المشاركة الأصلية كتبت بواسطة زعيم الازرق

انا كان مستوى ياسر العام معجبني تماماً واعتبره من افضل مواسم ياسر ..

كان أسرع وأكثر مرونة .. كان لياقيا ممتاز وله مهاراته ..

هذا الموسم تهديفياً ورقمياً ممتاز .. لكن أين سرعتك ولياقتك يا ياسر؟؟

أفضل مباراة له في هذا الموسم هي امام الاتحاد اجتهد وشد حيله وكان مكون خط هجوم بالفعل ..

انا والله العظيم اني من أكثر محبين ياسر ولمن يريد أن يتأكد يبحث عن يوزر " زعيم الازرق " في المنتديات الهلالية الاخرى ويشاهد مقدار محبتي ودفاعي عنه ..

ولطالما راهنت عليه ..


إيجابية ياسر الوحيدة في الوقت الحالي هي الكنترول وتوزيع الكرة بشكل ممتاز ..

غير ذلك أقل من المأمول !!

اللياقة بالله ذي لياقة ؟ يركض في هجمتين وبعدين معد نشوفه .. الارتداد بطيء جداً عنده !

التحرك السريع بدون كورة .. اخوي وهو "لاعبه المفضل" ياسر .. بغى ينجلط في مباراة النصر .. اجل هجمة للهلال وفيه الدوسري وويلي والشلهوب .. وإذا بياسر يهرول جاي من الخلف بعد ما فات الفوت ... : تحررررررررك !!

المراوغة .. وين ياسر اللي تنقطع منه الكورة ويرجع وتنقطع ويرجع لين يجندل ..
الحين من تنقطع الكورة منه خلاص معد يحاول يراوغ !!

الضغط على المدافعين .. الى الآن وياسر يسبب هاجس للمدافعين .. لكن تتوقعون بيستمر هالهاجس ؟ لا طبعاً كلها فترة ويصير ياسر لاعب عادي جداً .. اضغط على المدافعين .. اكتمهم .. لاتخليهم يمررون ويتقدمون على راحتهم .. جدد هذا الهاجس !!

نادراً ما اشوفه يتجه نحو المرمى .. انا المهاجم اللي اشوف الكورة معه وعيونه تتجه نحو المرمى .. لو كان في الدوري البنقالي احترمه واقدره .. لان هذا فعلاً المهاجم .. وانت يا ياسر مهاجم لكن الى متى وانت اذا جتك الكورة ترجعها او توزع .. انت لاعب لديك مهارات اللاعبين الكبار ونحن نراهن عليها .. تمركز بشكل جيد ويفضل انها تكون خلف المدافعين انطلق بشكل سريع .. اجعل المرمى هدفاً لك .. سدد !!! .. موب تهدي وترجع الكورة ورا او توقف ..
ارجع للقطة هدفك امام النصر في مباراة الخمسة (الهدف الاول) .. وانطلاقتك المميزة في مباراة النصر الاخيرة رغم اضاعتك الفرصة الا انك تشكر عليها ..




لا أنكر انه قبل العودة من الاصابة .. وبالتحديد من قبل مباراة الوحدة .. كان ياسر تتوافر فيه نسبة من هذه النقاط اللي ذكرتها ..

لكن حالياً .. لا للأسف لا !!


مازلنا نؤمل في ياسر وسنظل هكذا بإذن الله الى أن يعتزل في نادي الهلال بعد عمر طويل إن شاء الله ..

لكن يا ياسر لا تخذلنا .. لا تخذلنا .. لا تخذلنا ..

جمهور الهلال يحترق عشانك .. ماتلاحظ انك رغم فيه من هم افضل مستوى منك في الفريق الا ان اكثر اسم يهتف له ياسر .. اكثر اسم يصفقون له .. اللاعب الجماهيري الاول ..

شد حيلك عشانا .. ما نبي هدف .. ما نبي صناعة هدف ..

نبي ياسر .. ياسر وبس !!