اقتباس:
المشاركة الأصلية كتبت بواسطة &&بنووته**
مانزل ياسر إلي هالمستوى ألا بعض الجماهير وإلي حوله للأسف 
أجل أفضل لاعب سعودي مدري تقصدين الحين مقتنعه ؟؟ 
فقدت الأمل بعد تصريحه لصحيفة الأمارات اليوم
يقول مستواي ماهبط وبعد تصريح والده الكريم
أتمنى تتغير عقليته ويحاول يسترجع مستواه أذا وده يرجع للهلال 
( وهذ1 شيء مستبعد دامه يتابع الموقع بس ) !! |
بأعلق بس على الجملة الاخيرة ..
تبينه يدخل وشو ؟ المنتديات الهلالية ؟
المنتديات الهلالية لا اشكك في القائمين عليها .. ولكنها تحتوي على العديد من الاعضاء اصحاب التوجه الواحد
فأصبح تقريباً التوجه العام بالنسبة لياسر : هو محاربته ..
طبعاً قد استثني من ذلك الموقع الرسمي الزعيم .. فقد لمست منه بعض الحيادية رغم اني لم اتعمق فيه بشكل كبير
أحد الإخوان بإحدى الشبكات الهلالية وهو شخص محترم وحيادي بطرحه ..
قال بأنه لم تتم محاربة ياسر عند انخفاض مستواه بالعام الماضي وحسب ..
بل إنه تم محاربته منذ بزوغ نجمه وقدومه للهلال .. واستشهد بقضية
(( ياسر الحــاسم )) .. وانه تم التشكيك بقدرة ياسر على الحسم والضغط عليه منذ ذلك الحين
الذي كان فيه ياسر احد نجوم آسيا وبعدها بفترة حصل على جائزة أفضل لاعب بآسيا ..
وانا شخصياً كنت حاضراً في ذلك الوقت في هذه الشبكة وشاهدت تلك الحملة .. حملة ياسر ما يقدر يحسم
واتوقع ان الجميع لديه علم بذلك فقد امتد اثرها خارج ذلك المنتدى ..
لا احد يستغرب لو اجيب رد من احد هذه الشبكات والموضوع عن حصول ياسر على جائزة افضل لاعب بآسيا ورده هو تشكيك بموهبته وقدراته
المشكلة ان النقد البناء عبارة اصبحت تحوي الآلاف بل الملايين من الكلمات والجمل فأصبحت عبارة فضفاضة
تتسع لكل ما يطرح .. وأصبحت ذريعة لشن كل ما يمكن شنه ..
البعض بل الكثير فهم النقد على انه السب فكل ما سب ياسر أكثر كل ماكان هلالي مخلص أكثر وعاشق لناديه أكثر وأكثر
فأصبح يسب بدون حيا ولا مستحا ..
ما أتهم سامي لان ماله دخل .. لكن جمهوره يحتوي على كثير من صغار السن الذين يوهمون أنفسهم بأنهم كبار في السن والطرح .. والسند هو محبتهم لسامي
ولو مدحت ياسر بالغلط قالوا انت بزر توك مشجع الهلال !!
والمشكلة بعضهم ما لحق على سامي .. ولو تسأله عن إحصائياته ما درى .. بس يحب سامي عشان يصير old hilaly
فجمهور سامي هذا كثير منه (وليس كله) أصبح يقلل من ياسر في الشاردة والواردة وياكثر اللي يحقدون عليه
وبعضهم يتضايق لو يجيب ياسر هدف ووده ان الهلال يخسر ولا ان ياسر يجيب هالهدف ..
واللي يبط الكبد انه يتهم من يحب ياسر بانه مشجع لياسر وليس الهلال .. بينما هو تلقى 95%
من ردوده عن سامي .. وياويلك يا سواد ليلك لو تقول كلمة عنه .. بينما هو يقطع في جلد ياسر
واذا رديت عليه سحب منك صك تشجيع الهلال وصرت مشجع ياسري
أتوقع أن من أبرز أسباب محاربتهم لياسر هو كرههم لان يتقدم على سامي أو يتفوق عليه .. فتجدهم دائماً
ما يقللون منه وفي المقابل تجدهم يمدحون في سامي ..
بل وصلت فيهم ان يشككوا بجائزة أفضل لاعب آسيوي لأن ياسر حصل عليها وسامي لم يحصل !!
وبعد كل هذا تنتقدين عدم دخوله لغير الموقع .. والله لو يحطونه هنا أطلق من مارادونا وبيليه مجتمعين
انه اهون من [ التجريح الشخصي ] اللي يوجد بغيره !!
لا احد يستغرب لو اقول.. ان بعض المنتديات الهلالية تحارب ياسر أكثر مما تحارب النصر والاتحاد !!
ملاحظة :لا يمكن أن أشكك في ما قدمه سامي للهلال خلال عشرين سنة .. وانا مجرد مشجع هلالي ..
كلامي يتعلق بجمهور سامي الذي أصبح يمثل الرأي الغالب في بعض المنتديات الهلالية !