يقول بندر (( هلالي ماركة )) :
يابنت ياللي للحضارة تنــــــــــــادين
ودك على الموضة أبرمج مســـاري
يابنت قولي وضحي وش تريـــــدين
أفكارك السودا تثير انبهـــــــــــــاري
تي شيرت وبلوزة وجنز وفســـاتين
وتنوره فيها غدى الساق عــــــاري
تنورة من ضيقها حيل تشكــــــــين
لبس تماريبه بقولة حضــــــــــاري
****
واقول :يا ليتها يا بندر فمنظر(ن) زين
واقول يا ليت البخت عند داري
لكن إذا خيّرت من عالم(ن) شين
يحللّ المحضور ,, شي اضطراري 
بتشوف اسوأ من كذا ان عشت بعدين
وان كنت داري قول ,, مانيب داري
أحيان صدفة ,, تقبل العطف واللين
ولا الشعور ,, اللي يصير انتحاري
يا بنت ,, يا بنت المطاليق , تكفين
الزين , ماهو حرب ,, واخذ بثاري
الزين , زين العقل والقلب والدين
واحساس ان الكون تصريف باري
وقدرك ترى باقي على الراس والعين
تبقين , أختي , وبنت عمّي , وجاري