قال أحبِك . . وابتسمت !
قلت : أبحكي لك حكاية , بس خلّ بالِك معايا
النهايَة ! هذة هي كل الحكاية :
اللي يجمعنا ( إضافَة ) والحكي كلّه ( سخافة ) !
تبغى تخطبني ؟ تفضَل
طِق ماسنجر هليّ . . وقول أنا بخطب سوالِف
ومن . . سوالِف !
شفت وش ( سخف ) الحكاية ؟
أنا مين وأنت مين !
حنّا ناس " مكممين " .. شفنا دنيا وشفنا ناس
وصرنا بـنحب وخلاص !
ياعزيزي !
الحكاية مو أحبك والسلام . .
الكلام اللي بيجي بعد السلام !
( إرتطام ) !
شفت وش معنى الحكاية ؟
يعني شي بلا بداية , أو وسيلة بدون غاية !
بس تجمعنا ( الحروف ) .. وراح تفرقنا الظروف
ليه نشقى ؟ وش بـ نلقى غير تقليب الكفوف !
ماأبي أقسى عليك . . بس من خوفي عليك ودي تفهم
ودي تعرِف عن شعوري !
ما أحبَك . .
ما أحبَك . .
ما أحبَك . .
يا أخي ( أنا أعزك ) ,
والعشِق ماهو ضروري !
ماهو شرط إنك حبيبي . . . أنت طيبي "
شي بالدنيا إكتسبته وشخص اخترته بـ طريقي
وفي أحاسيسي كتبته .
,