لاتذبح الحب وتوقف على قبري=وتصف وقت العزاء في صف شيّابي
مابين كل جرح ماتلقى مغز ابره=مو ناقص الا تصير جروحي ثيابي
مابي اسولف وتكشف حزني النبره=ابين اني سعيد وحزني ادرابي
اتصنع الضحك واكتم داخلي عبره=سويت لكن زماني ويش سوابي
خلاني الضيق دايم للحزن عبره=مدري اعاتب زماني مدري اصحابي
ماطحت لو مالقيت لضيقتي دبره=لي عزت لابغيت اطيح ترقابي
مع طول الايام عيني تكتسب خبره=والناتج يطيح منها اقرب احبابي
انا اكثر انسان واسي بالخفا صبره=ان رهين الوصل بعيون غيّابي
ليه القلم لاكتبتك يختنق حبره=ليه السهر مايداري شرهة اهدابي
الخاطر المنكسر مل الشعر جبره=شوف المشاريه ماتت داخل كتابي
الهم ياكبره بصدري وانا كبره=متبادل اعجابه الدايم مع اعجابي
بذرت فيك الوفا لكني اعتبره=اهداء لاي شخص بعدي ياخذ ترابي