اي والله اسهر والمخاليق رقاد
اي والله اسهر والسهر عادتن لي
بين السهر والليل والعين ميعاد
الصبح يصبح ما تعدّا محلي
ونات قلبي لا اقبل الليل تزداد
افكر وأفكر حيل وآخذ وأخلي
وإليا نشدني واحدن قلت معتاد
أهوى السهر وألقا به اللي يسلي
وشعاد لو هو بين الصبح وشعاد
أنا عيوني للسهر ما تملي
مالي غرض بالناس صادر ووراد
كلن على منهاج نفسه يدلي
ما همني من كان حاسد ونقاد
وإليا نخاني واحدن جيت كلي