هالويكند حلو واحسه صيفيه .. من يوم الاربعاء وانا في اجازه رسمية من الدوام .. والاسبوع كله اللي طاف ماكان عندي غير امتحان يوم السبت وبس .. اللي كان تحضير مركبات عضويه وسبق ونزلت صور الملزمه الويكند اللي راح .. وشكيت همي وصجيت ام المنتدى .. الحمد لله كان حلو وماشي صحيح صعب لكن المذاكره كانت تمام .. ويوم الاثنين ماكان عندي غير محاظره وختمنا المنهج ولا داومت و كبرت المخده .. وعشان يوم الاربعاء ماكان فيه دوام ؛ نمت الى وقت متأخر شوي .. وافطرت متأخر ، ولما حضرت امي الغداء ماتغديت .. ، جاء العصر والله جوعااانه والحمد لله مالي نفس في الكبسه .. واحد من اخواني يدرس بالثانوي جاء من المدرسه ونام للعصر .. وقام من النوم يبي يتغدى معي .. ، قلت وش رايك نتغدى برا قالي قدام يالله ، .. كانت الساعه 5 4 : 5 العصر ؛ وطلعنا نبي هرفي غيرنا على كودو .. وامس كان هادي وراااحه في البيت ، الغريب كل خميس لازم رحله وطلعه ووناااسه .. لكن هالمره الوالد ماكن موجود ومن يومين بالديره ، ماهان علينا نطلع وهو مايكون معانا فجلسنا .. لكنه رجع بالليل وجاب معه عشاء من الديره وتعشى معنا .. والجو كان شئ شئ الى اليوم ضبااااب ورشات مطر متقطعه وبرد .. وامس نزلت صوره ..