطير وهذا اللي جعل سامي يسقط من عيني وعين الكثير وسلبيات
سامي إيجابيات في عيون جمهوره .. وحنكة بعد لكن ، أتمنى من اللي يدافع عن سامي
اللي إنجازاته الآن ماضي يدافع عن ياسر ، لأن الآن سامي يسجل الإخفاقات خلف
الإخفاقات .. وأقسم بالله العظيم أنني أملك معلومات تؤكد أن سامي هو من أرسل طلب
للمعهد لقبوله وبعد أن تم قبوله ظهر للجمهور يقول إستدعاني المعهد العالمي للتدريب
ونعم إستدعاه لكن قبل ذلك سامي هو من طلب من المعهد الإنضمام .. وبعدها شفنا
الجمهور كيف خلا سامي عالمي وبطل وأنه معروف حتى المعهد العالمي إستدعاه دون
غيره .. وهذا أسلوب سامي ليبقى في عيون جمهوره نجم وأسطورة . وأنا اؤكد أنني
أملك المعلومه هذي من شخص في نادي الهلال .. ومع هذا نلقى من يطبل له يبجله
وبرغم أن مافعله أكبر خطأ وبعيد كل البعد عن الإحترافية لأنه كيف يطلب أن يلتحق
بجهة عمل وهو مرتبط بعمل في إدارة الهلال .. لكن كل شيء جايز في وجود عضو
الشرف الداعم .. اللي يموت في سامي دون غيره .. ( معروف ) ..
سامي الجابر إسطورة ومعروف وتاريخه كبير مع الهلال والمنتخب وإنجازاته تاريخية
لكن لايعمينا تاريخه أن نعطيه أكبر من حجمه ونصنفه أنه النجم الخارق وأنه بيجيب
الفوز في 7 دقايق .. مثل ماقالت الأخت صاحبة الموضوع .. ! :
وأنا بعد أقول لك ما أدري هل تحسبين سامي بيليه والا مارادونا .. !!
حتى مارادونا لو لعب 7 دقايق في المباراة ماجاب النتيجة .. وإن جابها موب
ذكاء وموهبة الا حظ .. بس حبيت أعطيك معلومة ..
على أي أساس قيل هذا الكلام .. أتمنى من اللي يقرأ الموضوع لا يصدق
ويشوف سامي أكبر من مارادونا وبيليه .. وأنصحك ياصاحبة الموضوع أنك
ماتقرين كثير في منتديات الهلال لأنك من النوع اللي يتأثر بطرحهم كثيير
فهم يتكلمون على أساس أنه نجمهم المفضل ويتغاظون عن أفعاله السلبية والدليل
شوفوآ هذي التغريده من بتال القوس الآن .. شوفوآ :
(( سامي الجابر لا يذهب كثيرا لناديه الهلال هذه الايام..
احد المقربين يقول ان الاسطورة الزرقاء يشعر بالملل.. ))
أتحدى تلقون من يعلق عليها في منتديات الهلال سواء شبكة الزعيم أو شبكة الهلال
ولو لاعب غيره لإعتزل من كلامهم وهجومهم عليه .. وأنه ماغير يهتم بالشكل واللوك
والتصوير وما أدري أيش ..
أنا هلالي صميم وأحترم سامي كثير والله لكن أن يعطى أكثر مما
يستحق وهو من حارب النجوم أعتذر .. موب ساكت عن الحقيقة ..
أعرف كلامي كبير وصريح لكن أقسم بالله أنه ليس من كره
في سامي بقدر ماهو حقيقة كنت ساكت عنها .. إعذروني
على هذي الصراحة وأتمنى أن كلامي مايصل للحضر لأن
والله العظيم أني ماقلته حقد على سامي فسامي مدير الكرة في نادي
الهلال .. وهذي وجهة نظري وأتمنى إحترامها .. وللملاحظة
أناماسبيت سامي ولا شتمته مثل مايسوي بعض جمهور الهلال في
منتديات ثانية .. من سب صريح وشتم لياسر دون أن يلقوآ حضر
(( سبحانك اللهم وبحمدك أشهد أن لا إله إلآ أنت أستغفرك وأتوب إليك ))
|
كفو ياأخوي والله إنك جبتها بصميم
كفو ماقول غير كفو