اهلاً ابو عبدالعزيز ..


س1/ ارمي سهامك .. العضو واعوذ بالله من ان امدح نفسي .. لكني من أكثر الاشخاص المحبين للاعب والشخص ياسر القحطاني .. ومن أكثر المدافعين عن ياسر القحطاني بالمنتديات الهلالية (لاحظ الهلالية) .. رغم علمي انك من النجوم الكبار اللي لا يحتاجون للتطبيل لاثبات ارقامهم وانجازاتهم .. السؤال يقول / تؤمن بأن هناك عينة هلالية حاقدة على ياسر القحطاني خاصة من جمهور اللاعبين السابقين ؟ وانت عارف وش اقصد ! ياليت تقولي رايك فيهم وهل تهتم لآرائهم؟ وياليت تقولي رايك في بث سمومهم بحجة محبة الكيان !


س2/ في المقابل انا أحد مشجعين الهلال الحقيقيين اشوف مستواك منخفض .. لكن لا أنكر أرقامك مثل كونك هداف الموسمين الاخيرين بالارقام .. لاني اشوف هالارقام دافع لك أكثر من انها تخدير .. وانت كفو لمواصلة افضل بكثير من هذه الارقام .. لذلك هل سيواصل ياسر انخفاض مستواه من حيث عدم القتالية وبطء المهارة والسبرنتات البطيئة بالذات بالهجمات المرتدة .. ام تكون الارقام دافع لك لتصاعد المستوى والروح والقتالية وسرعة الاداء ؟


س3/ في مباراة الوحدة .. الهجمة اللي صنعها لك الفريدي واستلمتها وسددتها فوق العارضة .. حزنت عليها أكثر من حزني على طرد رادوي وهدف الوحدة ! متى بتفهم يا ياسر ان اهدافك غير ؟ مهوب عشان أهدافك حلوة أو خرافية .. لكن لأنك ياسر اللي يعشقه ويحبه الجمهور الهلالي ! المهاجم تجيه أقل شي بالمباراة ثلاث فرص سانحة للتسجيل .. مانبيك تجيب هالثلاث .. بس نبي وحدة تصير هدف بس ! صعبة ؟