إثنين مامثلهم بيـن البشـر والعـرب
في ذمتي هم غنـاة الـروح وهنيّهـا
وإثنين في حبهم ببقـى احـب وأحّـب
اثنين من حضـرة الدنيـا وماضيّهـا
وإثنين في بعدهم عمري جفاف ولهـب
وفي قربهم تزهـر دروبـي نواحيّهـا
ابوي وامي ولو بلحق جزاهـم صعـب
جزاهم اكبـر مـن الحاجـه وراعيّهـا
ابوي رجلن كريـم المرجلـه والنسـب
وامي هـدب عيـن جدانـي وياحيّهـا
في برهم ماشكيـت المهلكـه والتعـب
لو يطلبون العيون السود مـع ضيّهـا
..
امي هـدب عيـن جدانـي وياحيّهـا
..
اي والله يَ خيها ويَ كلها
هدب عيني وهدب كلي
الله لايحرمني منك يَ عيونها وكلها
الكل يحب امه والكل يشوف امه بالدتيا
وانها الكل واللي مامثلها
بس حبي لميمتي ماينوصف
لا بالله ماينوصف
هي اختي
هي صديقتي
هي بنتي
هي ابوي
هي اخوي
هي خالي
هي عمي
هي ربعي كلهم
مافي شي بيهزني بهالدنيا
الا شي واحد ..
لحظه مانحرم منها وانفجع فيها
( لاقدر الله ..
هذي هي نهايتي
وهذي هي عذابي
ماهي بس ام هي الكل بكلي
الله يَ رب توفقها بدنياها واخرتها
وانك لاتبكيلها عين
وان كتبت للفرقى بينا
خل يومي قبل يومها
كتبت بركني الكثير والكثير
وكتبت وكتبت وكتبت
لكن هاللحظه بكتب عن انسانه مالها مثيل
انسانه قلبها ابيض نيتها صافيه عقلها كبير مكانتها عميقه
انسانه بعيني شي كبير
بعيد عن كونها مجرد ام
انسانه مهما تزعلني فَ هذا من حبها لي
اااه يَ ميمتي ان جت اللحظه اللي اموت فيها
ادخلي تدويني واقري كل مابقلب حُرّتكْ
رغم اني مااخبي عليك شي
لكن تعايشي لحظاتي وجنوني
ولاتحرميني من دعاك ورضاك
ماقول هالحكي من تشاؤم ومن كدر ومن شي معين
اقولها بعقل متيقن تماما ان لكل انسان نهايه
وان اخرة كل ادمي دفن تحت الثرى
احبك .. 