ماجت لي الدنيا على ماتمنيت
وحلمت والاحلام شبه معدومه
عجزت وانا اللي قلت سويت
حظي فتر حيله وبردت عزومه
ياما قطعت من الدروب وتعنيت
وسريت ليلٍ ماتشعشع نجومه
وكم ليلةٍ روحي على كف عفريت
واقول مااحدٍ ميّت قبل يومه
ماتحت رجليني ياكود الديناميت
اطا الخطر كني معارض حكومه
وقفت في وجه الظروف وتصديت
وقفة شجاع راس ماله سلومه
وش عاد اخذت من المحبه وخليت
حب مضى وقته وبقيت رسومه
عليه اجر مع الونين التناهيت
لااخذت لي في فجوه الرحب حومه
ذكراه حولي كل مااصبحت وامسيت
رحل والاصعب مع رحيله قدومه