بسم الله الرحمن الرحيم
السلام عليكم و رحمه الله و بركاته
يافخر بالحيل نفخر والمحب دايم أناني
حنّا عبد الله ملكنا في الضمـــــــــــاير شايلينه
له في نبض القلب بيعه صوت شعبه هو لساني
شايل الأمه في قلبه ماسح الدمعــــــــه الحزينه
أسكن الشعب فـْ ضلوعه قبـــــل يِسكنْه المباني
يقبل الله ما سعى به .. يرحـــــــم الله والدينه
خيره ولُطفه وعطفه سابـَـق اجزاء الثواني
يا ملكنا طيب فعــــــــلك سامعينه شايفينه
نار للباغي تزيله .. جَنّه لْمن جاه عاني
للعدا جبـــــّــار قاسي وللوطن يالين لينه
يا ملك لله درّك لا قصــــــــــايد لا أغاني
توصل لأقدام مجدٍ قَبّــــــــل الفرقد جبينه
بك تواضع رغم مجدك .. مذهلٍ وصفه عصاني
لو حذا الحكام حذوك .. عمّت الدنيا السكينه
مجحفه قولة نحبـّك ما بنا أعيا المعـــــــاني
شيء فوق الحب واسمى جاهلينه عارفينه
هو فخر مع ود جارف مع محبه مع تفاني
هو شعورٍ ممتلكنا أعجَـــــز الّي واصفينه
يا ملكنا نصف شعبك شال عرشك في المحاني
ونصفه الباقي تمرّد .. وضمّك انت فـْ وسط عينه
المحبه ذي من الله ما تجي غصب وأماني
ما تجي الا لصادق في الوفا لارضه ودينه
حولنا الدنيا مصـــــــايب أولٍّ يلحقه ثاني
هذا كَرَّهْ فيه شعبه وذاك شعبه كارهينه
بحر هالدنيا وهايج ما تهدّيه المــــــــــواني
وانت ربّان الســــلامه وثابته هذي السفينه
يا ملك موصول خيره ماضي ومقبل وآني
لك ولانا ما حيينــــــــــــــا هذا عهدٍ قاطعينه
دام عدلك يا ملكنا ودمت للأمجـــــــــاد باني
اضرب البــــاغي بسيفٍ قاطعٍ يقطع وتينه
واكرم الشعب الي حبّك واجعله في عيش هاني
بحر جودك دوم شامل وعادل وياتي في حينه
صانك الله يا بلدنا من أذى قـــــاصي وداني
اسعدي فامان ربك الوطــــــــن بايدي أمينه
http://t.co/06fiSgPB
عبر المواطن و الشاعر و الاديب و رئيس النادي و عضو الشرف
عبر صاحب السمو الملكي الامير عبدالرحمن بن مساعد بن عبدالعزيز ال سعود
عن حبه لوطنه عن حبه لملكيه عن حبه لشعبه عن حبه لكل ما هو سعودي
من خلال قصيدة اعتقد انها كافيه للتعبير عن الوطن الذي اعطى الكثير
و هذي ربما اكون قد سمعتها من قبل بعد عودة الملك للارض الوطن بعد رحلة علاج (( ربما تكون شبه ))
و لكن شكرا ابو فيصل على الكلمات الرائعة و المعبرة
((( شكرا وطن )))