بِسم الله الرّحمن الرّحيم ..
صبّحهم .. وِ مسّهم بالخِير .. ![قلب](robben/smile/017.gif)
اخبآركُم عساكُم بخير ؟! : $
مَدخل .. {
ذاك الغرام اللي توسّدني وكان ..
طفلٍ يبعثر بـ الحنايا امتعه ..
جاني مع المغنى تفاصيل وحنان ,
يطلب وصالي كلّ لحظه وامنعه
ضاعت بي الفرحه على مرّ الزمان
لاني قدرت آبعثره .. أو أجمَعه ..
![](http://up.g-najd.com//uploads/images/gnajd-213c3d592a.gif)
" قانُون قلبي "
لي صاحبٍ لا ضاقت الدنيا أجيه ..
يمسح دموعي ويدثر الآهات فيني
يرسم لقلبي بسمة الكُون بيديه ..
بهجَة حياتي شوفته , ضيٍّ لِعيني ..
هُو طاهر الإحساس ؟ , أو كلي يبيه ؟!
هو خافي الذّكرى وهُو مطلب سنيني ..
يالله عسى لا تقسى هالدّنيا عليه ..
وان كان بِه سوءٍ / بدَل عنّه " يجيني "
كم ليلةٍ فيها الأماني .. ترتجيه ,
لا كان وحدِه يذكر أيّامي و حنيني ..
هذي حياتي عِشتها .. مِنّه وفيه ,
وهذي حياته : كلّها مِنّي وِ فيني ,
كلّ المشاعر شفتها يُوم أبتديه ,
هو كذا " قانون قلبي" مبتليني ..
جعل الهوَى اللي قد بلاني .. يبتليه
يجتاح قلبه , ثم قلبي / ويكتسيني ..
ماني أحبّه , لا وربّي مِهتويه ,
واكبر دليلٍ لِه حياتي , ويفتديني
الصّاحب اللّي كلّ رُوحي تبتغيه ,
يفداه قلبِي .. دام إنّه مهتويني , !
لي عزّةٍ مابين خلق الله عليه ,
ولِه عزةٍ ما بين هالعالم بِ عيني ,
خلٍّ"ن" وعدتِه يُوم أتمسّك " يديه "
وقت الشّدايد ما أباعدها يدِيني ..
,
وسلامتكُم ..
,
لَآ إله إلّا الله .. مُحمداً رسُول الله ..
مُتواضِعه وبسِيطه .. أتمنّى تنَال إعجابكم ..
ملاحظه : ترآ القصِيده إهدآء ل نآيف المصيبيح ![قلب](robben/smile/017.gif)
أخُوكم ..
مِحمّد بِن سعد الغريبي ..
![قلب](robben/smile/017.gif)
|