عيونك آخر آمالي وليلي اطول من اليم
كيف ألقى كلامٍ عذب يوصف دافي احساسي
♥
عشقتك قبل ما اشوفك وشفتك صرت كلي حلم
ابي رمشك يغطيني وابيك اقرب من انفاسي
♥
يهمك تعرف انك قتلت في سنيني الهم
قتلني ضحكك وجدك قتلني لينك القاسي
♥
رميت اقداري في دربك وصرت في عروقي الدم
احبك كثر ماسالت دموع وما نسى ناسي
♥
يجول الحزن في ضلوعي بردت وذاب فيني العظم
و يا كثر الحطب حولي وعندك انكسر فاسي
♥
سألتك بالذي زانك تحب فيني حتى الظلم !
تحب عيوبي وغدري تحب المر في كاسي
♥
انا من كثر ما احبك ابيك كثر رمل اليم
وابيك فوق الناس وابي ماينحني راسي
♥