، قبل " ثلاث سنوات " بالضبط الوالدهـ الله يطول بعمرها ويخليها لي كانت تعاني من " فشل كلوي " حاد وكنا نرفض إنها تسافر للخارج لإجراء العملية .. خوفا ً عليهاااا .. كنا نبغاها تعمل العمليه هنا .. بالرياض عندنا فكان الأمير / (( سلمان بن عبدالعزيز )) حاكم نجـد هو من أمر بإحضار كليه مستعجله على أقرب طايره للرياض وتحديدا ً " التخصصي " فأجرت الوالده العمليه ونجحت والله يتم عليها .. بعدها تشرفت في يوم ما بزياره للأمير الوالد سلمان نجـد .. مع خالي وناس من الربع .. وقلت بين يديه هالقصيده المتواضعه جدا ً واللي فيها من الكسور ما الله به عليم .. تخليوا بس قصيده مكسره وأقولها قدام " امير الحزم والرحمه " لان خالي بالطريق قالي وين شاعريتك ولا بس تهايط علينا قلت ايه اهايط من جدك اكتب الحين بالطريق واقولها قدام مين سلمان ؟! قال والله ان تكتب عاد خالي هو ابوي الحقيقي لانه اللي رباني وعشت عنده لين صرت قدع على قولة اخوانا المصاريه فقلت بعد ان توكلت على الله وانا على اعصابي .. يقولون : الرياض على وش محسوده ؟ مثلها مثل باقي المدن في كل الأوطان لا فيها بحر ولا فيها مثل جبال السوده بالشتاء برد وبالصيف نصيف في لبنان !! واقول حتى لو هذي أحلى أنشـوده . . بالقصيد وهذي هي ( ملهمة ) سلمـان فإن كان ماهي على سلمان محسـوده بالله من تحسد على غيره .. أنســاااان .. ؟ الا.. محسوده و محسوده و محسوده .. وبلغوا باقي ( المدن ) تعلن .. ( أعلان ) !! غير ( الأمير ) اللي يمناه بالطيب ممدوده .. أبد ورب البيت ما نبي ( غيره ) أنسان .. !! الرياض مدينه حضارية وبالزين مشهـوده وصارت بفضله عاصمة أغلى الأوطاااااان .. شفنا التطور بالطرق والأحيا بفضل جوده لين صارت ( أسطوره ) ما تتكرر بهالزمان !! فمن حقنا نتفاخر فيه ونبرز .. جهـوده ونتفاخر برياض المجـد ( أحلى عنـوان ) وسلامتكم .. ابو فهد قال وقتها صح لسانك .. ولو اني ادري انها ما ركز فيها .. بس فأجاني قال يوم كرر معي كلمة محسوده ومن يومها صارت احلى بدايه لي ومحفز بنفس الوقت و و و بس