ناس تموت وناس تنولد
ناس تحمل وناس تسقط
ناس تحب وناس تكره
ناس تتزوج وناس تتطلق
ناس تترمل وناس تعنّس
ناس تضحك وناس تبكي
ناس تنجن وناس تعقل
ناس بمراقص وناس بحروب
ناس بمستشفيات وناس بتلاهي
ناس فيهم من الطيب
وناس فيهم من الحقد والغيره
ناس تحب وتعطي للحب جنون
ناسٍ غريبه وكلنا اغراب
نعيش على مقياس الوقت
تضل تعايشات ابن ادم متناقضه
تبقى كفتين ومن غير اختيار
مره تلتفت لكفتك اليمنى ومره لليسرى
لكن الغريب واللي ماله حل
من يكبر بعمره ويصغر بعقله
ومن يكون صغير وكبير بعقله
حتى صغر العقل وكبر الذات فيه تفاوات
يَ ـآآآآآه يادنيا
تقسم الناس نصين ..
وفيه من تلقاه يبيك تحس فيه
وهو لايحس ولا يفهم
وفيه من تلقاه يحب الوضوح
وهو غامض
وعلى درب الكذب يسير
وفيه من تلقاه على المثاليه متربع
وهو بخفاياه ردي ومبلي
فيه من يدعي الرومنسيه
وهو مع رفعة الصوت جلف ولا احساس
فيه من يطالب بالذوق والرقي
ومع المواقف لاتلقى ذوق ولا رقي
للاسف حنا شعب نطلب ونطلب
ومحد ينمي نفسه ويفرض ذوقه واحترامه
حرام الذوق ينحصر بالكلام المعسول والمرتجلات الكلاميه
لابد من الذوق يكون موقف وردت فعل
مو كلام منمق
ينسكب بعد انتهاء اي موقف
حرام تلقى من ينافخ عليك اثناء اي نقاش
وثم بعد النقاش يجي يقولك اسف ماكنت اقصد وو
هو جرح المشاعر سهل !!؟
يوم ينتداوى بكلمة اسف
لابد من الانسان يثمن نفسه
حتى مَ يجبر نفسه تكون بكل لحظه اعتذار
لابد للاعتذار لحظته مو كثرته
ويَ دنيا ناقضي ناسك
وفاوتيهم بين وبين
وجننيهم وعقليهم
ضحكيهم وسووي اللي تبينه
.............. بس
يَ دنيـا
حبـي وحبـي وحبـي
هَـ العمر هوَ الحُب وبس
وبعيد عن صخب الفصاحه
وبلاغة الابجديه
هُنا عبارات من القلب
تلتم بِ فضفضه وجنون
لابِ تنميق ومثاليّـه ..